រដ្ឋមន្ត្រីការបរទេសនៃប្រទេសអេស្ប៉ាញ ន័រវេស និងអៀរឡង់ បន្ទាប់ពីសន្និសីទសារព័ត៌មាននៅទីក្រុងព្រុចសែល ប្រទេសបែលហ្សិក ថ្ងៃទី ២៧ ខែឧសភា ឆ្នាំ ២០២៤។ រូបថត៖ រ៉យទ័រ

អ្នកនាំពាក្យរដ្ឋាភិបាលអេស្ប៉ាញ លោកស្រី Pilar Alegria ក៏បានបញ្ជាក់ ថា គណៈរដ្ឋមន្ត្រីរបស់ប្រទេសនេះបានអនុម័តជាផ្លូវការលើសេចក្តីសម្រេចចិត្តទទួលស្គាល់រដ្ឋប៉ាឡេស្ទីន ដោយចាត់ទុកថានេះជា "ទិវាប្រវត្តិសាស្ត្រ"។ មុននោះ នាយករដ្ឋមន្ត្រីអេស្ប៉ាញ លោក Pedro Sanchez បានឲ្យដឹងថា នេះជាតម្រូវការចាំបាច់សម្រាប់សន្តិភាព ហើយបានអះអាងថា វិធានការទាំងនេះមិនសំដៅប្រឆាំងនឹងប្រទេសណាមួយឡើយ ហើយមធ្យោបាយតែមួយគត់ដើម្បីធានាអនាគតគឺដំណោះស្រាយរដ្ឋពីរ ពោលគឺរដ្ឋប៉ាឡេស្ទីន និងរដ្ឋអ៊ីស្រាអែល រួមរស់ប្រកបដោយសន្តិភាព និងសន្តិសុខ។