សន្និសីទ NGOs បានប្រព្រឹត្តិទៅក្នុងក្របខ័ណ្ឌសន្និសីទអន្តរជាតិស្ដីពីការស្ដារឡើងវិញអ៊ីរ៉ាក់នៅគុយវ៉ែត ដែលរៀបចំឡើងដោយគុយវ៉ែត អ៊ីរ៉ាក់ សហភាពអឺរ៉ុប និងធនាគារពិភពលោក ។ របៀបវរៈសំខាន់នៃសន្និសីទនេះគឺវិធីសាស្ត្រដើម្បីបង្កើតឡើងបរិយាកាសវិនិយោគឲ្យបានសមស្រប តាមរយៈការឧទ្ទេសនាមគម្រោងការណ៍ចំនួន ២១២ លើគ្រប់វិស័យនៃខឿនសេដ្ឋកិច្ចអ៊ីរ៉ាក់ រួមទាំងគម្រោងការណ៍នៅតំបន់របស់ជនឃឺដនៅអ៊ីរ៉ាក់។ សន្និសីទនេះក៏នឹងប្រកាស ការរួមចំណែកទាំងឡាយក្នុងការស្ថាបនាអ៊ីរ៉ាក់ផងដែរ។ យោងតាមក្រសួងផែនការអ៊ីរ៉ាក់ថា ប្រទេសនេះត្រូវការទឹកប្រាក់ជាង ៨៨ ពាន់លានដុល្លារអាមេរិក ដើម្បីស្ថាបនាប្រទេសឡើងវិញក្រោយពីសង្គ្រាម៕