អតីតទេសាភិបាលតំបន់ Catalonia អំពាវនាវឲ្យរដ្ឋាភិបាលអាល្លឺម៉ង់បដិសេធសំណើរបត្យាប័ន

នាថ្ងៃទី ២៩ មិនា បណ្ដាទីភ្នាក់ងារសារព័ត៌មានអាល្លឺម៉ង់បានឲ្យដឹងថា៖ អតីតទេសាភិបាលតំបន់ Catalonia របស់អេស្ប៉ាញ លោក Carles Puidemont បានអំពាវនាវឲ្យរដ្ឋាភិបាលអា្លល្លឺម៉ង់បដិសេធសំណើរប័ត្យាប័នរបស់អេស្ប៉ាញ។ តាមកាសែត Suddeutsche Zeitung មេធាវីអា្លល្លឺម៉ង់របស់លោក Puidemont លោក  Wofgang Schomburg  បានចាត់ទុកថា៖ បែកឡាំងគប្បី «ភ្លាមរំពេច» ប្រកាសបដិសេធសំណើរប័ត្យាប័នកូនក្តីរបស់លោកទៅអេស្ប៉ាញ។ លោក Wofgang Schomburg  បានឲ្យដឹងថែមទៀតថា៖ លោកនឹងដាក់ពាក្យបណ្តឹងតវ៉ា ឡើងតុលាការរដ្ឋធម្មនុញ្ញសហព័ន្ធអាល្លឺម៉ង់នៅទីក្រុង Karlsruhe ភាគនីរតី អាល្លឺម៉ង់ លុះត្រាតែ លោក Puigdemont ត្រូវបានដោះលេងមានសេរីភាពវិញ៕