អាល្លឺម៉ង់បង្កើនសន្តិសុខសំរាប់សន្និសីទកំពូល G20

(VOVworld) – នាថ្ងៃទី ១ កក្កដា អភិបាលក្រុង Hamburg របស់អាល្លឺម៉ង់ លោក  Olaf Scholz បានឲ្យដឹងថា៖ ប៉ូលីសចំនួន ២ ម៉ឺននាក់នឹងត្រូវបានដាក់ពង្រាយ ដើម្បីធានាសន្តិសុខសំរាប់សន្និសីទកំពូលក្រុមបណ្ដាខឿនសេដ្ឋកិច្ចអភិវឌ្ឍន៍និង ទើបនឹងលេចចេញជួរមុខលើពិភពលោក (G20) ដែលគ្រោងនឹងប្រព្រឹត្តទៅក្នុង រយៈពេល ២ ថ្ងៃគឺថ្ងៃទី ៧ និងទី ៨ កក្កដា ខាងមុខ។ មជ្ឈដ្ឋានមន្ត្រីសន្តិសុខ អាល្លឺម៉ង់ក៏បានរៀបចំផែនការទប់ទល់នឹងការធ្វើបាតុកម្មនិងការបះទង្គេចដែល អាចកើតមានឡើងក្នុងរយៈពេលប្រព្រឹត្តទៅសន្និសីទលើកនេះ។ ក្រសួងមហាផ្ទៃ អាល្លឺម៉ង់បានឲ្យដឹងថា៖ ប្រទេសនចាប់ផ្តើមអនុវត្តវិធានការត្រួតពិនិត្យសន្តិសុខ នៅខ្សែព្រំដែនចាប់ពីថ្ងៃទី ១២ មិថុនា កន្លងទៅ។ ការងារនេះនឹងអូសបន្លាយដល់ថ្ងៃទី ១១ កក្កដា ដោយមានការជួយឧបត្ថម្ភរបស់ប្រទេសជាតិខាងនានានិង គណៈកម្មាធិការអឺរ៉ុប៕