(VOVworld) – អាមេរិកអំពាវនាវក្រុមប្រឹក្សាសន្តិសុខ អ.ស.ប. បង្កើនបណ្ដាបទដាក់
ទណ្ឌកម្មចំពោះសាធារណៈរដ្ឋប្រជាធិបតេយ្យប្រជាមានិតកូរ៉េ (ស.ប.ប.ក.) ដែល
ទាក់ទិកការសាកល្បងនុយក្លេអ៊ែរលើកទី ៣ របស់ ព្យុងយ៉ាង នាខែ កុម្ភៈ កន្លងមក។ ឯកអគ្គរដ្ឋទូតអាមេរិកប្រចាំនៅ អ.ស.ប. លោកស្រី Susan Rice បានដាក់ជូនដល់ប្រទេស
ជាសមាជិកក្រុមប្រឹក្សាសន្តិសុខ  អ​.ស.ប. ចំនួន ១៤ ប្រទេសពង្រាងសេចក្តីសម្រេចចិត្ត
ស្តីពីបទដាក់ទណ្ឌកម្ម ចំពោះព្យុងយ៉ាង ដែលអាចត្រូវបាននាំចេញបោះឆ្នោត នាថ្ងៃទី
៧ មិនា។ ពង្រាងសេចក្តីសម្រេចចិត្តថ្មីនេះបានដាក់បន្ថែមបុគ្គលចំនួន ៣ នាក់និងសម្ព័ន្ធ
ក្រុមហ៊ុនចំនួន ២ ទៀត ចូលក្នុងបញ្ជីហ៊ុំព័ទ្ធទ្រព្យសម្បត្តិ្តនិងបទហាមឃត់ធ្វើដំណើរ ទៅវិញទៅមក។

ចិនបានឡើងសម្លេងគាំទ្រសេចក្តីសម្រេចចិត្តបទដាក់ទណ្ឌកម្មនេះ របស់ អ.ស.ប.
ព្រមទាំង ប្រឆាំងជំទាស់ការសាកលក្បងនុយក្លេអ៊ែររបស់ ព្យុងយ៉ាង។ ចិនក៏បាន
អំពាវនាវឲ្យសហគមន៍អន្តរជាតិត្រូវមានដំណោះស្រាយបញ្ឃប់កម្មវិធីគ្រោះថ្នាក់
នេះយ៉ាងឆាប់ៗ។ ប៉ុន្តែ ​ឯកអគ្គរដ្ឋទូតចិនប្រចាំនៅ អ.ស.ប. បានសង្កត់ធ្ងន់ថា៖
អ.ស.ប. កប្បីបន្ថូស្រាលភាពតានតឹងនៅឧបទ្វីកូរ៉េ តាមរយៈ ការទូត។ ក្នុងពេល
នោះ មូស្គូវាយតំលៃខ្លឹមសារនៃសេចក្តីសម្រេចចិត្តនេះគឺសមស្របនឹងឆ្លុះបញ្ចាំង
ពីការព្រួយបារម្មណ៍របស់រុស្ស៊ី ផងដែរ។

នាថ្ងៃដ៏ដែល ប្រធានាធិបតីកូរ៉េខាងត្បូង លោកស្រី Park Geun-hye និងនាយក
រដ្ឋមន្ត្រីជប៉ុន លោក Shinzo Abe បានឯកភាពអំពីកិច្ចសហប្រតិបត្តិ ការយ៉ាង
ជិតស្និតជាមួយអាមេរិក ក្នុងបញ្ហានុយក្លេអ៊ែរពោលខាងលើ។

ក្នុងពេលនោះ ទីភ្នាក់ងារសារព័ត៌មាន Yonhap របស់កូរ៉េខាងត្បូងឲ្យដឹងថា៖
ស.ប.ប.ក. បានបង្កើតបណ្ដាតំបន់ហាមហោះហើរនិងហាមទុកនាវាធ្វើ សកម្មភាពក្នុងតំបន់សមុទ្រភាគខាងជើងនិងលិចនៃប្រទេសនេះ។ តាមប្រភព
ពត៌មាននេះឲ្យដឹងទៀតថា៖ មិនលើកលែងលទ្ធភាពព្យុងយ៉ាងនឹងដំណើការ
សាកល្បងកាំជ្រួចនៅទីនេះ៕