សាធារណៈមតិអន្តរជាតិបន្តស្ងើចសរសើរនាយឧត្តមសេនីយ៍ Vo Nguyen Giap (VOV)

        Vovworld-ថ្នាក់ដឹកនាំប្រទេសជាច្រើននិងមធ្យោបាយផ្សព្វផ្សាយព័ត៌មាន​
ពិភព​លោក​បន្តសម្ដែងការសោកស្ដាយនិងគោរពរាប់អាននាយឧត្តមសេនីយ៍
Vo Nguyen Giap។ លេខាទី១គណៈកម្មាធិការមជ្ឈឹមបក្សកុម្មុយនីស្តកុយបានិង​
ជា​ប្រធានក្រុមប្រឹក្សារដ្ឋនិងក្រុមប្រឹក្សាគណៈរដ្ឋមន្ត្រីគុយបានាយឧត្តមសេនីយ៍
លោក Raul Castro បានផ្ញើសារទូរលេខរំលែកទុក្ខជូនចំពោះថ្នាក់ដឹកនាំបក្សរដ្ឋ
និងរដ្ឋាភិបាល​វៀតណាម។​ សារទូរលេខបានអះអាងថា ប្រជាជនគុយបាជា
និច្ចកាលចងចាំជានិច្ច​ចំពោះរូបភាព​នាយឧត្តមសេនីយ៍ Vo Nguyen Giap ដោយ
ទឹកចិត្តគោរពរាប់អានយ៉ាងជ្រាលជ្រៅ។

         ក្រសួងការបរទេសវេណេហ្ស៊ូអេឡាបានចេញសេចក្តីប្រកាសអំពីមរណ
ភាពរបស់នាយឧត្តមសេនីយ៍ Vo Nguyen Giap និងអះអាងថា​មរណភាពរបស់​នាយឧត្តមសេនីយ៍ក៏ជាការបាត់បង់មួយចំពោះប្រជាជននៃប្រទេសអាមេរីកខាង​
ត្បូងនេះ។ សេចក្តីប្រកាសបានឲ្យដឹងថា ប្រធានាធិបតីវេណេហ្ស៊ូអេឡា Nicolas
Maduro សូមសម្ដែងនូវការរំលែកទុក្ខយ៉ាងជ្រាលជ្រៅបំផុតចំពោះការបាត់បង់​ដោយមិនអាចកាត់ថ្លៃបានរបស់ប្រជាជនវៀតណាមចំពោះមរណភាពរបស់វីរជន
ជាតិ នាយឧត្តមសេនិយ៍ Vo Nguyen Giap។ ទីភ្នាក់ងារសារព័ត៌មានជាផ្លូវការ​របស់
​វេណេហ្ស៊ូអេឡា AVN បានសង្កត់ធ្ងន់ថា ពិធីបុណ្យសពរបស់នាយ​ឧត្តម​សេនីយ៍
Vo Nguyen Giap ត្រូវបានរៀបចំដ៏មហាឡារឹកតាមពិធីការកាន់ទុក្ខជាតិ។

        ជាប្រធានក្រុមអ្នកជំនាញការយោធាសហភាពសូវៀតនៅវៀតណាមក្នុង​ប៉ុន្មានឆ្នាំ១៩៧២-១៩៧៥ ឧត្តមសេនីយ៍ឯក Khiupenhen Anatoli Ivanovich បាន​
អះអាងថា​ នាយឧត្តមសេនីយ៍ Vo Nguyen Giap សក្តិសមជាមោទនភាព​របស់​
ប្រជាជាតិវៀតណាម។

        “នាយឧត្តមសេនីយ៍ Vo Nguyen Giap ជាថ្នាក់ដឹកនាំមួយរូបក្នុងចំណោម​ថ្នាក់​
ដឹក​នាំឆ្នើមលើពិភពលោក។ ទោះបីជាអ្នកមុននេះជាសត្រូវរបស់លោកក៏បាន​វាយតំលៃខ្ពស់ចំពោះលោក និងហៅលោកជាអ្នកយោធា អ្នកយុទ្ធសាស្ត្រ​យុទ្ធ
វិធី​ឈ្លាសវៃ។ លោកជាដៃខាងស្ដាំរបស់លោកប្រធានហូជីមិញ។ លោកក៏ជាអ្នក​មានស្មារតីមនុស្សសាស្ត្រ យកចិត្តទុកដាក់យ៉ាងជ្រាលជ្រៅដល់ជនគ្រប់រូប។ ខ្ញុំ
ទុក្ខព្រួយ​ណាស់​និង​សូមចែករំលែកទុក្ខជាមួយបណ្ដាមិត្តវៀតណាមអំពីមរណ
ភាពរបស់​នាយឧត្តមសេនីយ៍​ Vo Nguyen Giap។”

        ក្នុងច្បាប់ចេញផ្សាយនាថ្ងៃទី៥តុលាកាសែត “Clarin” ជាកាសែតមួយក្នុង
ចំណោមកាសែតប្រចាំថ្ងៃជួរមុខរបស់​អាហ្សង់ទីន នាថ្ងៃទី៥តុលាបានលើក
ត្រដែកនូវដំណើរការចូលរួមបដិវត្តរបស់​នាយកឧត្តមសេនីយ៍ Vo Nguyen Giap។
តាមកាសែតនេះថា សៀវភៅ “សង្គ្រាម​ប្រជាជន កងទ័ពប្រជាជន” របស់នាយ
ឧត្តមសេនីយ៍ Vo Nguyen Giap ត្រូវបាន​ចាត់ទុកជាក្បួនតម្រាប់អំពីសង្គ្រាម
សេនាជន។​ រីឯកាសែត “Mercurio” ជាកាសែត​មួយក្នុងចំណោមកាសែតប្រចាំថ្ងៃ
ដែលមានមិត្តអ្នកអានជាច្រើនរបស់ស៊ីលីបានអះអាងថា​នាយឧត្តមសេនីយ៍ Vo
Nguyen Giap ជាអ្នកដឹកនាំមួយរូបក្នុងចំណោមអ្នកដឹកនាំដែលទទួលបានក្តី
ស្រឡាញ់​ច្រើនបំផុតនៅវៀតណាម។ ​ទីភ្នាក់ងារសារព័ត៌មានជាតិម៉េចស៊ីក
(NOTIMEX) បានសង្កត់ធ្ងន់ថា នាយឧត្តមសេនីយ៍ Vo Nguyen Giap ជានិមិត្ត
រូបមួយក្នុងចំណោមនិមិត្តរូប​ដ៏មហិមាបំផុតរបស់សតវត្សទី២០៕