សហគមន៍អាស៊ានត្រូវបានបង្ហាញមុខនៅទីក្រុងបារីស

          (VOV)_គណៈកម្មាធិការអាស៊ាននៅទីក្រុងបារីស(បារាំង) នាយប់ថ្ងៃទី៨​ មិនា បានរៀបចំពិធីជួបប្រាស្រ័យ អបអរសាទរ ការបង្កើតសហគមន៍អាស៊ាន (AEC)។អញ្ជើញចូលរួមពិធីនេះមានថ្នាក់ដឹកនាំនៃស្ថានទូតប្រទេសអាស៊ានទាំង១០ ប្រចាំនៅបារាំង រួមជាមួយបណ្ដាថ្នាក់ដឹកនាំក្រសួងស្ថាប័នរបស់បារាំង។ ​ថ្លែងមតិនៅទីនេះ លោកស្រី Maria Theresa Lazaro ឯកអគ្គរដ្ឋទូតហ្វីលីពីន​ប្រចាំនៅបារាំង ប្រធានប្តូវេណ គណៈកម្មាធិការអាស៊ានប្រចាំនៅបារីស បានអោយដឹងថា៖សហគមន៍អាស៊ានត្រូវបានបង្កើតជាលទ្ធផលនៃការខំប្រឹងប្រែងរបស់ប្រទេសអាស៊ីអាគ្នេយ៍ទាំងឡាយ រួមចំណែកបង្កើនកិច្ចសហប្រតិបត្តិការ ក្នុង​តំបន់ឡើងដំណាក់កាលថ្មី បំពេញផលប្រយោជន៍របស់សមាជិកទាំងឡាយ និងបង្ហាញនូវតួនាទីជាមជ្ឈមណ្ឌលរបស់អាស៊ាន ក្នុងនិន្នាការបង្កើនកិច្ចសហ​ប្រតិបត្តិការ និងតភ្ជាប់នៅក្នុងតំបន់។ រីឯ លោក Philippe Varin បេសកជន​ពិសេសនៃរដ្ឋមន្ត្រីក្រសួងការបរទេសបារាំង ទទួលបន្ទុកទំនាក់ទំនងសេដ្ឋកិច្ច ​ចំពោះអាស៊ានបានចាត់ទុកថា៖ នេះគឺជាសញ្ញា​ល្អដើម្បីបើកទូលាយបណ្ដា​ទំនាក់ទំនងសេដ្ឋកិច្ចរវាងបារាំង និងប្រទេសអាស៊ានទាងឡាយ៕