ទិដ្ឋភាពនៅកិច្ចប្រជុំ។ (រូបថត៖ Bnews/VNA)

បណ្ដាខេត្ត ក្រុងនៃតំបន់ Nam Bo ខាងកើតនិងតំបន់ដីសណ្ដទន្លេ Cuu Long មានទីតាំង តួនាទីដ៏សំខាន់ពិសេសក្នុងការអភិវឌ្ឍសេដ្ឋកិច្ចសង្គមរបស់ប្រទេសជាតិ ដោយរួមវិភាគទានដ៏ធំធេងទៅក្នុងកំណើន ចំណូលថវិកា និងទំហំនាំចេញនាំចូលនៃ ប្រទេសទាំងមូល។ ទោះយ៉ាងណាក៏ដោយ ប៉ុន្តែក្រោមឥទ្ធិពលធ្ងន់ធ្ងរដោយការឆ្លង រាលដាលនៃជម្ងឺកូវីដ ១៩ និងការរក្សាគម្លាតសង្គមរយៈពេលវែង បានបង្កឡើងការ លំបាកជាច្រើនទៅលើប្រតិបត្តិការផលិតកម្មអាជីវកម្មនិងជីវភាពប្រជាជន ជាពិសេស ក្នុងវិស័យកសិកម្ម សេវាកម្មនៃតំបន់ Nam Bo ខាងកើតនិងវិស័យកសិកម្មនៃតំបន់ ដីសណ្ដទន្លេ Cuu Long។

នាពេលខាងមុខ ក្រសួងផែនការនិងវិនិយោគនឹងសហការជាមួយតំបន់ទាំងពីរ នេះ កសាងវិធានការអភិវឌ្ឍសេដ្ឋកិច្ចសង្គមឲ្យបានសមស្របនឹងលក្ខណៈ ស្ថានភាព នៃតំបន់នីមួយៗ។ អនុរដ្ឋមន្រ្តីក្រសួងផែនការនិងវិនិយោគលោក Tran Duy Dong បានសង្កត់ធ្ងន់ថា៖ “យើងខ្ញុំចាត់ទុកថា ការគ្រប់គ្រងជម្ងឺរាតត្បាតនៅតាមខេត្ត ក្រុងនានានៃតំបន់ ទាំងពីរគឺជាភារកិច្ចសំខាន់ជួរមុខ។ ពីព្រោះ យើងគ្រប់គ្រងបានជម្ងឺរាតត្បាត ទើបយើង បើកទ្វារជាបណ្ដើរៗបាន ហើយយើងចាប់ផ្ដើមអនុញ្ញាតឲ្យមណ្ឌលឧស្សាហកម្ម ពលករវិលត្រឡប់មកធ្វើផលិតកម្មអាជីវកម្មឡើងវិញ។ ក្រសួងផែនការនិងវិនិយោគ នឹងកសាងដំណោះស្រាយដើម្បីជួយទ្រទ្រង់ប្រតិបត្តិការផលិតកម្មអាជីវកម្ម ប៉ុន្តែនៅតែ ធានាគោលដៅគ្រប់គ្រងជម្ងឺរាតត្បាត ដោយយកអាយុជីវិត សុវត្ថិភាពរបស់ប្រជាជន ជាចម្បងបង្អស់”៕