បុគ្គលិកពេទ្យព្យាបាលអ្នកជំងឺ COVID-19 នៅមន្ទីរពេទ្យមួយនៅជាយក្រុង Siliguri ឥណ្ឌា។ (រូបថត៖ AFP/TTXVN)

លោក Tedros Adhanom Ghebreyesus បានអះអាងថា ពិភពលោកនៅតែប្រឈមមុខនឹងការពិតដ៏លំបាក ពោលគឺជំងឺរាតត្បាតកូវីដ-១៩ មិនទាន់បញ្ចប់ ជំងឺអ៊ុតស្វានៅតែរីករាលដាល ជំងឺអេបូឡានៅក្នុងប្រទេសអ៊ុយហ្គង់ដា ហើយជំងឺអាសន្នរោគត្រូវបានរាយការណ៍ពីប្រទេសចំនួន២៧ ក្នុងនោះប្រទេសចំនួន ១១ មិនធ្លាប់មានតាំងពីមុនមក។ លើសពីនេះទៅទៀត តាមប្រមុខ WHO បានឲ្យដឹងថា ជំងឺដែលមិនឆ្លងរាលដាល ដូចជាជំងឺទាក់ទងនឹងសុខភាពផ្លូវចិត្ត ក៏បានក្លាយជាក្តីកង្វល់កាន់តែធំធេងផងដែរ។

ទាក់ទងនឹងជំងឺរាតត្បាតកូវីដ-១៩ លោក Tedros Adhanom Ghebreyesus បានមានប្រសាសន៍ថា ជំងឺរាតត្បាតនៅតែបន្ត វីរុស SARS-CoV-2  បន្តរីករាលដាល និងពិបាកកំចាត់ទាំងស្រុង នៅពេលដែលវីរុសនេះ បានបំប្លែងខ្លួនជាបន្តបន្ទាប់។ លោកបានចាត់ទុកថា គ្រាន់តែពិភពលោកអាចគ្រប់គ្រងជំងឺឲ្យបានល្អក្នុងកម្រិតអប្បបរមា និងកំណត់ចំនួនអ្នកស្លាប់នោះ មនុស្សជាតិនឹងអាចរួមរស់ជាមួយវីរុសបង្កជំងឺនេះបាន ។

សេចក្តីថ្លែងការណ៍របស់លោកត្រូវបាននាំចេញក្នុងបរិបទនៃការរកឃើញប្រភេទវីរុសបំប្លែងខ្លួនថ្មីៗជាច្រើនរបស់Omicron និងចំនួនករណីឆ្លងជំងឺថ្មីកំពុងមាននិន្នាការកើនឡើងជាថ្មីម្តងទៀតនៅក្នុងប្រទេសមួយចំនួន៕