ទ្វីបអឺរ៉ុបចំពោះមុខការសាកល្បងសន្តិសុខយ៉ាងធ្ងន់ធ្ងរពីរលកជនអន្តោប្រវេសន៍
ANH HUYEN -  
|
ទ្វីបអឺរ៉ុបចំពោះមុខការសាកល្បងសន្តិសុខយ៉ាងធ្ងន់ធ្ងរពីរលកជនអន្តោប្រវេសន៍ (AFP) |
Vovworld-បណ្ដាប្រទេសអឺរ៉ុបកំពុងឈឺក្បាលចំពោះបញ្ហាជនអន្តោប្រវេសន៍
ដើម្បីទប់ស្កាត់រាល់សោកនាដកម្មអាចកើតមានឡើងនៅសមុទ្រនិងលើវាលខ្សាច់
ក្នុងការធ្វើដំណើររបស់ប្រជាជននៃប្រទេសទ្វីបអាហ្វ្រីកមួយចំនួនមានបំណងស្វែង
រកជីវភាពរស់នៅល្អប្រសើរជាងនៅទ្វីបអឺរ៉ុប។ ទន្ទឹមនឹងការព្រួយបារម្ភអំពីអំរែក
សេដ្ឋកិច្ចសង្គមនោះ រលកជនអន្តោប្រវេសន៍បានដាក់ទ្វីបអឺរ៉ុបក្នុងការព្រួយបារម្ភ
អំពីសន្តិសុខខណៈដែលកំលាំងរដ្ឋឥស្លាមស្វ័យប្រកាស (IS) ឆ្លៀតពេលចូលដំបន់។
ភេរវករក្រោមសំបក់ជនអន្តោប្រវេសន៍
តាមបណ្ដាប្រភពព័ត៌មានចារកម្មអន្តជាតិថា បណ្ដាទាហាននៃអង្គការរដ្ឋឥស្លាម
ស្វ័យប្រកាស (IS) នាពេលកន្លងទៅបានចូលលាយឡំក្នុងចរន្តជនអន្តោប្រវេសន៍
ចូលទ្វីបអឺរ៉ុប។ ប្រហែលជាមានទាហានចំនួន៤ពាន់នាក់បានមានវត្តមាននៅបណ្ដា
ប្រទេសសមាជិក EU។ គោលដៅរបស់ IS គឺវាយប្រហារភេរវកម្មនិងបង្កើតព្រះ
រាជាណាចក្រឥស្លាមលើទូទាំងពិភពលោក។
នាបច្ចុប្បន្ន IS កំពុងទន្ទ្រានកាន់កាប់ដំបន់ធំទូលាយរបស់អ៊ីរ៉ាក់និងស៊ីរី បើក
ទូលាយសកម្មភាពទៅលីប៉ីខណៈដែលបណ្ដាក្រុមប្រឆាំងនៅប្រទេសនេះកំពុង
ដណ្ដើមសិទ្ធិអំណាច។ វិបត្តិជនអន្តោប្រវេសន៍នៅទ្វីបអឺរ៉ុបជាឱកាសមាសដើម្បី IS
ឆ្លៀតចូល EU។ ក្នុងប៉ុន្មានថ្ងៃកន្លងទៅ ជនអន្តោប្រវេសន៍រាប់ពាន់នាក់បានហូរពី
ព្រំដែន Serbia ទៅហុងគ្រីហើយទៅអាល្លឺម៉ង់អូស្ទ្រីសហ្វែងឡង់។ ក្នុងនោះមានជន
ជ្រុលនិយមជាច្រើនបានបំផុសបាតុកម្មដង្ហែក្បួនប្រឆាំងនឹងរដ្ឋអំណាចសាមី។នៅ
ហុងគ្រី ប៉ូលីសត្រូវហ៊ុំព័ទ្ធកំណាត់ផ្លូវហាយវ៉ែជាប់នឹង Serbia ដោយសារចរន្តជន
អន្តោប្រវេសន៍បានឆ្លងរបងដើម្បីហូរទៅផ្លូវចូលរដ្ឋធានី។ ជំលោះរវាងប៉ូលីសនិង
ជនអន្តោប្រវេសន៍ក៏កើតមានឡើងដែរ។ ក្នុងចរន្តជនអន្តោប្រវេសន៍នោះ ប៉ូលីស
ទ្វីបអឺរ៉ុបពិបាកអាចបែងចែកអ្នកណាជា IS អ្នកណាជាជនអន្តោប្រវេសន៍ធម្មតា។
ការដែល IS ចូលមកដែនដីទ្វីបអឺរ៉ុបអាចជាការចាប់ផ្ដើមឲ្យសកម្មភាពសងសឹកការ
វាយប្រហារតាមជើងអាកាសដែលអាមេរិកនិងសម្ព័ន្ធមិត្តយោធាទ្វីបអឺរ៉ុបតម្រង់ទៅ
លើ IS នៅមជ្ឈឹមបូព៌ា។
ទ្វីបអឺរ៉ុបបែកបាក់ដោយបញ្ហាអន្តោប្រវេសន៍
គ្រោះអាសន្នទាហាន IS ចូលលាយឡំក្នុងរលកជនអន្តោប្រវេសន៍បានធ្វើឲ្យ
ប្រទេសទ្វីបអឺរ៉ុបជាច្រើនរឹតបន្តឹងបែបបទទទួលជនអន្តោប្រវេសន៍។ បណ្ដាប្រទេស
EU មិនរកឃើញសម្លេងរួមក្នុងបញ្ហានេះ។ ការខ្វែងគំនិតអំពីបញ្ហាអន្តោប្រវេសន៍និង
ចំណាក់ស្រុកកាន់តែតានតឹងពីមួយថ្ងៃទៅមួយថ្ងៃនៅ EU ពិសេសគឺប្រទេសកន្លែង
មកជាមួយនឹងប្រទេសច្រកទ្វារ។
នាថ្ងៃទី៩កញ្ញាគណៈកម្មាធិការអឺរ៉ុបបានប្រកាសផែនការបែងចែកជន
អន្តោប្រវេសន៍ចំនួន១សែន២ម៉ឺននាក់នៅប្រទេសសមាជិក EU នានា តាមកំរិតចាប់
បង្ខំ។ ជាក់ស្ដែងគឺអាល្លឺម៉ង់ទទួល៣១ពាន់នាក់ បារាំង២៤ពាន់នាក់និងអេស្បាញជិត
១៥ពាន់នាក់។ ខណៈពេលនោះប្រទេសអឺរ៉ុបជាច្រើនប្រឆាំងជំទាស់ដោយចាត់ទុកថា
មិនគួរមានកំរិតអំពីជនអន្តោប្រវេសន៍ទេត្រឹមតែទទួលជនអន្តោប្រវេសន៍លើមូលដ្ឋាន
ស្ម័គ្រចិត្តតែប៉ុណ្ណោះ។ សាធារណៈរដ្ឋឆែកប្តេជ្ញាមិនគាំទ្រផែនការបែកចែកកំរិតចាប់
បង្ខំនេះឡើយ។ ហុងគ្រីបានរិះគន់អាល្លឺម៉ង់លើកទឹកចិត្តចរន្តជនអន្តោប្រវេសន៍ហូរ
មកទ្វីបអឺរ៉ុប ទន្ទឹមនឹងនោះរឹតបន្តឹងការត្រួតពិនិត្យព្រំដែនជាដើម។
ខណៈដែលបណ្ដាប្រទេសសមាជិក EU កំពុងខ្វែងគំនិតអំពីកំរិតទទួលជន
អន្តោប្រវេសន៍នោះ ចរន្តជនអន្តោប្រវេសន៍នៅតែហូរមកទ្វីបអឺរ៉ុប ក្នុងនោះមានទាំង
ទាហាន IS ទៀតផង។ ការដែលកំលាំង IS មានវត្តមាននៅទូទាំងទ្វីបអឺរ៉ុបគឺជាគ្រាប់
បែកផ្ទុះយឺតដែលគំរាមកំហែងសន្តិសុខនៃដំបន់ទាំងមូល៕
ANH HUYEN