សារៈមន្ទីនារីវៀតណាមបានបើកពិពណ៌មេម័រ Dien Bien។ (VOV)

        Vovworld-នារសៀលថ្ងៃទី៥ឧសភាឧបនាយករដ្ឋមន្ត្រីវៀតណាមលោក Vu
Duc Dam បានចូលរួមពិធីបើកសម្ភោធដំណាក់កាលទី១សារៈមន្ទីជ័យជំនះ Dien
Bien Phu នៅខេត្ត Dien Bien។ សារៈមន្ទីជ័យជំនះ Dien Bien Phu ជាសំណង់​រំលឹក​ខួបអនុស្សាវរីយ៍លើកទី៦០នៃជ័យជំនះ Dien Bien Phu (ទី៧ឧសភា) ដែល​បាន
បើកការដ្ឋានសាងសង់កាលពីខែតុលាឆ្នាំ២០១២ ក្នុងទុនជាង២១០ពាន់​លាន​ដុង
វៀតណាម។ សារៈមន្ទីត្រូវបានសាងសង់លើផ្ទៃដី២២ពាន់ម៉ែត្រក្រឡា តាំងបង្ហាញ​
វត្ថុតាង​​និង​រូបថតជាង១ពាន់ស្ដីពីយុទ្ធនាការ Dien Bien Phu។ នៅពិធីនេះ ដំណាង​​គ្រួសាររបស់នាយឧត្តមសេនីយ៍ Vo Nguyen Giap អគ្គមេបញ្ជាការយុទ្ធនាការ Dien
Bien Phu បានប្រគល់ជូនសារៈមន្ទីផែនទីបំរ៉ែបំរួលយុទ្ធនាការ Dien Bien Phu ដោយ
មានហត្ថលេខារបស់នាយឧត្តមសេនីយ៍។

        នារសៀលថ្ងៃដ៏ដែល ពិពណ៌រូបថត “Dien Bien Phu ៦០ឆ្នាំនៃបទចម្រៀង​វីរៈភាព” របស់ទីភ្នាក់ងារសារព័ត៌មានវៀតណាមបានបើកនៅទីក្រុងហាណូយ។ ពិពណ៌បាន
ឧទ្ទេសនាមរូបថតពណ៌និងសខ្មៅចំនួន១២០ផ្ទាំង។ ចូលរួមពិពណ៌នេះ ប្រធានគណៈ
កម្មាធិការមជ្ឈឹមរណសិរ្សមាតុភូមិវៀតណាមលោក Nguyen Thien Nhan បានឲ្យដឹងថា៖

        “ចូលរួមពិពណ៌រូបថត Dien Bien Phu ៦០ឆ្នាំនៃបទចម្រៀងវីរៈភាពខ្ញុំរំភើបចិត្តយ៉ាង
​ខ្លាំងណាស់។ យើងខ្ញុំចាត់ទុកថា បណ្ដារូបថតស្ដីពី Dien Bien Phu ដោយអ្នក​យក​ព័ត៌មាននៃទីភ្នាក់ងារសារព័ត៌មានវៀតណាមបានកត់ត្រាឡើងវិញនៅពេលវេលា
ប្រវត្តិសាស្ត្រជាសាក្សីដែលរស់ជានិច្ចជាមួយប្រវត្តិសាស្ត្រសំរាប់គ្រប់​ជំនាន់។”

        ស្ថានទូតវៀតណាមប្រចាំនៅបណ្ដាប្រទេសក៏បានរៀបចំសកម្មភាពជា​ច្រើនក្នុង
ឱកាសរំលឹកខួបលើកទី៦០នៃទិវាជ័យជំនះប្រវត្តិសាស្ត្រ Dien Bien Phu។ ​នាយប់​ថ្ងៃ
ទី៥ឧសភានៅរដ្ឋធានីវៀងច័ន្ទ-ឡាវ សប្ដាហ៍ខ្សែភាព​យន្ត​វៀតណាមនៅឡាវត្រូវបាន
រៀបចំឡើង។ សប្ដាហ៍ខ្សែភាពយន្តបានបញ្ចាំងខ្សែភាពយន្តរឿងចំនួន៥​និង​ខ្សែភាព
យន្តឯកសារចំនួន៣។ នាថ្ងៃដ៏ដែល ស្ថានទូតវៀតណាមប្រចាំនៅ​អាល់ហ្សេរីបាន
រៀបចំសន្និសីទកាសែតផ្ដល់ឲ្យអ្នកសារព័ត៌មានដំបន់នូវព័ត៌មានជាច្រើនដែលទាក់
ទិនដល់ប្រវត្តិសាស្ត្រ Dien Bien Phu។ ព្រឹត្តិការណ៍នេះក៏បាន​ឧទ្ទេសនាម​ផ្សព្វផ្សាយ
អំពីសក្ដានុភាពសេដ្ឋកិច្ចរបស់វៀតណាមផងដែរ។

        នាព្រឹកថ្ងៃទី៦ឧសភានៅទីក្រុងហាណូយ សារៈមន្ទីនារីវៀតណាមបានបើក​
ពិពណ៌មេម័រ Dien Bien។ លោកស្រី Nguyen Thi Bich Van នាយិការសារៈមន្ទី​នារី​វៀតណាមបានឲ្យដឹងថា៖

        “យើងខ្ញុំមិនឆ្លុះបញ្ចាំងរូបភាពនារីកាន់កាំភ្លើងនៅសមរភូមិទេ។ យើងខ្ញុំឆ្លុះ​
បញ្ចាំង​រូបភាពនារីនៅពីខាងក្រោយសង្គ្រាម។ គេជាអ្នកធ្វើការងារដោយស្ងប់ស្ងាត់ និងប្រសិនបើយើងមិនឆ្លុះបញ្ចាំងទិដ្ឋភាពនេះទស្សនិកជនពិបាកមានការឃើញដ៏
ពេញលេញអំពីការរួមវិភាគទានរបស់នារីវៀតណាមក្នុងយុទ្ធនាការ Dien Bien Phu ប្រវត្តិសាស្ត្រឡើយ៕”