(VOV)_ក្នុងរយៈពេល៧០ឆ្នាំកសាងនិងអភិវឌ្ឍន៍ រដ្ឋសភាវៀតណាមបាន
​សម្រេចភារកិច្ចនីតិបញ្ញាត្តិប្រកបដោយភាពល្អប្រសើរ បង្កើតគ្រឹះដ្ឋាននយោបាយ 
គតិយុត្តិសំខាន់ បំរើបុព្វហេតុកសាងនីតិរដ្ឋ សង្គមនិយមវៀតណាម របស់ប្រជាជន
 ដោយប្រជាជន និងដើម្បីប្រជាជន។ លទ្ធផលនៃការងារនីតិបញ្ញាត្តិរបស់រដ្ឋសភា
 ក៏រួម​ចំណែកសំខាន់ ក្នុងបុព្វហេតុអភិវឌ្ឍន៍ប្រទេសជាតិ និងធ្វើសមាហរណកម្ម
អន្តរជាតិផងដែរ។

រដ្ឋសភាវៀតណាមសុក្រិតប្រព័ន្ធច្បាប់តាមស្មារតីរដ្ឋធម្មនុញ្ញ

នីតិបញ្ញាត្តិជាភារកិច្ចមួយក្នុងចំណោមភារកិច្ចសំខាន់ចំនួន៣របស់រដ្ឋសភាវៀត
ណាម រួមជាមួយការឃ្លាំមើល និងសម្រេចទៅលើបញ្ហាសំខាន់នានារបស់​ប្រទេស
ជាតិ។ រដ្ឋសភាក្នុងនាទីជាស្ថាប័នប្រតិបត្តិនីតិបញ្ញាត្តិ មានភារកិច្ចកសាង ចេញ
ផ្សាយរដ្ឋធម្មនុញ្ញ និងប្រែក្លាយបទបញ្ញាត្តិនានាក្នុងរដ្ឋធម្មនុញ្ញ ទៅជាបណ្ដាច្បាប់
 បំពេញគ្រប់តម្រូវការក្នុងបុព្វហេតុកសាងនីតិរដ្ឋ ពង្រីកប្រជាធិបតេយ្យ ​គោរព 
ធានាសិទ្ធិមនុស្ស សិទ្ធិប្រជាពលរដ្ឋ កែទម្រង់បែបបទសេដ្ឋកិច្ចទីផ្សារ និងធ្វើ
សមាហរណកម្ម។

          បរិមាណឯកសារច្បាប់ត្រូវបានចេញផ្សាយគួរអោយកត់សម្គាល់

        ក្នុងរយៈពេល៧០ឆ្នាំកន្លងទៅ រដ្ឋសភាបានអនុវត្តល្អ ​ភារកិច្ចកសាងរដ្ឋ​ធម្ម
នុញ្ញ ​និងកសាងច្បាប់ ។ ចាប់ពីរដ្ឋសភា នីតិកាលទី១មក រដ្ឋសភាបានចេញ​ផ្សាយ
រដ្ឋធម្មនុញ្ញចំនួន៥ ក្រមច្បាប់និងច្បាប់ចំនួន៣៨៧ សេចក្ដីសម្រេចចំនួន​ជិត៦៣០
 និងអនុក្រមចំនួន២២០។ អនុប្រធានរដ្ឋសភាវៀតណាម លោក Uong Chu Luu
បានវាយតំលៃថា៖ 

          “ នេះគឺជាតួរលេខគួរអោយកត់សម្គាល់ ជាមូលដ្ឋាននយោបាយ គតិយុត្ត
សំ​ខាន់ បង្ហាញនូវបញ្ញា ឆ័ន្ទះ និងស្មារតីទទួលខុសត្រូវយ៉ាងខ្ពស់ របស់បណ្ដាអ្នក
​នីតិបញ្ញាត្តិ បង្ហាញនូវឆ័ន្ទះ គោលបំណងប្រាថ្នារបស់ប្រជាជន ក្នុងការកសាង ​
និងសុក្រិតប្រព័ន្ធច្បាប់ ដើម្បីការអភិវឌ្ឍន៍ប្រជាធិបតេយ្យ សាធារណះរដ្ឋ សង្គម
និយម បំរើបុព្វហេតុកសាងនីតិរដ្ឋវៀតណាម សង្គមនិយម បុព្វហេតុកសាង ការ
ពារ អភិវឌ្ឍន៍ប្រទេសជាតិ និងធ្វើសមាហរណកម្ម។”

          កសាងប្រព័ន្ធច្បាប់តាមជំរៅ

        ទន្ទឹមនឹងការផ្លាស់ប្តូរថ្មី ដើម្បីបង្កើនបរិមាណច្បាប់ត្រូវបានអនុម័តក្នុង​សម័យ
ប្រជុំនិមួយៗ ក្នុងដំណើការកសាងនិងអភិវឌ្ឍន៍ រដ្ឋសភាវៀតណាមបាន​ខំប្រឹងប្រែង
ដោយឥតឈប់ឈរ ដើម្បីលើកកំពស់គុណភាពការកសាងច្បាប់។​ អតីត អនុប្រ
ធានខុទ្ទកាល័យរដ្ឋសភាវៀតណាម សាស្ត្រាចារ្យ បណ្ឌិត Tran Ngoc Duong បាន
ចាត់ទុកថា៖

          “ស្ដីអំពីគុណភាព គឺត្រូវបានលើកកំពស់ជាច្រើន ពិសេសគឺច្បាប់នេះ​បង្ហាញ​
បានស្ថានភាពជាក់ស្ដែងក្នុងជីវភាពរស់នៅ សមស្របជាមួយស្ថានភាពជាក់ស្ដែង
របស់ប្រទេសជាតិ មានការជ្រើសរើសគ្រប់តំលៃមានការរីកចំរើនរបស់មនុស្ស
លោក។ ដូច្នេះ អាចអះអាងបានថា៖ បណ្ដាច្បាប់ដែលបានបង្ហាញនេះបំពេញ​
បានការទាមទារទាំងឡាយ ក្នុងជីវភាពរស់នៅ។”

          ពិសេស នាពេលថ្មីៗនេះ ដោយមានការចេញផ្សាយរដ្ឋធម្មនុញ្ញ ឆ្នាំ ២០១៣
 ការងារកសាងច្បាប់ បានបើកចេញទំព័រថ្មី ដោយបានបង្កើតគ្រឹះដ្ឋានគតិយុត្តិ​សំ
ខាន់ៗ ក្នុងការកសាង  ពង្រឹងនិងពង្រីកនីតិរដ្ឋ របស់ប្រជាជន ដោយប្រជាជន និង
ដើម្បីប្រជាជន។ ហើយសកម្មភាពនេះបានគ្រប់ដណ្ដប់លើគ្រប់ជ្រុងជ្រោយ​ក្នុង
ជីវភាពរស់នៅ។ សាស្ត្រាចារ្យ បណ្ឌិត Le Minh Thong អនុប្រធានគណៈក​ម្មា​ធិ
ការច្បាប់របស់រដ្ឋសភា បានអះអាងថា៖         

          “ រដ្ឋសភាបានចេញផ្សាយច្បាប់ជាច្រើន ស្ដីអំពីការរៀបចំក្បាលម៉ាស៊ីនរដ្ឋ
​ដូចជា៖ ច្បាប់រៀបចំរដ្ឋសភា ច្បាប់រៀបចំរដ្ឋាភិបាល ច្បាប់រៀបចំតុលាការប្រជា
​ជនទាក់ទងដល់សិទ្ធិមនុស្ស សិទ្ធិរបស់ប្រជាពលរដ្ឋ ។ ក្រៅពីនោះ បណ្ដាច្បាប់
ក៏បានបន្តសុក្រិតបែបបទសេដ្ឋកិច្ចទីផ្សារ តាមទិសដៅសង្គមនិយម។”

          ការងារកសាងច្បាប់របស់រដ្ឋសភាវៀតណាមក្នុងរយៈពេល៧០ឆ្នាំកន្លង
ទៅ ទទួលបានសមិទ្ធិផលសំខាន់ជាច្រើន មិនគ្រាន់តែធ្វើអោយប្រព័ន្ធច្បាប់
គ្រប់គ្រាន់ជាងប៉ុណ្ណោះទេ ថែមទាំង រួមចំណែកសំខាន់ក្នុងបុព្វហេតុកសាង
នីតិរដ្ឋវៀតណាម សង្គមនិយម និងធ្វើសមាហរណកម្មទៀតផង៕