 |
| វៀតណាមសកម្មជំរុញកិច្ចសហប្រតិបត្តិការមេគង្គ-កូរ៉េខាងត្បូង (vietnamplus.vn) |
Vovworld-យន្តការសហប្រតិបត្តិការមេគង្គ-កូរ៉េខាងត្បូងត្រូវបានបង្កើតនា
ឆ្នាំ២០១១ តាមការផ្ដើមគំនិតរបស់កូរ៉េខាងត្បូងដោយមានការចូលរួមរបស់កម្ពុជាឡាវម៉ីយ៉ាន់ម៉ាថៃវៀតណាមនិងកូរ៉េខាងត្បូង។ តាំងពីសន្និសីទរដ្ឋមន្ត្រី
មេគង្គ-កូរ៉េខាងត្បូងលើកទី១ដែលបានរៀបចំឡើងនៅក្រុង Seoul នាឆ្នាំ២០១១
មកយន្តការសហប្រតិបត្តិការមេគង្គ-កូរ៉េខាងត្បូងបាននិងកំពុងបង្ហាញនូវប្រសិទ្ធ
ភាពកាន់តែខ្ពស់ពីមួយថ្ងៃទៅមួយថ្ងៃលើវិស័យនយោបាយនិងសេដ្ឋកិច្ច។
ពីសេចក្តីថ្លែងការណ៍ទន្លេ Han-gang ដល់ផែនការសកម្មភាពមេគង្គ-កូរ៉េខាងត្បូង
នាខែតុលាឆ្នាំ២០១១ សន្និសីទរដ្ឋមន្ត្រីមេគង្គ-កូរ៉េខាងត្បូងលើកទី១បានអនុម័តលើសេចក្តីថ្លែងការណ៍ទន្លេ Han-gang ស្ដីពីការបង្កើតទំនាក់ទំនងដៃគូលើគ្រប់វិស័យរវាងបណ្ដាប្រទេសមេគង្គ-កូរ៉េខាងត្បូងដើម្បីភាពសម្បូររុងរឿងរួម។ តាមនោះកំណត់វិស័យសហប្រតិបត្តិការអាទិភាពចំនួន៣រួមមានតភ្ជាប់អាស៊ាន អភិវឌ្ឍន៍ចីរភាពនិងអភិវឌ្ឍន៍ដើម្បីមនុស្ស។ ក៏នៅសន្និសីទលើកនេះ កូរ៉េខាងត្បូងបានសន្យាបង្កើនជាទ្វេដងជំនួយ ODA សំរាប់ប្រទេសអាស៊ានដល់ឆ្នាំ២០១៥ ក្នុងនោះភាគច្រើនលៃទុកឲ្យដំបន់ទន្លេមេគង្គ។
នាឆ្នាំ២០១២កូរ៉េខាងត្បូងបានសំរេចចិត្តបង្កើតមូលនិធិជំនួយសំដៅជួយឧបត្ថម្ភគំរោងការអភិវឌ្ឍន៍នៅប្រទេសអាស៊ី-អាក្នេយ៍ចំនួន៥។ នៅសន្និសីទថ្នាក់
រដ្ឋមន្ត្រីលើកនេះ នៅក្រុង Seoul កូរ៉េខាងត្បូង បណ្ដារដ្ឋមន្ត្រីនៃប្រទេសទាំង៦បាន
ឯកភាពអនុម័តលើផែនការសកម្មភាពសំរាប់៣ឆ្នាំខាងមុខសំដៅបើកទូលាយកិច្ច
សហប្រតិតបត្តិការក្នុងវិស័យជាច្រើនដូចជាហេដ្ឋានរចនាសម្ព័ន្ធអភិវឌ្ឍន៍បៃតង
និងបច្ចេកវិទ្យាព័ត៌មាន។ អនុរដ្ឋមន្ត្រីការបរទេសវៀតណាមលោក Bui Thanh Son
បានឲ្យដឹងថា៖
“ទីមួយគឺបង្កើនគំរោងការសហប្រតិបត្តិការតភ្ជាប់មហាអនុដំបន់ទន្លេមេគង្គ ជាពិសេសគឺតភ្ជាប់ហេដ្ឋានរចនាសម្ព័ន្ធគមនាគមន៍ ថាមពល សំដៅជំរុញការចងសម្ព័ន្ធនិងសមាហរណកម្មដំបន់សេដ្ឋកិច្ច។ ទី២គឺគំរោងការតភ្ជាប់ក្នុងខ្សែតំលៃរួមរបស់បណ្ដាប្រទេសមហាអនុដំបន់ទន្លេមេគង្គ។ ទី៣គឺអភិវឌ្ឍន៍ទំនាក់ទំនងដៃគូរដ្ឋ-ឯកជនសំដៅជំរុញអង្គភាពអាជីវកម្មចូលរួមក្នុងកិច្ចសហប្រតិបត្តិការមេគង្គ-កូរ៉េខាងត្បូងដ៏ទូលំទូលាយថែមទៀត។”
ដំណាក់កាលមាសសំរាប់ឱកាសសហប្រតិបត្តិការ
សក្ដានុភាពសហប្រតិបត្តិការរវាងកូរ៉េខាងត្បូងនិងប្រទេសមហាអនុដំបន់ទន្លេ
មេគង្គគឺធំធេងណាស់។ នោះគឺកំលាំងកម្មករវ័យក្មេងសម្បូរនិងល្បឿនអភិវឌ្ឍន៍ស្ថិរភាពនៅបណ្ដាប្រទេសទន្លេមេគង្គ ទន្ទឹមនឹងនោះមានចំណុចស្រដៀងគ្នាខាង
អំពីវប្បធម៍។ ប៉ុន្តែការដែលសមាគមបណ្ដាប្រជាជាតិអាស៊ី-អាគ្នេយ៍កំពុងឈាន
ទៅដល់ទីដៅបង្កើតសហគមន៍អាស៊ាននាឆ្នាំខាងមុខគឺជាកំលាំងចលករដ៏ធំធេង
ដើម្បីនាំកិច្ចសហប្រតិបត្តិការមេគង្គ-កូរ៉េខាងត្បូងអភិវឌ្ឍន៍យ៉ាងខ្លាំងក្លាថែមទៀត។ អាស៊ានមួយក្លាយទៅជាទីផ្សាររួម សហគមន៍សេដ្ឋកិច្ចរួមកំពុងបើកចេញនូវឱកាសដ៏ធំធេងសំរាប់ប្រទេសអាស៊ាននិយាយរួមនិងប្រទេសទន្លេមេគង្គនិយាយដោយ
ឡែកក៏ដូចជាវិនិយោគិននៅទ្វីបអាស៊ី ក្នុងនោះមានកូរ៉េខាងត្បូងផង។
វៀតណាមខំប្រឹងប្រែងជំរុញយន្តការសហប្រតិបត្តិការមេគង្គ-កូរ៉េខាងត្បូង
ជាប្រទេសមួយក្នុងចំណោមប្រទេសទទួលបានការវិនិយោគដ៏ធំបំផុតរបស់កូរ៉េខាង
ត្បូង វៀតណាមជានិច្ចកាលដើរតួនាទីសកម្មជំរុញកិច្ចសហប្រតិបត្តិការប្រកបដោយ
ប្រសិទ្ធភាពជាងរវាងមេគង្គនិងកូរ៉េខាងត្បូង។ លោក Dang Xuan Quang អនុប្រធាន
នាយកដ្ឋានវិនិយោគបរទេសក្រសួងផែនការនិងវិនិយោគវៀតណាមអះអាងថា៖
“កូរ៉េខាងត្បូងជានិច្ចកាលជាដៃគូមួយនាំមុខក្នុងការវិនិយោគចូលមកវៀតណាម។ វិនិយោគិនធុះៗជាច្រើនរបស់កូរ៉េខាងត្បូងបានវិនិយោគគំរោងការធំៗនៅវៀតណាម។ តាមរយៈនោះអាចឃើញការជឿជាក់របស់គេចំពោះបរិយាកាសវិនិយោគរបស់វៀត
ណាម។”
ក្នុងដំណើរការសមាហរណកម្មអន្តរជាតិយ៉ាងខ្លាំងក្លាតាំងពីពេលបានចូលរួម
ទំនាក់ទំនងដៃគូដើម្បីភាពសម្បូររុងរឿងរួមរវាងបណ្ដាប្រទេសមហាអនុដំបន់ទន្លេ
មេគង្គនិងកូរ៉េខាងត្បូង វៀតណាមបានមានការរួមវិភាគទានសកម្មទៅក្នុងទំនាក់
ទំនងសហប្រតិបត្តិការនេះ។ ឆ្នាំ២០១៤ជាឆ្នាំជួបប្រាស្រ័យមេគង្គ-កូរ៉េខាងត្បូងនិង
ក៏ជាឆ្នាំដំបូងបណ្ដាប្រទេសមេគង្គ-កូរ៉េខាងត្បូងកសាងនិងអនុវត្តកម្មវិធីសកម្មភាព
មេគង្គ-កូរ៉េខាងត្បូង។ វៀតណាមបន្តមានការរួមវិភាគទានជាក់ស្ដែងរួមចំណែក
លើកកំពស់ប្រសិទ្ធភាពយន្តការសហប្រតិបត្តិការមេគង្គ-កូរ៉េខាងត្បូងនាពេលខាង
មុខ៕