(VOV)_ការបញ្ចុះតំលៃប្រាក់យ័ន ក្នុងរយៈពេល៣ថ្ងៃជាបន្តបន្ទាប់ ដោយមាន
កំរិតខ្ពស់បំផុត ចាប់ពីពេលចិនបង្កើតប្រព័ន្ធអត្រាប្តូរប្រាក់ទំនើបនាឆ្នាំ១៩៩៤មក។
ទង្វើនេះត្រូវបានចាត់ទុកជាការរំជើបរំជួលមួយ នៅក្នុងទីផ្សារហិរញ្ញវត្ថុតំបន់ និងពិ
ភពលោក។ ហេតុអ្វី បានជាចិនបានបញ្ចុះតំលៃប្រាក់យ័ន ហើយប្រការនេះនឹងនាំ
មកនូវផលប្រយោជន៍ និងផលវិបាកអ្វី ចំពោះប្រទេសនេះ?
|
ប្រការអ្វីនៅខាងក្រោយការបញ្ចុះតម្លៃប្រាក់យ័ន |
ជាធម្មតា អត្រាប្តូរប្រាក់ត្រូវស្ថិរភាព ដើម្បីពង្រឹងទំនុកទុកចិត្តរបស់វិនិយោគិន
បរទេសនានា និងបរិយាកាសវិនិយោគ កាត់បន្ថយហានិភ័យសំរាប់អង្គភាពអាជីវ
កម្មនាំចេញ នាំចូល និងជួយប្រជាជនបង្កើនទំនុកទុកចិត្តទៅលើប្រាក់ក្នុងប្រទេស
និងស្ថិរភាពម៉ាក្រូសេដ្ឋកិច្ច។ ប៉ុន្តែ ដើម្បីបំពេញនឹងបំរ៉ែបំរួលនៃទីផ្សារ ចិនបាន
បញ្ចុះតំលៃប្រាក់យ័ន នៅកំរិតខ្ពស់បំផុត ក្នុងរយៈពេល២០ឆ្នាំកន្លងទៅ។ ក្នុងរយៈ
ពេល៣ថ្ងៃចុងសប្ដាហ៍កន្លងទៅ ប្រាក់យ័នបានធ្លាក់តំលៃចំនួន៤,៦%។ ទីផ្សារ
ហិរញ្ញវត្ថុលើទូទាំងពិភពលោក បានភ្ញាក់ផ្អើលដោយបណ្ដាពាក្យចចាអារាមអំពី
ការសង្គ្រាមមួយអំពីប្រាក់បានកើតមានឡើង។
ជំនះពុះពារលើការថយចុះរបស់ខឿនសេដ្ឋកិច្ចនិងជំរុញខ្លាំងការនាំចេញ
ក្នុងប្រវត្តិសាស្ត្ររូបីយប័ណ្ណពិភពលោក កំណើនខឿនសេដ្ឋកិច្ចយឹតយាវ និង
ធ្លាក់ថ្លៃ បណ្ដាលអោយប្រទេសមួយចំនួនត្រូវកែតំលៃប្រាក់ ហើយក្នុងករណីនេះ
ចិនក៏មិនស្ថិតនៅខាងក្រៅនិន្នាការនេះទេ។ តាមការស្ថិរតិ ខឿនសេដ្ឋកិច្ចរបស់
ប្រទេសធំទី២ លើពិភពលោក កំពុងមានកំណើនយឹតបំផុត ក្នុងរយពេល៦ឆ្នាំ
កន្លងទៅ ដូចជា៖ ការនាំចេញរបស់ចិនក្នុងខែកក្កដាបានថយចុះ៨,៣% បើ
ប្រៀបនឹងរយពេលដូចគ្នា នាឆ្នាំទៅមិញ សកម្មភាពផលិតកម្មទាបជាងការ
ព្យាករណ៍។ ដូច្នេះ អ្នកជំនាញការជាច្រើនបានចាត់ទុកថា៖ ដើម្បីជួយឧបត្ថម្ភ
អ្នកនាំចេញក្នុងប្រទេស បង្កើនការប្រកួតប្រជែងរបស់ទំនិញ ចិនត្រូវជ្រើសរើស
ដំណាក់កាលនេះដើម្បីបញ្ចុះតំលៃប្រាក់យ័ន។ ប៉ុន្តែ អ្នកវិភាគជាច្រើនបានចាត់
ទុកថា៖ រួមជាមួយការជួយឧបត្ថម្ភផ្នែកនាំចេញនេះ ការបញ្ចុំតំលៃប្រាក់យ័ននេះ
នៅជួយឧបត្ថម្ភប៉េកាំងមានបន្ថែមគុណប្រយោជន៍ក្នុងការប្រកួតប្រជែងទៀត
ផង។ ក្នុងស្ថានភាពជាក់ស្ដែង ទីផ្សាររូបីយប័ណ្ណពិភពលោកត្រូវរងឥទ្ធិពលមិន
តូចតាច។ តំលៃប្រាក់នៃប្រទេសក្នុងតំបន់ ដូចជា អូស្ត្រាលី កូរ៉េខាងត្បូង ឥណ្ឌា
និងសិង្ហបុរី ក៏ត្រូវបញ្ចុះតំលៃប្រមាណ១%ដែរ។
ការខំប្រឹងប្រែងសាកលភាវូបនីយកម្មប្រាក់យ័ន
គោលដៅនៃការបញ្ចុះតំលៃប្រាក់យ័នគឺជួយឧបត្ថម្ភកំណើនគឺច្បាស់លាស់
ណាស់ហើយ។ ប៉ុន្តែ ទង្វើនេះនៅមានគោលដៅមួយទៀតគឺសាកលភាវូបនីយ
កម្មប្រាក់យ័នទៀតផង។ ពីយូណាស់មកហើយ ចិនជានិច្ចកាលស្វែងរកវិធានការ
នាំប្រាក់យ័នបញ្ជូលក្នុងក្រុមប្រាក់មានសិទ្ធិដកទុនពិសេស ( SDR) និងជាប្រាក់
បំរុងអន្តរជាតិ ស្មើនឹង ដុល្លារអាមេរិក ប្រាក់អឺរូ ប្រាក់ផោន និងប្រាក់យ៉េនជប៉ុន។
ប៉ុន្តែការបញ្ចុះតំលៃប្រាក់យ័នលើកនេះរបស់ចិន ត្រូវបានមជ្ឈដ្ឋានអ្នក
សង្កេតការណ៍ថា៖ជាទង្វើចេតនា ដើម្បីបញ្ចាក់អំពីភាពសកម្មនៃយន្តការប្រាក់
ជាលក្ខណះមួយក្នុងចំណោមលក្ខណះ ដើម្បីចិនធ្វើសមាហរណកម្មស៊ីជំរៅ
ក្នុងទីផ្សារហិរញ្ញវត្ថុពិភពលោក។ ហើយឆ្នាំ២០១៥នេះ ក៏ជាពេលវេលាដែល
បាន IMF ពិនិត្យមើលឡើងវិញ អត្រាប្រាក់នៅក្នុង SDR ដែរ។
ផលវិបាកជាច្រើន
រួមជាមួយផលប្រយោជន៍ជាច្រើននាបច្ចុប្បន្ននេះ មជ្ឈដ្ឋានអ្នកវិភាគក៏បាន
ចាត់ទុកថា៖ ចិនក៏ត្រូវរងឥទ្ធិពលជាច្រើន ពីការបញ្ចុះតំលៃប្រាក់យ័នលើកនេះ
ដែរ។ នោះគឺការថយចុះពីចរន្តទុនផ្សេងៗ។ តាមការប៉ាន់ស្មានថា៖ អត្រាប្រាក់
យ័នថយចុះ១% ទុនចំនួន៤០ពាន់លានដុល្លារអាមេរិក នឹងបានថយចុះពីទីផ្សារ
ចិន។ ការបំរ៉ែបំរួលនេះ ជះឥទ្ធិពលជាច្រើន ចំពោះវិស័យបច្ចេកវិទ្យាព័ត៍មាន
អចលនវត្ថុ និងហិរញ្ញវត្ថុ។ ក្នុងរយៈពេលប៉ុន្មានឆ្នាំថ្មីៗនេះ ការប្រាក់លើពិភព
លោកទាប និងទីផ្សារឥណទានក្នុងប្រទេសត្រូវបានរឹតបន្តឹង បណ្ដាលអោយ
ក្រុមហ៊ុនចិនជាច្រើន ត្រូវស្វែងរកខ្ទង់កម្ចីពីបរទេស។ តាមការប៉ាន់ស្មានថា
បណ្ដាក្រុមហ៊ុនចិនកំពុងខ្ចីប្រាក់ចំនួន៣៧០ពាន់លានដុល្លារអាមេរិក ហើយ
ប្រាក់យ័នត្រូវបញ្ចុំនេះនឹងបណ្ដាលអោយបរិមាណបំណុលនេះកើនឡើង។
យល់ដឹងច្បាស់អំពីផលវិបាកនេះ ចិនបានបង្កើនតំលៃប្រាក់យ័ននេះឡើង
បានបន្តិច។ ប៉ុន្តែ បណ្ដាអ្នកវិភាគនៅចាត់ទុកថា៖ កាយវិការនេះរបស់ចិនគឺជា
ទង្វើចេតនា ដើម្បីជំរុញខឿនសេដ្ឋកិច្ច រក្សាកំណើន និងការងារធ្វើផង ព្រមទាំង
លើកកំពស់តួនាទីសំរាប់ប្រាក់យ័ន ជួយប្រទេសនេះអនុវត្តគោលដៅការទូត
ពង្រឹងតួនាទីសំខាន់របស់គេនៅក្នុងខឿនសេដ្ឋកិច្ចសកលទៀតផង៕