រដ្ឋមន្រ្តីការបរទេសអ៊ីរ៉ង់ លោក Hossein Amir Abdollahian។ (រូបថត៖ AFP/VNA)

ថ្លែងទៅកាន់សារព័ត៌មាន លោករដ្ឋមន្រ្តី Abdollahian ឲ្យដឹងថា ឯកសារដែលពួកគេសម្រេចបានកាលពីខែមិថុនាកន្លងទៅ នឹងត្រូវបានទុកនៅម្ខាងសិន ហើយវង់ចរចាបន្ទាប់នឹងផ្ដោតសំខាន់ទៅលើការពិភាក្សាអំពីឯកសារថ្មីបំផុតនេះ។ ឯកសារថ្មីក៏និយាយដល់ការដកទណ្ឌកម្មទៅលើអ៊ីរ៉ង់និងបញ្ហា នុយក្លេអ៊ែរ ដែលគេសម្រេចបានក្នុងវង់ចរចាមុន រវាងអ៊ីរ៉ង់ជាមួយក្រុម P៤+១ (អង់គ្លេស បារាំង រុស្ស៊ី ចិននិងអាល្លឺម៉ង់)។

នាថ្ងៃដដែល អ្នកនាំពាក្យក្រសួងការបរទេសអ៊ីរ៉ង់ លោក Saeed Khatibzadeh បានអំពាវនាវឲ្យភាគីទាំងអស់ដែលអញ្ជើញចូលរួមវង់ចរចានុយក្លេអ៊ែរលើកទី៨នៅវីយ៉ែន ជាមួយការប្ដេជ្ញាចិត្តដើម្បីឈានដល់កិច្ចព្រមព្រៀងដ៏ល្អមួយ។ លោករូបនេះក៏បានឲ្យដឹងផងដែរថា អ៊ីរ៉ង់នឹងមិនទទួលយកសំណើរណាមួយដែលមិនត្រូវបានចែងនៅក្នុង JCPOA ឡើយ ហើយនឹងបន្តប្រដេញតាមផលប្រយោជន៍របស់តេអេរ៉ង់ពាក់ព័ន្ធដល់កិច្ចព្រមព្រៀងនេះ៕