ពិធីចុះហត្ថលេខាលើកិច្ចព្រមព្រៀងសហប្រតិបត្តិការ ធ្វើពាណិជ្ជកម្មវ៉ា់ក់សាំងបង្ការកូវីដ១៩ផ្ទាល់មាត់។

នាថ្ងៃទី ២៩ ខែធ្នូ នៅទីតាមតាំងផ្សាយផ្ទាល់ចំនួន ៣ នៅវៀតណាម អ៊ីស្រាអ៊ែល និងអាមេរិក បានប្រព្រឹត្តទៅពិធីចុះហត្ថលេខាលើកិច្ចព្រមព្រៀងសហប្រតិបត្តិការ ការធ្វើពាណិជ្ជកម្មវ៉ាក់សាំងបង្ការកូវីដ១៩ប្រភេទផឹក ផ្តាច់មុខនៅទូទាំងតំបន់អាស៊ីអាគ្នេយ៍ រវាងក្រុមហ៊ុនភាគហ៊ុនវិនិយោគ Tan Thanh Holdings – ក្រុមហ៊ុនភាគហ៊ុន 10 Pharma (វៀតណាម) និងក្រុមហ៊ុន Oravax Medical Inc (អាមេរិក) - ក្រុមហ៊ុន Oravax Medical Ltd (អ៊ីស្រាអែល) ។ Oravax Medical ត្រូវបានបង្កើតឡើងដោយ Oramed Pharmaceuticals និងម្ចាស់ភាគហ៊ុនមួយចំនួនទៀតក្នុងឆ្នាំ ២០២១។

ថ្លែងមតិនៅក្នុងពិធីចុះហត្ថលេខានេះ ឯកអគ្គរដ្ឋទូតវៀតណាមប្រចាំនៅអ៊ីស្រាអែល លោក Do Minh Hung បានអះអាងថា កិច្ចសហប្រតិបត្តិការរវាង Tan Thanh និង Oramed គឺមានសារៈសំខាន់ណាស់។ នេះជាលើកដំបូងហើយ ដែលសហគ្រាសនៃប្រទេសទាំងពីរ បានអនុវត្តកិច្ចសហប្រតិបត្តិការក្នុងវិស័យសុខាភិបាលបច្ចេកវិទ្យាខ្ពស់ ទាំងផ្នែកពាណិជ្ជកម្ម និងការផ្ទេរប្រគលបច្ចេកវិទ្យា។ នេះជាទិសដៅថ្មី ក្នុងទំនាក់ទំនងកិច្ចសហប្រតិបត្តិការរវាងប្រទេសទាំងពីរ។ ខ្លឹមសារនៃកិច្ចសហប្រតិបត្តិការនេះ គឺស្របតាមទិសដៅរបស់រដ្ឋាភិបាល និងឆ្លើយតបតាមតម្រូវការក្នុងស្រុក អំពីការទទួលបានប្រភពវ៉ាក់សាំង ម្ចាស់ការក្នុងការស្រាវជ្រាវ អភិវឌ្ឍន៍ និងផ្ទេរប្រគលបច្ចេកវិទ្យាទៅក្នុងការផលិតវ៉ាក់សាំងនៅវៀតណាម៕