 |
| ប្រធានាធិបតីវ៉េណេហ្ស៊ុអេឡាលោក Nicolas Maduro (PressTV) |
Vovworld-ការធ្វើបាតុកម្មនានាដោយទ្រង់ទ្រាយធំបំផុតបន្ទាប់ពីរលកបាតុកម្មប្រឆាំងលទ្ធផលការបោះឆ្នោតប្រធានាធិបតីនាឆ្នាំ២០១១មក អូសបន្លាយក្នុងរយៈពេលជិត១ខែកន្លងទៅលើគ្រប់វិថីរដ្ឋធានី Caracas និងទីក្រុងធំៗនៅ
វ៉េណេហ្ស៊ុអេឡា។ គួរឲ្យព្រួយបារម្មណ៍នោះគឺលេចឡើងនូវបាតុកម្មដោយមាន
ការចូលរួមរបស់កំលាំងនិស្សិត ដែលមិនធ្លាប់មាននៅប្រទេសអាមេរិកខាងត្បូង
នេះ។ គ្រោះថ្នាក់នោះគឺការធ្វើបាតុកម្មនានាបានក្លាយទៅជាអំពើហឹង្សាបង្ហូឈាម។
និន្នាការអស្ថិរភាពដោយសារវិបត្តិមកពីការលំបាកខាងសេដ្ឋកិច្ច
មូលហេតុនៃការធ្វើបាតុកម្មនានានេះបានចាប់ផ្ដើមពីការធ្លាក់ចុះនៃខឿន
សេដ្ឋកិច្ចវ៉េណេហ្ស៊ុអេឡា។ ប្រទេសនេះកំពុងពុះពារនឹងការលំបាកសេដ្ឋកិច្ចក្នុង ពេលដែលអតិផរណាកើនឡើងខ្ពស់ជាង៥៦%ក្នុងឆ្នាំ២០១៣ តំលៃប្រាក់ក្នុងប្រទេស
ធ្លាក់ចុះ ការផ្ទុកបំរុងរូបីយប័ណ្ណថយចុះ។ ទោះបីជាប្រទេសមួយក្នុងចំណោមប្រទេស មានបរិមាណប្រេងរ៉ែច្រើនបំផុតលើពិភពលោកក្តី ប៉ុន្តែដោយការខ្វះខាតការវិនិយោគ និងអាជីវកម្មផលិតកម្មដែលធ្វើឲ្យបរិមាណប្រេងនៃប្រទេសនេះបានថយចុះជាច្រើន
ក្នុង១ទស្សវត្សកន្លងមក។ វិស័យសេដ្ឋកិច្ចមុខព្រួញនេះមិនអាចបង្កើតបានប្រាក់ចំណូល គ្រប់គ្រាន់ដើម្បីទូទាត់កម្មវិធីឧបត្ថម្ភតំលៃរបស់រដ្ឋាភិបាលបានឡើយ។
ការសាកល្បងចំពោះប្រធានាធិបតី Nicolas Maduro
ក្រឡេកមើលឡើងវិញលើ១៤ឆ្នាំកាន់អំណាចរបស់អតីតប្រធានាធិបតី Hugo
Chavez អាចឃើញថា ប្រទេសវ៉េណេហ្ស៊ុអេឡាទទួលបានសមិទ្ធិដ៏ធំធេងកែលំអរ ជីវភាពរស់នៅរបស់ប្រជាជន។ អត្រាក្រីក្របានថយចុះត្រឹម៦%ក្នុងឆ្នាំ២០១២និងប្រទេសនេះបានមានចំណាត់ថ្នាក់ទី៧១ក្នុងចំណោមប្រទេសចំនួន១៨៧អំពីសន្ទស្សន៍អភិវឌ្ឍន៍មនុស្សលើពិភពលោក។ ដើម្បីទទួលបានសមិទ្ធិនេះ វ៉េណេហ្ស៊ុ
អេឡាត្រូវផ្អែកលើគោលនយោបាយប្រើប្រាស់ប្រាក់ចំណេញពីប្រេងរ៉ែដើម្បីលើក
ស្ទួយជីវភាពរស់នៅរបស់ប្រជាជន។ប៉ុន្តែក្នុងពេលដែលទិន្នផលប្រេងរ៉ែបានថយចុះ
វេណេហ្ស៊ូអេឡាត្រូវមានការកំណែទម្រង់សំដៅអភិវឌ្ឍន៍សេដ្ឋកិច្ចជំនួសឲ្យប្រភព
ថាមពលនេះ។
ប្តេជ្ញាការពារសមិទ្ធិផលនៃបដិវត្តន៍ Bolivar
ដោយមិនអើពើដល់ស្ថានភាពតានតឹងនាបច្ចុប្បន្ន មជ្ឈដ្ឋានអ្នកវិភាគដំបន់និងលោកខាងលិចសុទ្ធតែបានចាត់ទុកថា ទោះបីជាបានរៀបចំការធ្វើបាតុកម្មធំៗនានា
ក្នុងអំឡុង១ខែកន្លងមកក្តី ប៉ុន្តែភាគីប្រឆាំងនៅវ៉េណេហ្ស៊ុអេឡាពិបាកបង្កើតបាន
បដិវត្តន៍មួយ។ មូលហេតុសារវន្តគឺភាគីនេះមិនទាន់បង្កើតបានគ្រឹះស្ថានគាំទ្រដ៏ទូលំ
ទូលាយមួយក្នុងប្រជាជន។
ទោះបីជាមិនអាចរារាំងការធ្វើបាតុកម្មតាមច្បាប់កំណត់នោះក្តី ប៉ុន្តែប្រធានាធិបតី
Maduro អះអាងថាបដិវត្តន៍ Bolivar នៅតែឈានទៅមុខសូម្បីតែថ្នាក់ដឹកនាំភាគីប្រឆាំង
អំពាវនាវឲ្យប្រជាជនរាប់ពាន់នាក់បន្តធ្វើបាតុកម្មរហូតដល់ពេលណាលោកត្រូវ
លាលែងពីដំណែងក្តី។ រដ្ឋាភិបាលវ៉េណេហ្ស៊ុអេឡាក៏ប្តេជ្ញាដោះស្រាយម៉ឹងម៉ាត់
សកម្មភាពប្រើប្រាស់សិទ្ធិវបវេណីនិងសេរីភាពដើម្បីបង្កអុកឡុកបំផ្លិចបំផ្លាញទ្រព
សម្បត្តិសាធារណៈ។ ប្រធានាធិបតី Nicolas Maduro នៅតែស្នើររដ្ឋសភាបើកការ
ស៊ើបអង្កេតអំពីឧបាយកលផ្ដួលរំលំរដ្ឋអំណាច។ ទន្ទឹមនឹងវិធានការទប់ស្កាត់ស្ថាន
ភាពអំពើហឹង្សាឡើងជណ្ដើរនោះ រដ្ឋាភិបាលវ៉េណេហ្ស៊ុអេឡាបន្តលាតត្រដាង
អនុវត្តគោលនយោបាយថ្មីសំដៅទប់ទល់នឹងស្ថានភាពវិបត្តិសេដ្ឋកិច្ចក្នុងប្រទេស ដូចជាអាទិភាពធានាផលប្រយោជន៍សំរាប់អ្នកប្រើប្រាស់ ឆ្លើយតបនឹងតម្រូវការ
ស្បៀងអាហារថ្នាំសង្កូវសំរាប់ប្រជាជនក្នុងរយៈពេលខាងមុខ។
ស្ថានភាពសេដ្ឋកិច្ចជាក់ស្ដែងដែលប្រទេសប្រេងរ៉ែនេះកំពុងត្រូវប្រឈមមុខ រួមជាមួយការធ្វើបាតុកម្មដោយភាគីប្រឆាំងបំផុសបំផុលកំពុងជាការសាកល្បង
ចំពោះរដ្ឋអំណាចប្រធានាធិបតី Maduro បង្ខំឲ្យថ្នាក់ដឹកនាំនៃប្រទេសអាមេរិកខាង
ត្បូងនេះត្រូវមានវិធានការកំណែទម្រង់ខឿនសេដ្ឋកិច្ចក្នុងប្រទេសជាបន្ទាន់។ រុញ
ថយក្រោយរលកបាតុកម្ម បង្កើតបរិយាកាសនយោបាយស្ថិរភាព ស្ដាខឿនសេដ្ឋកិច្ច
មិនត្រឹមតែកសាងទំនុកទុកចិត្តសំរាប់ប្រជាជនប៉ុណ្ណោះទេ ថែមទាំងជាឱកាសដើម្បី
ប្រធានាធិបតី Maduro បន្តមាគ៌ាអនុវត្តគោលដៅ “ប្រជាធិបតេយ្យនិងវឌ្ឍន៍ភាព
សង្គម” ដែលលោក Hugo Chavez បានបន្សល់ទុកមក៕