នាវាវាយលុកលើសមុទ្រ HMAS Canberra និងនាវាចម្បាំងមីស៊ីល HMAS Anzac ចូលរួមក្នុងសមយុទ្ធក្នុងអំឡុងពេលប្រតិបត្តិការឥណ្ឌា-ប៉ាស៊ីហ្វិកឆ្នាំ ២០២១ (ប្រភព៖ ក្រសួងការពារជាតិអូស្ត្រាលី)

សមយុទ្ធនេះនឹងធ្វើឡើងនៅសមុទ្រនិងលើអាកាស ក្នុងតំបន់សមុទ្រសិង្ហបុរីនិងម៉ាឡេស៊ីនិងផ្នែកមួយនៃសមុទ្រខាងកើត។  លំហាត់នេះត្រូវបានរៀបចំឡើងក្នុងគោលបំណងបង្កើនអន្តរប្រតិបត្តិការនិងពង្រឹងទំនាក់ទំនងរវាងប្រទេសនានា។

នៅក្នុងសេចក្តីថ្លែងការណ៍មួយចេញផ្សាយនៅថ្ងៃទី ៦ ខែតុលា ក្រសួងការពារជាតិ នូវែលស្សេឡង់បានបញ្ជាក់ថា កងកម្លាំងការពាររបស់ខ្លួនបានធ្វើប្រតិបត្តិការនៅតំបន់អាស៊ីអាគ្នេយ៍ក្នុងក្រប ខ័ណ្ឌនៃការប្តេជ្ញាចិត្តទ្វេភាគីនិងក្នុងតំបន់ និងបង្ហាញពីវត្តមានរបស់ពួកគេក៏ដូចជាការប្តេជ្ញាចិត្តរបស់ខ្លួនចំពោះតំបន់។ នៅក្នុងក្របខ័ណ្ឌនេះ នូវែលសស្សេឡង់បានអនុវត្តន៍សិទ្ធិសេរីភាពក្នុងការធ្វើនាវាចរណ៍និងអាកាសចរណ៍ ស្របតាមច្បាប់អន្តរជាតិ រួមទាំងអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ ផងដែរ។

ក្នុងពេលជាមួយគ្នានោះ មេបញ្ជាការប្រតិបត្តិការអូស្រ្តាលី ឧត្តមសេនីយ៍ឯក Greg Bilton បានបញ្ជាក់ថា “សន្ធិសញ្ញាការពារអំណាចទាំង ៥” គឺជាសសរស្តម្ភដែលអាចទុកចិត្តបាននៃស្ថាបត្យ កម្មសន្តិសុខក្នុងតំបន់។ ហើយនៅពេលប្រទេសទាំង ៥ ខិតមកជិតជាមួយគ្នានោះ នឹងពង្រឹងកិច្ចសហប្រតិបត្តិការ បង្កើនអន្តរប្រតិបត្តិការនិងរក្សារាល់ទំនាក់ទំនងផងដែរ៕