ស.ប.ប.កូរ៉េបញ្ជាក់ពីការកាត់ផ្តាច់ខ្សែផ្លូវតភ្ជាប់ជាមួយកូរ៉េខាងត្បូង
(VOVWORLD) - ទីភ្នាក់ងារព័ត៌មានមជ្ឈិមស.ប.ប.កូរ៉េ (KCNA) នាថ្ងៃទី ១៧ តុលា បានរាយការណ៍ថា អនុវត្តតាមការណែនាំរបស់គណៈកម្មាធិការយោធាមជ្ឈិមនៃបក្សពលករស.ប.ប.កូរ៉េ អគ្គសេនាធិការដ្ឋាននៃកងទ័ពប្រជាជនស.ប.ប.កូរ៉េកាលពីថ្ងៃទី ១៥ ខែតុលា បានអនុវត្តវិធានការកាត់ផ្តាច់ផ្លូវថ្នល់និងផ្លូវដែកទាំងអស់ដែលនាំទៅដល់កូរ៉េខាងត្បូង ឆ្លងកាត់តំបន់ភាគខាងកើត និងខាងលិចនៃព្រំដែនភាគខាងត្បូងរបស់ស.ប.ប.កូរ៉េ។
 ប្រជាជនកូរ៉េខាងត្បូងបានមើលព័ត៌មានអំពីការបំផ្ទុះគ្រាប់មីនរបស់ស.ប.ប.កូរ៉េ ដែលបំផ្លាញផ្នែកមួយចំនួននៃផ្លូវអន្តរកូរ៉េនៅថ្ងៃទី ១៥ ខែតុលា ឆ្នាំ ២០២៤។ រូបថត៖ Yonhap/TTXVN |
កំណាត់ផ្លូវមានប្រវែងសរុប ១២០ម៉ែត្រ ក្នុងស្រុក Kamho-ri ស្រុក Kosong ខេត្ត Kangwon និងនៅ Tongnae-ri ខណ្ឌ Panmu ទីក្រុង Kaesong ត្រូវបានកាត់ផ្តាច់ទាំងស្រុងដោយការបំផ្ទុះគ្រាប់បែក។
ផ្លូវថ្នល់និងផ្លូវដែកទាំងនេះ ធ្លាប់ជាស្ពានដ៏សំខាន់រវាងស.ប.ប.កូរ៉េ និងកូរ៉េខាងត្បូង ដែលត្រូវបានប្រើសម្រាប់គម្រោងសហប្រតិបត្តិការសេដ្ឋកិច្ច និងកម្មវិធីមនុស្សធម៌៕