ដំណើរទស្សនកិច្ចការងារនៅគុយបារបស់ឧបនាយករដ្ឋមន្ត្រីលោក Tran Hong Ha បានប្រព្រឹត្តទៅក្នុងឱកាសដែលវៀតណាមនិងគុយបាបានរំលឹកខួបអនុស្សាវរីយ៍ ៥០ឆ្នាំ ទិវាមេដឹកនាំគុយបា Fidel Castro Ruz មកបំពេញទស្សនកិច្ចនៅវៀតណាមជាលើកដំបូង (១២-១៧ កញ្ញា ១៩៧៣)។

ឧបនាយករដ្ឋមន្ត្រីវៀតណាម លោក Tran Hong Ha ។ រូបថត៖ Hai Nguyem/Laodong.vn

យោងតាមឯកអគ្គរដ្ឋទូតវៀតណាមប្រចាំនៅគុយបា លោក Le Thanh Tung ក្នុងបរិបទដែលគុយបានៅតែជួបការលំបាកខាងសេដ្ឋកិច្ចសង្គម ដំណើរទស្សនកិច្ចរបស់ឧបនាយករដ្ឋមន្ត្រី Tran Hong Ha គឺជាសក្ខីភាពដ៏រស់រវើកដែលបញ្ជាក់ពីសាមគ្គីភាពនិងការគាំទ្ររបស់វៀតណាមចំពោះគុយបាលើវិស័យកិច្ចការបរទេស គាំទ្រគុយបាលើកកម្ពស់កិត្យានុភាពនិងឋានៈអន្តរជាតិតាមរយៈការរៀបចំកិច្ចប្រជុំកំពូលG៧៧និងចិនប្រកបដោយជោគជ័យ។

ទាក់ទិនដល់សន្និសីទកំពូល G៧៧ និងចិន ដែលនឹងប្រព្រឹត្តនៅថ្ងៃទី១៥-១៦ ខែកញ្ញា នៅរដ្ឋធានី La Habana ឯកអគ្គរដ្ឋទូត Le Thanh Tung បានឲ្យដឹងថា ចូលរួមសន្និសីទនេះមានគណៈប្រតិភូជាន់ខ្ពស់ចំនួនជាង១០០ ពីបណ្តាប្រទេសសមាជិក ដែលក្នុងនោះមានប្រមុខរដ្ឋនិងប្រមុខរដ្ឋាភិបាលចំនួន១៥រូប ជាមួយនឹងអគ្គលេខាធិការអង្គការសហប្រជាជាតិ តំណាងអង្គការអន្តរជាតិ និងតំបន់មានកិត្យានុភាពប្រមាណ១០រូប។ សន្និសីទកំពូលឆ្នាំនេះមានប្រធានបទ “បញ្ហាប្រឈមអភិវឌ្ឍន៍នាបច្ចុប្បន្ន៖ តួនាទីរបស់វិទ្យាសាស្ត្រ បច្ចេកវិទ្យា និងការច្នៃប្រឌិតថ្មី”៕