ប្រធានរដ្ឋសភាអ៊ីរ៉ង់ លោក Mohammad-Bagher Ghalibaf (រូបថត៖ Tehran Times/TTXVN)

ថ្លែងមតិក្នុងឱកាសបើកសម័យប្រជុំរដ្ឋសភា លោក Ghalibaf បានសង្កត់ធ្ងន់ថា “ចលនាតស៊ូប្រយុទ្ធដ៏ឆ្លាតវៃនិងសកម្ម” ដើម្បីប្រឆាំងនឹងសហរដ្ឋអាមេរិកគឺជាជំរើសយុទ្ធសាស្ត្រសម្រាប់ប្រជាជាតិអ៊ីរ៉ង់។ ទីក្រុងតេអេរ៉ង់ មិនប្រឆាំងជំទាស់នឹងសកម្មភាពការទូតនិងការចរចានោះទេ ក៏ប៉ុន្តែការចរចាជាមួយសហរដ្ឋ អាមេរិកគឺ "ជាការហាមឃាត់និងមានគ្រោះថ្នាក់ទាំងស្រុងផងដែរ" ។

មុននេះ ប្រធានាធិបតីអាមេរិកលោក  Donald Trump កាលពីថ្ងៃទី ២០ ខែមិថុនាបានជំរុញឱ្យទីក្រុងតេអេរ៉ង់ចរចាកិច្ចព្រមព្រៀងនុយក្លេអ៊ែរដែលលោកបានដកជាឯកតោភាគីនាឆ្នាំ ២០១៨ ។  សាធារណរដ្ឋអ៊ីស្លាមនេះបានច្រានចោលរាល់ការអំពាវនាវរបស់សហរដ្ឋអាមេរិកដើម្បីចាប់ផ្តើមកិច្ចចរចារឡើងវិញស្តីពីកិច្ចព្រមព្រៀងនុយក្លេអ៊ែរពហុភាគីជាប្រវត្តិសាស្ត្រនាឆ្នាំ ២០១៥ ៕