លោកប្រធានរដ្ឋវៀតណាម Nguyen Xuan Phuc អញ្ជើញទទួលជួបជាមួយប្រធានសហព័ន្ធកីឡាបាល់ទាត់ពិភពលោក (FIFA) លោក Gianni Infantino (រូបថត៖ VOV)

ក្នុងក្របខ័ណ្ឌនៃកម្មវិធី ចូលរួមសម័យពិភាក្សាទូទៅកម្រិតខ្ពស់នៃមហាសន្និបាតអង្គការសហប្រជាជាតិលើកទី ៧៦ នៅទីក្រុងញូវយ៉ក សហរដ្ឋអាមេរិក ចាប់ពីថ្ងៃទី ២១ ដល់ថ្ងៃទី ២៤ ខែកញ្ញា លោកប្រធានរដ្ឋវៀតណាម Nguyen Xuan Phuc បានអញ្ជើញទទួលជួបជាមួយប្រធានសហព័ន្ធកីឡាបាល់ទាត់ពិភពលោក (FIFA) លោក Gianni Infantino។

នៅក្នុងជំនួបនេះ ដោយឯកភាពគ្នាជាមួយប្រធាន FIFA នៅពេលអះអាងថាបាល់ទាត់គឺជាស្ពានតភ្ជាប់វប្បធម៌ប្រកបដោយប្រសិទ្ធភាពបំផុតរវាងប្រជាជន នៃបណ្ដាប្រទេស ហើយតាមនោះបានរួមចំណែកដល់សន្តិភាពពិភពលោក លោកប្រធានរដ្ឋវៀតណាម Nguyen Xuan Phuc បានស្នើឲ្យ  FIFA បន្តសហប្រតិបត្តិការ និងជួយឧបត្ថម្ភសហភាពបាល់ទាត់វៀតណាម  ដើម្បីវិស័យកីឡានេះកាន់តែអភិវឌ្ឍន៍ពីមួយថ្ងៃទៅមួយថ្ងៃ ហើយក្រុមបាល់ទាត់វៀតណាមកាន់តែត្រូវបានលើកកម្ពស់ថែមទៀត។