ថ្លែងក្នុងពិធីនេះ ឯកអគ្គរដ្ឋទូតកូរ៉េខាងត្បូងប្រចាំអាស៊ាន លោក Lim Sungnam បានជឿជាក់ថា ការរៀបចំទិវាអាស៊ាន-កូរ៉េខាងត្បូងឆ្នាំនេះ នឹងបញ្ជូន “សញ្ញាដ៏រឹងមាំ” អំពីសារៈសំខាន់នៃភាពជាដៃគូអាស៊ាន-កូរ៉េខាងត្បូង ហើយទន្ទឹមនឹងនោះ ក៏ជួយប្រជាជនឱ្យយល់កាន់តែច្បាស់អំពីទំនាក់ទំនងនេះ ក៏ដូចជាបេសកកម្មនៃស្ថានបេសកកម្មកូរ៉េខាងត្បូងប្រចាំអាស៊ាន។

ចំណែកលោក Dato Lim Jock Hoi អគ្គលេខាធិការអាស៊ាន បានវាយតម្លៃខ្ពស់ចំពោះការគាំទ្រនិងជំនួយរបស់ប្រទេសកូរ៉េខាងត្បូងដល់អាស៊ាន ក៏ដូចជាប្រទេសសមាជិកអាស៊ាន ក្នុងការឆ្លើយតបនឹងជំងឺរាតត្បាត រួមទាំងការបរិច្ចាគចំនួន ៦ លានដុល្លារអាមេរិក សម្រាប់មូលនិធិអាស៊ានដើម្បីឆ្លើយតបនឹងជំងឺកូវីដ-១៩៕