ប្រធានាធិបតីអាមេរិក លោក Donald Trump

ក្រិត្យនេះត្រូវបានលើកឡើងក្នុងរយៈពេលប៉ុន្មានម៉ោង ក្រោយពីទីក្រុង Tehran បានប្រកាសថានឹងលុបចោលកិច្ចសន្យាមួយចំនួនក្នុងកិច្ចព្រមព្រៀងនុយក្លេអ៊ែរ នាឆ្នាំ ២០១៥។ ភាគីអាមេរិកក៏បានព្រមានថាទីក្រុង Tehran នឹង"ទទួលរងនូវ សកម្មភាពជាច្រើនថែមទៀត" លើកលែងតែការផ្លាស់ប្តូរអាកប្បកិរិយារបស់ខ្លួន ។ យោងតាមលោក Trump បានឲ្យដឹងថា ទង្វើរនេះគឺសំដៅលើការកាត់បន្ថយប្រភពចំណូលពីការនាំចេញលោហធាតុឧស្សាហកម្មរបស់ប្រទេសអ៊ីរ៉ង់ ព្រមទាំងព្រមានដល់បណ្តាប្រទេស ដោយមិនអនុញ្ញាតឱ្យដែកថែបពីប្រទេសអ៊ីរ៉ង់និងលោហធាតុដទៃទៀតដែលឆ្លងកាត់កំពង់ផែសមុទ្ររបស់ខ្លួននោះទេ។ លោក Trump ក៏បានព្រមានដែរថា អ៊ីរ៉ង់អាចប្រឈមនឹងបទទណ្ឌកម្មផ្សេងៗទៀតប្រសិនបើមិនផ្លាស់ប្តូរគោលនយោបាយរបស់ខ្លួននោះឡើយ។ក៏ប៉ុន្តែ លោក Trump នៅតែសម្តែងក្តីសង្ឃឹមថានឹងជួបជាមួយថ្នាក់ដឹកនាំអ៊ីរ៉ង់នាថ្ងៃណាមួយនោះដើម្បីស្វែងរកការព្រមព្រៀងគ្នាផងដែរ៕