អនុប្រធានរដ្ឋ លោកស្រី Vo Thi Anh Xuan ថ្លែងមតិក្នុងពិធី (រូបថត៖ TTXVN)

នារសៀលថ្ងៃទី ៩ មករា នៅវិមានប្រធានរដ្ឋ អនុប្រធានរដ្ឋលោកស្រី Vo Thi Anh Xuan ប្រធានក្រុមប្រឹក្សាឧបត្ថម្ភមូលនិធិគាំពារកុមារវៀតណាម បានជួបសំណេះសំណាលជាមួយតំណាងម្ចាស់ជំនួយចំនួន ៥០ រូបដែលបានរួមចំណែកជាវិជ្ជមានដល់ប្រទេសក្នុងសកម្មភាព ជួយកុមារក្នុងឆ្នាំ ២០២១ នៅក្នុងកម្មវិធី "តបស្នងសង់គុណដល់អ្នកដែលមានបេះដូងមាស"។

អញ្ជើញថ្លែងមតិក្នុងជំនួបនេះ អនុប្រធានរដ្ឋ លោកស្រី Vo Thi Anh Xuan បានសង្កត់ធ្ងន់ថា ក្នុងរយៈពេល ៣០ ឆ្នាំនៃប្រតិបត្តិការ មូលនិធិគាំពារកុមារវៀតណាមបានរីកចម្រើននិងសកម្មភាពកាន់តែសម្បូរបែប ហើយបានជួយកុមារជាច្រើនដែលជួបការលំបាកឈានឡើងក្នុងជីវភាពប្រចាំថ្ងៃ។ ក្នុងបរិបទនៃការរាតត្បាតនៃជំងឺកូវីដ-១៩ ដែលប៉ះពាល់យ៉ាងធ្ងន់ធ្ងរដល់ការអភិវឌ្ឍសេដ្ឋកិច្ចសង្គម ជាពិសេសក្រុមងាយរងគ្រោះ រួមទាំងកុមារផងដែរ ហើយការយកចិត្តទុកដាក់ចំពោះអាជីវកម្ម ទឹកចិត្តសប្បុរសចំពោះកុមារ មិនត្រឹមតែជួយកុមារម្នាក់ៗ និងគ្រួសារនីមួយៗ ឱ្យជំនះលើការលំបាកប៉ុណ្ណោះទេ ថែមទាំងរួមចំណែកដល់ការបំផុសចិត្តមនុស្សជាតិ សេចក្តីស្រឡាញ់និងទំនួលខុសត្រូវរបស់សង្គម អង្គការ និងបុគ្គលចំពោះកុមារ។

នាពេលខាងមុខ លោកស្រីអនុប្រធានរដ្ឋមានបំណងចង់ឲ្យអង្គការ បុគ្គលនិងធុរកិច្ចនឹងបន្តរួមដៃជាមួយបក្ស រដ្ឋក្នុងការថែរក្សាជនងាយរងគ្រោះ រួមទាំងកុមារផងដែរ។ មូលនិធិគាំពារកុមារវៀតណាមបន្តទទួលបានការយកចិត្តទុកដាក់និងសេចក្តីស្រឡាញ់ពីអ្នកមានគុណ និង បេះដូងសប្បុរស ដែលតាមរយៈនោះ កុមារជំនាន់ក្រោយអាចធំធាត់ឡើងក្នុងរង្វង់ដៃសប្បុរស ជនគ្រប់រូប ក្លាយជាពលរដ្ឋល្អសម្រាប់សង្គម៕