រដ្ឋមន្ត្រីក្រសួងឧស្សាហកម្ម និងពាណិជ្ជកម្ម លោក Nguyen Hong Dien ជួបធ្វើការជាមួយលោក Steve Biegun អនុប្រធានជាន់ខ្ពស់នៃសាជីវកម្ម Boeing (រូបថត៖ VOV)

នេះជាការអះអាងរបស់លោក Steve Biegun អនុប្រធានជាន់ខ្ពស់នៃសាជីវកម្ម Boeing ក្នុងជំនួបជាមួយរដ្ឋមន្ត្រីក្រសួងឧស្សាហកម្ម និងពាណិជ្ជកម្ម លោក Nguyen Hong Dien នៅខាងក្រៅកិច្ចប្រជុំរដ្ឋមន្ត្រីពាណិជ្ជកម្មនៃវេទិកាសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) និងកិច្ចប្រជុំរដ្ឋមន្ត្រីពាណិជ្ជកម្មក្របខ័ណ្ឌសេដ្ឋកិច្ចឥណ្ឌូ-ប៉ាស៊ីហ្វិក នៅទីក្រុង Detroit សហរដ្ឋអាមេរិក នៅថ្ងៃទី ២៦ខែឧសភា។

ក្នុងជំនួបនោះ លោក Steve Biegun បានឲ្យដឹងថា នាពេលខាងមុខ សកម្មភាពរបស់សាជីវកម្ម Boeing នៅវៀតណាម នឹងផ្តោតលើទិសដៅសំខាន់ៗចំនួន ៣ រួមមានៈ  ធ្វើឱ្យទំនាក់ទំនងពាណិជ្ជកម្មកាន់តែស៊ីជម្រៅក្នុងវិស័យអាកាសចរណ៍ជាមួយក្រុមហ៊ុនអាកាសចរណ៍នៅវៀតណាម; កិច្ចសហប្រតិបត្តិការក្នុងវិស័យជាក់ស្តែងមួយចំនួនដូចជា ឧទ្ធម្ភាគចក្រ ការដឹកជញ្ជូន; វិនិយោគក្នុងការអភិវឌ្ឍខ្សែសង្វាក់ផ្គត់ផ្គង់គ្រឿងបន្លាស់ និងឧបករណ៍អាកាសចរណ៍នៅវៀតណាម។

រីឯខ្លួនវិញ រដ្ឋមន្ត្រី Nguyen Hong Dien បានវាយតម្លៃខ្ពស់ថា ការដែលសាជីវកម្ម Boeing មានបំណងចង់កសាងទំនាក់ទំនងកិច្ចសហប្រតិបត្តិការជាយុទ្ធសាស្ត្រក្នុងទីផ្សារវៀតណាម មានបំណងចង់សហការយ៉ាងស៊ីជម្រៅជាមួយវៀតណាមដើម្បីអភិវឌ្ឍន៍ប្រព័ន្ធអេកូឡូស៊ីអាកាសចរណ៍ ជួយជំរុញពាណិជ្ជកម្មទ្វេភាគីរវាងប្រទេសទាំងពីរ៕