តាមអ្នកយកព័ត៌មាននៃវិទ្យុសម្លេងវៀតណាមប្រចាំនៅជប៉ុន Hoang Lien Son ឲ្យដឹង
ថា៖ តាមសេចក្តីអញ្ចើញរបស់រដ្ឋាភិបាលជប៉ុន នាច្ងៃទី ១ កក្កដា គណៈប្រតិភូជាន់
ខ្ពស់របស់រដ្ឋាភិបាលវៀតណាម ដឹកនាំដោយឧបនាយករដ្ឋមន្ត្រី Nguyen Xuan Phuc បានទៅដល់ទីក្រុងតូក្យូ ចាប់ផ្តើមដំណើរទស្សនកិច្ចនិងបំពេញការងារនៅជប៉ុន។
ក្នុងការជួបសន្ទនា ជាមួយនាយករដ្ឋមន្ត្រីជប៉ុន លោក Yoshihiko Noda នារសៀល
ថ្ងៃទី ១ កក្កដា ឧបនាយករដ្ឋមន្ត្រី Nguyen Xuan Phuc បានវាយតំលៃខ្ពស់ចំពោះ
ការដែល រដ្ឋាភិបាលជប៉ុនបានផ្តល់ជំនួយអភិវឌ្ឍន៍ជាផ្លូវការ (ODA) ដល់វៀតណាម ក្នុងឆ្នាំសារពើពន្ធ ២០១១។ ឧបនាយរដ្ឋមន្ត្រី Nguyen Xuan Phuc បានសន្យាថា៖ វៀតណាមនឹងប្រើប្រាសប្រភពទុនជំនួយ ឧបត្ថម្ភនេះប្រកបដោយមាន
ប្រសិទ្ធភាព។ ភាគីទាំង ២ បានឯកភាពគួបផ្សំជិតស្និទជាមួយគ្នាដើម្បីអនុវត្តបណ្ដា ការព្រមព្រៀងរបស់ថ្នាក់ដឹកនាំជាន់ខ្ពស់ ប្រកបដោយមានប្រសិទ្ធភាព និងរៀបចំ
ល្អឆ្នាំ មិត្តភាព វៀតណាម-ជប៉ុន ២០១៣ ក្នុងឱកាសរំលឹកខួបអនុស្សារវរីយ៍លើកទី
 ៤០ ទិវា បង្កើតទំនាក់ទំនងការទូត។ ទាក់ទិនដល់បញ្ហានៅលើសមុទ្រខាងកើត
នាយករដ្ឋមន្ត្រី  Yoshihiko Noda បានសម្តែងនូវការគាំទ្រចំពោះគោលជំហររបស់
វៀតណាមស្តីពី ការធានាសន្តិភាព ស្ថិរភាព និងសេរីភាព សុវត្តិភាពនាវាចរណ៍
លើសមុទ្រខាងកើត ដោះស្រាយជំលោះដោយវិធានការសន្តិភាព លើមូលដ្ឋានច្បាប់
អន្តរជាតិ ជាពិសេស គឺ អនុសញ្ញាអំពីច្បាប់សមុទ្រឆ្នាំ ១៩៨២ របស់អង្គការ
សហប្រជាជាតិ៕