រដ្ឋសភាបានស្តាប់របាយការណ៍របស់រដ្ឋមន្ត្រីក្រសួងនគរបាល លោក To Lam ស្តីពីការងារបង្ការ ប្រយុទ្ធប្រឆាំងឧក្រិដ្ឋកម្មនិងល្មើសច្បាប់ឆ្នាំ២០២២។ (រូបថត៖ quochoi.vn)

បន្តកម្មវិធីនៃសម័យប្រជុំលើកទី៤ រដ្ឋសភានីតិកាលទី១៥ នាព្រឹកថ្ងៃទី៨ ខែវិច្ឆិកា នៅទីក្រុងហាណូយ រដ្ឋសភាបានស្តាប់របាយការណ៍របស់រដ្ឋមន្ត្រីក្រសួងនគរបាល លោក To Lam ស្តីពីការងារបង្ការ ប្រយុទ្ធប្រឆាំងឧក្រិដ្ឋកម្មនិងល្មើសច្បាប់ឆ្នាំ២០២២; របាយការណ៍ការងារឆ្នាំ២០២២របស់អគ្គរដ្ឋអាជ្ញាអមតុលាការប្រជាជនកំពូល លោក Le Minh Tri; របាយការណ៍ការងារឆ្នាំ២០២២របស់ប្រធានចៅក្រមនៃតុលាការប្រជាជន កំពូល លោក Nguyen Hoa Binh; របាយការណ៍ស្ដីពីការងារអនុវត្តសាលក្រមឆ្នាំ ២០២២របស់រដ្ឋមន្ត្រីក្រសួងយុត្តិធម៌; របាយការណ៍ស្ដីពីការងារបង្ការ ប្រយុទ្ធប្រឆាំង អំពើពុករលួយឆ្នាំ២០២២របស់អគ្គអធិការកិច្ចរដ្ឋាភិបាល លោក Doan Hong Phong។

ក្រោមការអនុញ្ញាតពីនាយករដ្ឋមន្រី្តរដ្ឋាភិបាលដើម្បី បង្ហាញរបាយការណ៍ស្តីពី ការងារតស៊ូ ប្រយុទ្ធប្រឆាំងអំពើពុករលួយឆ្នាំ២០២២ អគ្គអធិការកិច្ចរដ្ឋាភិបាល លោក Doan Hong Phong បានបញ្ជាក់ថា ក្នុងឆ្នាំ២០២២ អំពើពុករលួយបន្តត្រូវបានទប់ស្កាត់ មាននិន្នាការថយចុះ រួមចំណែកពង្រឹងទំនុកចិត្តរបស់កម្មាភិបាល បក្ខជន និងប្រជាជន ចំពោះបក្ស រដ្ឋ និងរបប។ តាមនោះ រដ្ឋាភិបាល នាយករដ្ឋមន្ត្រីរដ្ឋាភិបាលបានដឹកនាំ ក្រសួង ស្ថាប័ន និងមូលដ្ឋាននានា អនុវត្តន៍ភារកិច្ចអំពីការងារបង្ការ ប្រយុទ្ធប្រឆាំងអំពើ ពុករលួយ ភាពអសកម្ម; បង្កើនការត្រួតពិនិត្យ និងអធិការកិច្ចលើវិស័យនានាដែលមាន ហានិភ័យជាច្រើនដែលកើតមានភាពអវិជ្ជមាន អំពើពុករលួយ ហើយទទួលបានការ យកចិត្តទុកដាក់ពីសាធារណៈមតិ; ចាត់ការ និងទប់ស្កាត់ប្រកបដោយប្រសិទ្ធភាពនូវ ស្ថានភាពនៃការយាយី បង្កការលំបាកដល់ប្រជាជន និងអាជីវកម្មក្នុងការដោះស្រាយ ការងារ; ដឹកនាំស្ថាប័នមានសមត្ថកិច្ចដើម្បីជំរុញខ្លាំងការងារដកហូតទ្រព្យសម្បត្តិ វិញដែលត្រូវបាត់បង់និងកេងប្រវ័ញ្ចក្នុងករណីពុករលួយនានា៕