នាយក ADB ប្រចាំនៅវៀតណាម លោក Shantanu Chakraborty បានឲ្យដឹងថា ADB កោតសរសើរចំពោះកិច្ចខិតខំប្រឹងប្រែងរបស់រដ្ឋាភិបាល និងប្រជាជនវៀតណាមក្នុងការឆ្លើយតបទៅនឹងការខូចខាតដែលបណ្តាលមកពីព្យុះទីហ្វុងយ៉ាហ្គី។ ជំនួយរបស់ ADB នឹងជួយគាំទ្រដល់កិច្ចខិតខំប្រឹងប្រែងកាន់តែទូលំទូលាយរបស់រដ្ឋាភិបាលវៀតណាម ក្នុងការផ្តល់ជំនួយមនុស្សធម៌ជាបន្ទាន់។ ADB ក៏បានប្តេជ្ញាសហការជាមួយរដ្ឋាភិបាលក្នុងការងារស្តារឡើងវិញក្រោយគ្រោះមហន្តរាយនៅបណ្តាខេត្តដែលរងផលប៉ះពាល់ ដើម្បីកសាងឡើងវិញ និងកែលម្អភាពធន់ ដែលមានសារៈសំខាន់ណាស់ក្នុងបរិបទនៃការកើនឡើងនៃគ្រោះមហន្តរាយធម្មជាតិ។

កងទ័ពបោសសម្អាតដើមឈើដែលដួលរលំនៅតាមដងវិថី ក្នុងទីក្រុងហាណូយ បន្ទាប់ពីព្យុះទីហ្វុង យ៉ាហ្គី (ព្យុះលេខ ៣)។ រូបថត៖ qdnd.vn

ជំនួយសង្គ្រោះបន្ទាន់របស់ ADB សំដៅធានាថា ប្រជាជនដែលរស់នៅក្នុងតំបន់រងគ្រោះមហន្តរាយ មានលទ្ធភាពទទួលបានសេវាសុខភាព និងសង្គមជាមូលដ្ឋាន ក៏ដូចជាប្រភពធនធានដើម្បីកសាងជីវភាព និងមុខរបរចិញ្ជឹមជីវិតឡើងវិញ ហើយនឹងបន្តសហការយ៉ាងជិតស្និទ្ធជាមួយរដ្ឋាភិបាល និងដៃគូអភិវឌ្ឍន៍ផ្សេងទៀត ដើម្បីផ្តល់ជំនួយមនុស្សធម៌ស្របតាមផែនការឆ្លើយតបនឹងគ្រោះមហន្តរាយ ដែលចែករំលែកដោយអ្នកសម្របសម្រួលប្រចាំនៅអង្គការសហប្រជាជាតិ៕