ទិដ្ឋភាពនៃជំនួប (រូបថត៖ TTXVN)

ប្រធានរដ្ឋសភាបានវាយតម្លៃថា រហូតមកដល់បច្ចុប្បន្ននេះ វៀតណាមមានសហគ្រាសរឹងមាំ សហគ្រិនជោគជ័យជាច្រើនដែលមានម៉ាកយីហោល្បីៗ ជាច្រើន ដែលបានចូលរួមយ៉ាងសកម្មក្នុងការអនុវត្តយុទ្ធសាស្ត្រអភិវឌ្ឍន៍សេដ្ឋកិច្ច - សង្គម បង្កើតការងារសម្រាប់កម្មករនិងរាល់បញ្ហាសន្តិសុខសង្គម លុបបំបាត់ភាពអត់ឃ្លាននិងការកាត់បន្ថយភាពក្រីក្រ។ ជាពិសេស នៅក្នុងបរិបទនៃការរីករាលដាលជំងឺកូវីដ -១៩ ក្រុមអង្គភាពអាជីវកម្មនិងសហគ្រិនបានលើកកម្ពស់ស្មារតីសាមគ្គីភាព ការទទួលខុសត្រូវ គំនិតផ្តួចផ្តើមនិងការច្នៃប្រឌិតក្នុងការសម្របខ្លួនជំនះពុះពាររាល់ការលំបាកនិងឧបសគ្គ ដែលបណ្តាលមកពីជំងឺរាតត្បាត។ លោកប្រធានរដ្ឋសភាបានបញ្ជាក់ថា ជំងឺរាតត្បាតនាំមកនូវបញ្ហាប្រឈមជាច្រើន ប៉ុន្តែក៏ជាឱកាសថ្មីសម្រាប់ការអភិវឌ្ឍផងដែរ។ រដ្ឋសភានឹងរួមដំណើរជាមួយអង្គភាពអាជីវកម្មជានិច្ច។

“គណៈកម្មាធិការអចិន្ត្រៃយ៍របស់រដ្ឋសភាអំពាវនាវឱ្យសហគ្រិននិងអង្គភាពអាជីវកម្មបង្កើនថែមទៀតសមត្ថភាពនិងចំណេះដឹងគ្រប់ជ្រុងជ្រោយ ដោយផ្តោតលើគុណភាព សីលធម៌ មនសិការ មានការទទួលខុសត្រូវ កសាងចក្ខុវិស័យយុទ្ធសាស្ត្រ ឬទ្ធានុភាព ហ៊ានគិត ហ៊ានធ្វើ ហ៊ានច្នៃប្រឌិត បង្កើតនូវមហិច្ឆតាធំស្បើមនិងសេចក្តីប្រាថ្នាក្រោកឈរឡើង  ដើម្បីរួមចំណែកក្នុងបុព្វហេតុអភិវឌ្ឍន៍ យ៉ាងឆាប់រហ័សប្រកបដោយនិរន្តរភាពនិងលើកកម្ពស់ស្វ័យភាពរបស់សេដ្ឋកិច្ច” នេះបើយោងតាមប្រសាសន៍របស់លោកប្រធានរដ្ឋសភា Vuong Dinh Hue៕