ប្រធានរដ្ឋសភាវៀតណលោក Vuong Dinh Hue បានអញ្ជើញទទួលជួបលោកស្រី Anna Kaisa Ikonen អភិបាលក្រុង Tempere (រូបថត៖ TTXVN)

នៅក្នុងជំនួបនេះ ប្រធានរដ្ឋសភាវៀតណាមលោក Vuong Dinh Hue បានស្នើឱ្យ អភិបាលក្រុង លោកស្រី Anna Kaisa Ikonen លើកកម្ពស់ និងលើកទឹកចិត្តអង្គភាពអាជីវកម្មធំ ៗ នៅ ទីក្រុងដើម្បីពង្រឹងកិច្ចសហប្រតិបត្តិការនិងវិនិយោគនៅវៀតណាម ជាពិសេសលើវិស័យដែលទីក្រុងមានសក្តានុពល ដោយទាញយកផលប្រយោជន៍ដ៏ធំធេងពីកិច្ចព្រមព្រៀង EVFTA សម្រាប់ភាគីទាំងពីរ។ ប្រធានរដ្ឋសភាវៀតណាមបានឲ្យដឹងថាវៀតណាមមានគោលការណ៍ជំរុញខ្លាំងការទាក់ទាញវិនិយោគបរទេសដើម្បីទទួលការបម្លាស់ទីខ្សែសង្វាក់ផ្គត់ផ្គង់និងឱកាសស្ដារសេដ្ឋកិច្ច ក្រោយពីជំងឺរាតត្បាតកូវីដ ១៩។ ដូច្នេះហើយ វៀតណាមមានគោលបំណងចង់ពង្រឹងកិច្ចសហប្រតិបត្តិការជាមួយហ្វាំងឡង់ក្នុងវិស័យសក្តានុពលដូចជាបច្ចេកវិទ្យាខ្ពស់ ទូរគមនាគមន៍ ថាមពលកកើតឡើងវិញ បរិស្ថាន បច្ចេកវិទ្យាព័ត៌មានវិទ្យា សំណង់និង ការគ្រប់គ្រងទីក្រុងឆ្លាតវៃ។ នៅក្នុងជំនួបជាមួយអង្គភាពអាជីវកម្មនៅទីក្រុង Tempere ប្រធានរដ្ឋសភាវៀតណាមលោក Vuong Dinh Hue បានឲ្យដឹងថាវៀតណាមចាប់អារម្មណ៍យ៉ាងខ្លាំងក្នុងការជំរុញការអភិវឌ្ឍ ប្រព័ន្ធអេកូឡូស៊ីចាប់ផ្តើមអាជីវកម្មនិងការផ្លាស់ប្ដូរថ្មី ច្នៃប្រឌិត ។ ក្រៅពីនេះវៀតណាមក៏មានយន្តការគោលនយោបាយទាក់ទាញយ៉ាងខ្លាំងពីសហគមន៍ធុរកិច្ចក្នុងស្រុកនិងលើកទឹកចិត្តអង្គភាពអាជីវកម្មបរទេស ចូលរួម។ វៀតណាមកំពុងបន្តធ្វើឱ្យប្រសើរឡើងនូវរបៀងគតិយុត្តិអំណោយផល បង្កើតបរិយាកាសធុរកិច្ចអំណោយផលប្រកបដោយស្ថិរភាពនិងសុវត្ថិភាពសម្រាប់វិនិយោគិននិងអង្គភាពអាជីវកម្មបរទេស ក្នុងនោះមានអង្គភាពអាជីវកម្មហ្វាំងឡង់មកវិនិយោគនិងធ្វើអាជីវកម្មប្រកបដោយស្ថិរភាពនៅវៀតណាម៕