ទិដ្ឋភាពនៃកិច្ចប្រជុំ (រូបថត៖ quochoi.vn)

នារសៀលថ្ងៃទី ២៦ មិថុនា នៅវិមានរដ្ឋសភា អនុប្រធានរដ្ឋសភា លោក Nguyen Duc Hai បានទទួលជួបគណៈប្រតិភូធុរកិច្ចនៃក្រុមប្រឹក្សាធុរកិច្ចសហភាពអឺរ៉ុប (EU) - សមាគមប្រជាជាតិអាស៊ីអាគ្នេយ៍ (អាស៊ាន) ដែលដឹកនាំដោយប្រធានក្រុមប្រឹក្សាធុរកិច្ចសហភាពអឺរ៉ុប - អាស៊ាន លោក Jens Rübbert និងប្រធាន EuroCham វៀតណាម លោក Dominik Meichle សហប្រធានគណៈប្រតិភូបានមកទស្សនកិច្ច និងធ្វើការ។

ក្នុងជំនួបនេះ អនុប្រធានរដ្ឋសភា លោក Nguyen Duc Hai បានស្នើថា នាពេលខាងមុខ ក្រុមប្រឹក្សាធុរកិច្ចអឺរ៉ុប - អាស៊ាន, EuroCham វៀតណាម និងធុរកិច្ច EU បង្កើនការវិនិយោគ និងធ្វើអាជីវកម្មនៅវៀតណាម; លើកទឹកចិត្តសភានៃប្រទេសសមាជិកសហភាពអឺរ៉ុបមួយចំនួនដែលនៅសេសសល់ ឱ្យផ្តល់សច្ចាប័នលើកិច្ចព្រមព្រៀងការពារការវិនិយោគ (EVIPA); ផ្តល់អនុសាសន៍ជូន EC ឆាប់ដកចេញ "កាតលឿង" IUU សម្រាប់ការនាំចេញជលផលរបស់វៀតណាម។ លោកអនុប្រធានរដ្ឋសភាបានសង្កត់ធ្ងន់ថា រដ្ឋសភាវៀតណាមគាំទ្រ និងត្រៀមខ្លួនជាស្រេចដើម្បីបង្កើតច្រកផ្លូវច្បាប់អំណោយផលសម្រាប់ការវិនិយោគ ផលិត កម្ម និងសកម្មភាពអាជីវកម្មរបស់ប្រជាជន និងសហគមន៍ធុរកិច្ចក្នុងប្រទេស និងក្រៅប្រទេស ក្នុងនោះមានធុរកិច្ចអឺរ៉ុបផងដែរ។

អនុប្រធានរដ្ឋសភា Nguyen Duc Hai អញ្ជើញថ្លែងមតិ (រូបថត៖ quochoi.vn)

ចំណែកឯប្រធានក្រុមប្រឹក្សាធុរកិច្ចអឺរ៉ុប-អាស៊ាន លោក Jens Rübbert បានសង្កត់ធ្ងន់ថា ក្រុមប្រឹក្សា និង EuroCham វៀតណាម គាំទ្រសភានៃប្រទេសសមាជិក EU ដោយបញ្ចប់ការផ្តល់សច្ចាប័នលើ EVIPA នាពេលឆាប់ៗខាងមុខនេះ; មានបំណង នឹងបន្តសម្របសម្រួលជាមួយក្រសួង ស្ថាប័ននានានៃរដ្ឋសភា និងរដ្ឋាភិបាលវៀតណាម ដើម្បីជំរុញកិច្ចសហប្រតិបត្តិការបន្ថែមទៀតនាពេលខាងមុខ៕