ក្រសួងសមុទ្រនិងរបរនេសាទឥណ្ឌូនេស៊ី (KKP) កំពុងស្វែងយល់អំពីកិច្ចសហ ប្រតិបត្តិការក្នុងការផ្លាស់ប្តូរនិស្សិតក្នុងវិស័យសមុទ្រ និងរបរនេសាទជាមួយសមាជិក សមាគមប្រជាជាតិអាស៊ីអាគ្នេយ៍ (អាស៊ាន) សំដៅបង្កើនគុណភាពធនធានមនុស្ស។ តាមរយៈទីភ្នាក់ងារធនធានមនុស្ស ស្រាវជ្រាវសមុទ្រ និងជលផល (BRSDM) ចំណុះ KKP កម្មវិធីនេះឆ្ពោះទៅរកការលើកកម្ពស់គុណភាពអប់រំនៅតំបន់អាស៊ីអាគ្នេយ៍ ក៏ដូច ជាជំរុញលទ្ធភាពប្រកួតប្រជែងជាសាកលក្នុងវិស័យសមុទ្រ និងរបរនេសាទ។ លេខា ធិការ BRSDM លោក Kusdiantoro បានចាត់ទុកថា កម្មវិធីនេះក៏ផ្តល់ជំនួយ ហិរញ្ញប្ប ទានពីអាស៊ានដើម្បីពង្រឹងមូលដ្ឋានបណ្តុះបណ្តាលផ្នែកសមុទ្រ និងរបរនេសាទរបស់ ប្រទេសឥណ្ឌូនេស៊ីផងដែរ។ លោក Kusdiantoro សង្ឃឹមថា បណ្តាប្រទេសអាស៊ាន អាចសម្របសម្រួលដើម្បីពង្រីក ឱកាសសហប្រតិបត្តិការនិងវិនិយោគ សំដៅគ្រប់គ្រង សមុទ្រប្រកបដោយនិរន្តរភាព អភិវឌ្ឍន៍សេដ្ឋកិច្ច ហើយកែលម្អគុណភាពធនធាន មនុស្ស រួមចំណែកជំរុញសេដ្ឋកិច្ចសមុទ្របៃតង។

អគ្គលេខាធិការអាស៊ាន លោក Dato Lim Jock Hoi បានស្វាគមន៍ចំពោះផែនការ ផ្លាស់ប្តូរនិស្សិតអាស៊ានជាមួយសាកលវិទ្យាល័យពហុបច្ចេកទេស KP Kupang ដោយ ចាត់ទុកថា សកម្មភាពនេះអាចរួមចំណែកចែករំលែកចំណេះដឹងនិងបច្ចេកវិទ្យា បង្កើត ឱកាសកម្មសិក្សានិងឱកាសការងារ ពីនោះលើកកំពស់គុណភាពធនធានមនុស្សក្នុង តំបន់៕