អាមេរិកនិងចិនប្ដេជ្ញាចិត្តសម្រេចបាននូវកិច្ចព្រមព្រៀងពាណិជ្ជកម្មមុនថ្ងៃទី១ ខែមីនា
(VOVWORLD) - ក្នុងការឆ្លើយសម្ភាសន៍ជាមួយស្ថានីយ៍ទូរទស្សន៍ CNBC នាថ្ងៃទី៦ ខែកុម្ភៈ រដ្ឋមន្រ្តីហិរញ្ញវត្ថុអាមេរិកលោក Steven Mnuchin បានផ្ដោតលើបញ្ហាលេចធ្លោ មួយចំនួននាបច្ចុប្បន្ននៃស្ថានភាពសេដ្ឋកិច្ចអាមេរិក ដែលក្នុងនោះ មានការចរចា ដោះស្រាយជម្លោះពាណិជ្ជកម្មរវាងអាមេរិកនិងចិន។
 រដ្ឋមន្រ្តីហិរញ្ញវត្ថុអាមេរិកលោក Steven Mnuchin (រូបថត៖ AFP/TTXVN) |
ថ្នាក់ដឹកនាំក្រសួងហិរញ្ញវត្ថុអាមេរិកបានអោយដឹងថា វ៉ាស៊ីនតោននិង ប៉េកាំងមានការសន្យាធំមួយស្ដីពីការសម្រេចបាននូវកិច្ចព្រមព្រៀងពាណិជ្ជកម្ម មុននឹងថ្ងៃទី១ ខែមីនា ខាងមុខ សំដៅដោះស្រាយជម្លោះពាណិជ្ជកម្មរវាងមហា អំណាចសេដ្ឋកិច្ចធំបំផុតពិភពលោកទាំងពីរនេះ៕