ប្រធានរដ្ឋវៀតណាម លោក Vo Van Thuong និងថ្នាក់ដឹកនាំ APEC ក្នុងសម័យប្រជុំ។ រូបថត៖ Thong Nhat/TTXVN

ថ្លែងក្នុងពិធីបើកសន្និសីទ ប្រធានាធិបតីអាមេរិក លោក Joe Biden បានសង្កត់ធ្ងន់ថា៖ ពិភពលោកកំពុងប្រឈមមុខនឹងការផ្លាស់ប្តូរយ៉ាងសំខាន់ ហេតុដូច្នេះ រាល់ការសម្រេចចិត្តដែលយើងធ្វើឡើង នឹងកំណត់ទិសដៅអភិវឌ្ឍន៍  មិនត្រឹមតែប្រទេសមួយចំនួនប៉ុណ្ណោះទេ ប៉ុន្តែក៏ពិភពលោកទាំងមូលផងដែរ ក្នុងរយៈពេលពីរបីទសវត្សរ៍ខាងមុខ។ មេដឹកនាំអាមេរិកក៏បានលើកឡើងផងដែរថា បណ្តាប្រទេសត្រូវតែខិតខំប្រឹងប្រែងសហការគ្នាដើម្បីសម្រេចបាននូវវឌ្ឍនភាពពិតប្រាកដ ក្នុងការប្រយុទ្ធប្រឆាំងនឹងការប្រែប្រួលអាកាសធាតុ រក្សាសីតុណ្ហភាពសកលមិនឱ្យលើសពី ១,៥ អង្សាសេ ដូចគោលដៅដែលបានដាក់ចេញក្នុងកិច្ចព្រមព្រៀងទីក្រុងប៉ារីសឆ្នាំ ២០១៥ ស្តីពីការប្រែប្រួលអាកាសធាតុ។ លោកប្រធានាធិបតី Biden បានអំពាវនាវឲ្យប្រទេសសេដ្ឋកិច្ចជាសមាជិក APEC ចាត់វិធានការយ៉ាងខ្លាំងក្លាដើម្បីឆ្លើយតបនឹងការប្រែប្រួលអាកាសធាតុ៕