 |
| ការងារការទូតវប្បធម៍វៀតណាម៖សមាហរណកម្មដោយមិនរលាយ (tinkinhte.com) |
Vovworld-ការងារការទូតវប្បធម៍ឆ្នាំ២០១៣ត្រូវបានលាតត្រដាងយ៉ាងខ្លាំងក្លា ផ្សាភ្ជាប់ជាមួយការងារការទូតនយោបាយនិងការទូតសេដ្ឋកិច្ច ដើម្បីមិត្តភក្តិ
អន្តរជាតិយល់ច្បាស់អំពីប្រទេសវៀតណាម។ ការងារការទូតវប្បធម៍ក៏បានជួយ
យ៉ាងឧបត្ថម្ភសកម្មស្ថាប័នដំណាងវៀតណាមនៅឯបរទេសរៀបចំសកម្មភាព
ផ្សព្វផ្សាយរូបភាពវៀតណាមទៅដល់ពិភពលោក។
តំលៃវប្បធម៍វៀតណាមត្រូវបានលើកដម្កើង
រួមជាមួយបណ្ដាសំណុំឯកសារបេតិកភ័ណ្ឌរបស់វៀតណាមដូចជាបរមរាជ
វាំង Thang Long កំពែងរាជកាល Ho ចម្រៀង Xoan ជំនឿធ្វើសក្ការៈបូជាស្ដេច Hung
ត្រូវបាន UNESCO ទទួលស្គាល់ជាបេតិកភ័ណ្ឌវប្បធម៍រូបីយ៍និងអរូបីយ៍ពីបណ្ដាឆ្នាំ
មុន។ ក្នុងឆ្នាំ២០១៣ UNESCO បានបញ្ចូលសិល្បៈ Don ca tai tu ណាមបូបន្តក្នុង
បញ្ជីរាយនាមបេតិកភ័ណ្ឌវប្បធម៍អរូបីយ៍របស់មនុស្សលោក។ លោក Duong Van
Quang ឯកអគ្គរដ្ឋទូតវៀតណាមប្រចាំនៅ UNESCO បានអះអាងថា៖
“ជាមួយរាល់បេតិកភ័ណ្ឌដែលត្រូវបានទទួលស្គាល់ដូច្នេះ នោះជាជោគជ័យ
របស់ការងារការទូតវៀតណាមនិយាយរួម និងការងារការទូតវប្បធម៍និយាយដោយ
ឡែក។ ដើម្បីទទួលបានប្រការនោះគឺដោយសារយើងមានគោលមាគ៌ាកិច្ចការ
បរទេសដ៏ត្រឹមត្រូវ គោលមាគ៌ាធ្វើសមាហរណកម្មទាន់ពេលវេលា ក្នុងនោះមានសមាហរណកម្មខាងវប្បធម៍។ យើងទទួលបានជោគជ័យក្នុងបញ្ហាអភិរក្សស្ដា
បេតិកភ័ណ្ឌក៏ដូចជាក្នុងការធ្វើអាជីវកម្មបេតិកភ័ណ្ឌបំរើការអភិវឌ្ឍន៍ចីរភាពនៃ
ប្រទេសជាតិ។”
រឹតបន្តឹងចំណងសាមគ្គីភាពមិត្តភាព
ឆ្នាំ២០១៣ក៏ជាឆ្នាំដែលវៀតណាមរៀបចំសកម្មភាពរំលឹកខួបលើកទី៤០នៃទិវាបង្កើតទំនាក់ទំនងជាមួយប្រទេសជាច្រើន។ តាមរយៈបណ្ដាសកម្មភាព
ផ្លាស់ប្តូរទំនាក់ទំនងវប្បធម៍សិល្បៈ សប្ដាហ៍វប្បធម៍វៀតណាមនៅប្រទេសជប៉ុនហូឡង់បារាំងប្រជាជននៅប្រទេសសមីបានយល់ជាងអំពីប្រវត្តិសាស្ត្រវប្បធម៍
របស់វៀតណាមដើម្បីពីនោះបើកចេញកិច្ចសហប្រតិបត្តិការស៊ីជម្រៅក្នុងវិស័យ
ជាច្រើន។ ស្ដីពីប្រការនេះ ឯកអគ្គរដ្ឋទូតវៀតណាមប្រចាំនៅជប៉ុនលោក Doan
Xuan Hung បានចាត់ទុកថា ឆ្នាំមិត្តភាពវៀតណាម-ជប៉ុនបាននាំមកនូវលទ្ធផល
ហួសពីការស្មានទុក៖
“យើងមានឆ្នាំមួយដ៏ជោគជ័យ។ ប្រជាជនជប៉ុននិងវៀតណាមបានយល់គ្នាជាង។ លើឋានៈជាឯកអគ្គរដ្ឋទូតវៀតណាមប្រចាំនៅជប៉ុន ខ្ញុំបានឃើញទំនុកទុកចិត្តបានកើនឡើងជាច្រើនរវាងប្រជាជននិងថ្នាក់ដឹកនាំនៃប្រទេសទាំងពីរ។ ខ្ញុំចាត់ទុកថា នេះជាកត្តាដ៏សែនសំខាន់ក្នុងការពង្រឹងទំនាក់ទំនងដៃគូយុទ្ធសាស្ត្រវៀតណាម-ជប៉ុន។”
សមាហរណកម្មនៃវប្បធម៍វៀតណាម
អាចអះអាងថា ឆ្នាំ២០១៣ជាឆ្នាំដែលការងារការទូតវប្បធម៍ត្រូវបានលាតត្រដាង
យ៉ាងខ្លាំងក្លាតាមស្មារតីនៃឯកសារមហាសន្និបាតបក្សកុម្មុយនីស្តវៀតណាមលើកទី ១១និងយុទ្ធសាស្ត្រនៃការងារការទូតវប្បធម៍ដល់ឆ្នាំ២០២០ដែលត្រូវបានរដ្ឋាភិបាល
អនុម័ត។ នោះគឺកសាងការយល់ដឹងរួមអំពីសមាហរណកម្មវប្បធម៍ផ្សាភ្ជាប់ការទូត
វប្បធម៍ជាមួយការទូតនយោបាយនិងការទូតសេដ្ឋកិច្ច សកម្មឧទ្ទេសនាមដើម្បីមិត្ត
ភក្តិអន្តរជាតិយល់ច្បាស់អំពីវៀតណាមឆ្លៀតកម្មវិធីការផ្ដើមគំនិតរបស់ UNESCO
ដើម្បីបំរើកិច្ចការអភិវឌ្ឍន៍អភិវឌ្ឍន៍សេដ្ឋកិច្ច-សង្គមនៃប្រទេសជាតិនិងលើកកំពស់
តួនាទីរបស់វៀតណាម។ នេះជាទិសដៅរួមលើគ្រប់វិស័យបង្ហាញភាពម្ចាស់ការសកម្មរបស់វៀតណាមក្នុងដំណើរការសមាហរណកម្មស៊ីជម្រៅវប្បធម៍ពិភពលោក។ ដោយ
សារភាពម្ចាស់ការសកម្មសមាហរណកម្មនោះដែលក្នុងឆ្នាំ២០១៣ ជាលើកដំបូង
វៀតណាមត្រូវបានជ្រើសតាំងជាសមាជិកគណៈកម្មាធិការបេតិកភ័ណ្ឌនៃអនុសញ្ញា
ឆ្នាំ១៩៧២របស់អង្គការសហប្រជាជាតិ។ នេះជាកត្តិយសដ៏ធំធេង បង្ហាញនូវទំនុក
ទុកចិត្តរបស់សហគមន៍អន្តរជាតិលៃទុកសំរាប់វៀតណាម។ អនុរដ្ឋមន្ត្រីការបរទេស
និងជាប្រធានគណៈកម្មាធិការ UNESCO វៀតណាមលោក Nguyen Thanh Son បាន
ចាត់ទុកថា៖
“ខ្ញុំគិតថា មុនបង្អស់គឺតួនាទីរបស់យើង។ យើងបានរួមយោបល់ជាក់ស្ដែងជា
ច្រើនឲ្យក្រុមប្រឹក្សាប្រតិបត្តិស្ថាប័នគ្រប់គ្រងរបស់ UNESCO។ វៀតណាមជានិច្ច
កាលមានការផ្ដើមគំនិតជំរុញសាមគ្គីភាពរបស់សមាជិក UNESCO។ ដោយហេតុ
នេះ កូនសោនាំនាំមកជោគជ័យជាលទ្ធភាពរួមវិភាគទានរបស់វៀតណាមទៅក្នុង
UNESCO ដែលត្រូវបានមិត្តភក្តិអន្តរជាតិកត់សម្គាល់ យើងជាប្រទេសមួយក្នុងចំណោមប្រទេសមានបេតិកភ័ណ្ឌជាច្រើនត្រូវបានទទួលស្គាល់នៅដំបន់អាស៊ី-
អាគ្នេយ៍។”
ក្នុងប្រវត្តិសាស្ត្រការទូតវៀតណាម ការទូតវប្បធម៍ត្រូវបានអនុវត្តដ៏ជោគជ័យជាច្រើនលើកដើម្បីដោះស្រាយជំលោះនិងកសាងទំនាក់ទំនងមិត្តភាពយុរអង្វែង
ជាមួយប្រទេសនានា។ ដោយហេតុនេះ កសាងយុទ្ធសាស្ត្រយូរអង្វែងសំរាប់ការទូតវប្បធម៍បង្កើនបន្ថែមប្រភពកំលាំងសំរាប់តួនាទីរបស់វៀតណាមលើឆាកអន្តរជាតិ
បន្តជាការកំណត់ទិសដៅអាទិភាពសំរាប់កិច្ចការការទូតវៀតណាមឆ្នាំ២០១៤៕