អគារត្រូវបានបំផ្លាញបន្ទាប់ពីការវាយប្រហារតាមផ្លូវអាកាសរបស់អ៊ីស្រាអែលលើក្រុងហ្គាហ្សាថ្ងៃទី ៤ ខែវិច្ឆិកា ឆ្នាំ ២០២៣។ រូបថត៖ THX/TTXVN

ជាមួយគ្នានោះ រដ្ឋមន្ត្រីការបរទេសអាមេរិក លោក Antony Blinken ក៏កំពុងធ្វើដំណើរទៅកាន់មជ្ឈិមបូព៌ា ដើម្បីសម្របសម្រួលស្វែងរកដំណោះស្រាយយូរអង្វែងសម្រាប់វិបត្តិនៅតំបន់ហ្គាហ្សា។ ក្នុងជំនួបជាមួយនាយករដ្ឋមន្ត្រីប៉ាឡេស្ទីន លោក Mohammad Mustafa កាលពីថ្ងៃទី ១១ ខែមិថុនា នៅតំបន់ West Bank លោក Antony Blinken បានបញ្ជាក់សារជាថ្មីថា អាមេរិកគាំទ្រដំណោះស្រាយរដ្ឋពីរចំពោះបញ្ហាអ៊ីស្រាអែល-ប៉ាឡេស្ទីន។ រដ្ឋមន្ត្រីការបរទេសអាមេរិក និងនាយករដ្ឋមន្ត្រីប៉ាឡេស្ទីនក៏បានពិភាក្សាគ្នាអំពីកិច្ចព្រមព្រៀងឈប់បាញ់ទូលំទូលាយរវាងកងកម្លាំងអ៊ីស្រាអែល និងក្រុមហាម៉ាស់ ដែលសហរដ្ឋអាមេរិកបានដាក់ជូននាពេលថ្មីៗនេះ និងត្រូវបានអនុម័តដោយក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃទី ១០ មិថុនា៕