លើសពីនេះទៅទៀត យោងតាមអគ្គនាយកដ្ឋានស្ថិតិ ប្រាក់ចំណូលសរុបពីការលក់រាយទំនិញនិងសេវាកម្មប្រើប្រាស់ ក្នុងខែមករាឆ្នាំនេះ ត្រូវបានប៉ាន់ប្រមាណមានចំនួន ៥២៤,១ ទ្រីលានដុង (ជាង ២១,៤ពាន់លាន) កើន ៨,១% បើធៀបនឹងរយៈពេលដូចគ្នាកាលពីឆ្នាំមុន។ ចំណុចគួរឲ្យកត់សម្គាល់មួយគឺទុនវិនិយោគដែលទទួលបានពីថវិការដ្ឋក្នុងខែដំបូងនៃឆ្នាំនេះ ត្រូវបានប៉ាន់ប្រមាណឈានដល់ ៣១,១ ទ្រីលានដុង កើនឡើង ១២,៥% បើធៀបនឹងរយៈពេលដូចគ្នាកាលពីឆ្នាំមុន។ អ្នកជំនាញសេដ្ឋកិច្ច Le Duy Binh បានធ្វើអធិប្បាយថា៖ “បើនិយាយពីការវិនិយោគឯកជន មានការរីកចម្រើនគួរឱ្យកត់សម្គាល់។ នេះគឺជាផ្នែកតម្រូវការដ៏សំខាន់បំផុតនៃសេដ្ឋកិច្ច។ ការបញ្ចេញទុនវិនិយោគសាធារណៈក៏បានកើនឡើងផងដែរ ដែលជាចំណុចភ្លឺក្នុងការជួយបង្កើនតម្រូវការវិនិយោគ និងបង្កើនតម្រូវការរបស់រដ្ឋាភិបាល។ ទាំងនេះគឺជាចំណុចភ្លឺដើម្បីមើលឃើញថា យើងអាចរំពឹងថាឆ្នាំ ២០២៤ នឹងកាន់តែប្រសើរឡើង”៕