កម្មវិធីសិល្បៈនៅក្នុងពិធីបុណ្យ Carnaval Ha Long ឆ្នាំ២០២៣។ (រូបថត៖ baoquangninh.vn)

នាយប់ថ្ងៃទី ១ ឧសភា ពិធីបុណ្យ Carnaval Ha Long ២០២៣ ព្រឹត្តិការណ៍ វប្បធម៌ប្រចាំឆ្នាំនៃទេសចរណ៍រដូវក្តៅខេត្ត Quang Ninh បានប្រព្រឹត្តទៅនៅទីក្រុងឆ្នេរ សមុទ្រ Ha Long ដោយទាក់ទាញប្រជាជននិងភ្ញៀវទេសចររាប់ម៉ឺននាក់។

ក្រោមប្រធានបទ "របាំ Ha Long - សមាហរណកម្មនឹងទ្វីបទាំង៥" Carnaval Ha Long ឆ្នាំនេះ បានបង្ហាញពីរឿងរ៉ាវដ៏រស់រវើកអំពីប្រវត្តិសាស្រ្ត សិល្បៈ រឿងព្រេង និងភាពបើកចំហនៃទីក្រុងសមុទ្រ Ha Long។ ផ្នែកដ៏ទាក់ទាញនិង ត្រូវបានទន្ទឹងរង់ចាំ បំផុតគឺ កម្មវិធីក្បួនដង្ហែតាមដងផ្លូវជាមួយនឹងរបាំដ៏ទាក់ទាញ គគ្រឹកគគ្រេង និងបរិយាកាស ពោរពេញដោយពណ៌វប្បធម៌របស់ជនជាតិ Tay, Dao, San Chi... មកពីស្រុកព្រៃភ្នំ Binh Lieu, Tien Yen និងក្រុមសិល្បៈករសិល្បៈការិនី មកពីប្រទេសប្រេស៊ីល កូរ៉េ ខាងត្បូង ឡាវ និងជប៉ុន។ លោក Pham Ngoc Thuy នាយកមន្ទីរទេសចរណ៍ខេត្ត Quang Ninh បានឲ្យដឹងថា៖ “Carnaval តែងតែត្រូវបានកំណត់ជាចំណុចពិសេសបំផុតនៃសប្តាហ៍ទេសចរណ៍ Ha Long ដើម្បីទាក់ទាញភ្ញៀវទេសចរពីគ្រប់ទិសទីមកដល់នឹងខេត្ត Quang Ninh ក្នុងនោះ មានភ្ញៀវទេសចរអន្តរជាតិជាច្រើនផងដែរ។ ព្រឹត្តិការណ៍នេះបានបង្កើតឡើងលក្ខណៈ វប្បធម៌ដ៏ពិសេសដោយឡែករបស់ខេត្ត Quang Ninh ហើយយើងខ្ញុំនឹងខិតខំធ្វើឱ្យ Carnaval កាន់តែរីកចម្រើនថែមទៀត”៕