(VOVworld)-ឆ្នាំ២០១៧ ជាឆ្នាំដែលវៀតណាមនិងកូរ៉េខាងត្បូងរំលឹកខួបលើកទី២៥
 នៃទិវាបង្កើតទំនាក់ទំនងការទូត។​ ធ្វើការវាយតម្លៃអំពីលទ្ធផលសហប្រតិបត្តិការ
វៀតណាម-កូរ៉េខាងត្បូងនោះ អ្នកការទូតនៃប្រទេសទាំងពីរសុទ្ធតែអះអាងថា ឆ្លង
 កាត់អស់រយៈពេល១/៤នៃទសវត្ស ទំនាក់ទំនងរវាងវៀតណាមនិងកូរ៉េខាងត្បូង
មានការអភិវឌ្ឍន៍យ៉ាងខ្លាងក្លា ជាក់ស្តែងនិងលើគ្រប់វិស័យ។ ជាពិសេស លើវិស័យ
 សេដ្ឋកិច្ច ប្រទេសទាំងពីរទទួលបានលទ្ធផលគួរឲ្យកត់សម្គាល់ផងដែរ។

        វៀតណាមនិងកូរ៉េខាងត្បូងបង្កើតទំនាក់ទំនងការទូតនាថ្ងៃទី២២ធ្នូឆ្នាំ១៩៩២។
នាខែសីហាឆ្នាំ២០០១ ក្នុងឱកាស នៃដំណើរទស្សនកិច្ចនៅកូរ៉េខាងត្បូងរបស់ប្រ
ធានរដ្ឋវៀតណាម លោក Tran Duc Luong នោះ  ប្រទេសទាំងពីរបានចេញសេចក្តី
 ថ្លែងការណ៍រួម ស្តីពី “ទំនាក់ ទំនងដៃគូលើគ្រប់វិស័យក្នុងទសវត្សទី២១វៀតណាម
-កូរ៉េខាងត្បូង” ។ រីឯដល់ខែវិច្ឆិកាឆ្នាំ២០០៩ ទំនាក់ទំនងទេ្វភាគីត្រូវបានលើកកំពស់
 ឡើងជាទំនាក់ទំនងសហប្រតិបត្តិការយុទ្ធសាស្ត្រ ក្នុងដំណើរទស្សនកិច្ចនៅវៀត
ណាមរបស់ប្រធានាធិបតីកូរ៉េខាងត្បូង លោក Lee Myeong Bak ផងដែរ។

        តួរលេខគួរឲ្យកត់សម្គាល់

        ទំនាក់ទំនងសេដ្ឋកិច្ចរវាងវៀតណាមជាមួយកូរ៉េខាងត្បូងមានការអភិវឌ្ឍន៍
 យ៉ាងខ្លាំងក្លា។​ អស់រយៈពេល២៥ឆ្នាំបង្កើតទំនាក់ទំនងការទូតមក កូរ៉េខាងត្បូង
 បានក្លាយទៅជាវិនិយោគិនបរទេសធំបំផុតនៅវៀតណាមក្នុងចំណោមប្រទេសទាំង
 ១១២លើពិភពលោកដែលកំពុងមានការវិនិយោគនៅវៀតណាម។ ក្នុងចំណោម
 វិស័យទាំង១៩ដែលកូរ៉េខាងត្បូងជ្រើសរើសវិនិយោគនៅវៀតណាមគឺមានវិស័យ
ឧស្សាហកម្មកែច្នៃ ច្នៃប្រឌិត អចលនវត្ថុ និងសំណង់ជាដើម។ ឯអគ្គរដ្ឋទូតវៀត
ណាមប្រចាំនៅកូរ៉េខាងត្បូង លោក Pham Huu Chi បានឲ្យដឹងថា៖

        “ចាប់ពីឆ្នាំ១៩៩២មក ទំនាក់ទំនងសេដ្ឋកិច្ចទ្វេភាគីដូចជាមិនទាន់មានការ
វិវឌ្ឍន៍ខ្លាំងនៅឡើយ។  ប៉ុន្តែ ដល់ចុងឆ្នាំ២០១៦ ទំហំប្រាក់ពាណិជ្ជកម្មបានឡើង
ដល់ជាង៤២ពាន់លានដុល្លាអាមេរិក។​ហើយការវិនិយោគរបស់កូរ៉េខាងត្បូងចូល
 វៀតណាមគឺមានចំនួន៥០ពាន់លានដុល្លា។​នោះជាការអភិវឌ្ឍន៍យ៉ាងឆាប់រហ័ស”។

        បច្ចុប្បន្ន វៀតណាមក៏ជាប្រទេសទទួលបានជំនួយ ODA ធំបំផុតរបស់កូរ៉េខាង
ត្បូង។ គម្រោងការ ODA នានារបស់កូរ៉េខាងត្បូងគឺសុទ្ធតែស្ថិតក្នុងវិស័យអាទិភាព
ខ្ពស់របស់វៀតណាម។ ហើយភាគីទាំងពីរកំពុងពិភាគ្សាសម្រាប់ការចុះហត្ថលេខា
កិច្ចព្រមព្រៀងឥណទានក្របខ័ណ្ឌវៀតណាម-កូរ៉េខាងត្បូងដំណាក់កាល២០១៦-
២០២០ដែលតាមនោះកូរ៉េខាងត្បូងគ្រោងនឹងផ្តល់ទុន ODA ចំនួន ១,៥ពាន់លាន
ដុល្លាសម្រាប់វៀតណាម។ ឯកអគ្គរដ្ឋទូតកូរ៉េខាងត្បូងប្រចាំនៅវៀតណាម លោក
 Lee Hyuk បានវាយតម្លៃថា៖

        “កត្តាជួយឲ្យទំនាក់ទំនងនៃប្រទេសទាំងពីរមានការអភិវឌ្ឍន៍យ៉ាងខ្លាំងក្លានោះ
គឺដោយសារឥទ្ធិពលរបស់រចនាសម្ព័ន្ធសេដ្ឋកិច្ចឧបត្ថម្ភទៅវិញទៅមករវាងប្រទេស
 ទាំងពីរ។ ជាពិសេស មានសហគ្រាសកូរ៉េខាងត្បូងជាច្រើនដែលបណ្តាក់ទុននៅចិន
ក៏ផ្លាស់ប្តូរទិសដៅទៅវិនិយោគនៅវៀតណាមវិញ។ ការរួមបញ្ចូនឧត្តមភាពរបស់
ប្រទេសទាំងពីរនោះបានរួមចំណែកជម្រុញទំនាក់ទំនងសេដ្ឋកិច្ចទ្វេភាគី វៀតណាម
 កូរ៉េខាងត្បូងផងដែរ”។

        បច្ចុប្បន្ន ប្រទេសទាំងពីរនៅរក្សាដដែលរាល់យន្តការសហប្រតិបត្តិការទ្វេភាគី
ដូចជា គណៈកម្មាធិការអន្តររដ្ឋាភិបាលទទួលបន្ទុកកិច្ចសហប្រតិបត្តិការសេដ្ឋកិច្ច
 និងវិទ្យាសាស្ត្របច្ចេកវិទ្យាវៀតណាម-កូរ៉េខាងត្បូង និងគណៈកម្មាធិការចម្រុះថ្នាក់
រដ្ឋមន្ត្រីទទួលបន្ទុកវិស័យអគ្គិសនីនុយក្លេអ៊ែរ ថាមពលនិងឧស្សាហកម្មជាដើម។

        សញ្ញាវិជ្ជមាននៃទំនាក់ទំនងសេដ្ឋកិច្ចទ្វេភាគី

        អស់រយៈពេល២៥ឆ្នាំ រហូតមកដល់ពេលនេះ សម្ព័ន្ធក្រុមហ៊ុនបច្ចេកវិទ្យាជួរ
មុខរបស់កូរ៉េខាងត្បូងដូចជា Samsung, LG និង Hyosung កំពុងជម្រុញខ្លាំងការ វិនិ
យោគលើវិស័យបច្ចេកវិទ្យាខ្ពស់នៅវៀតណាម ដែលនោះក៏ជាប្រៀបខ្លាំងរបស់កូរ៉េ
ខាងត្បូងផងដែរ។  ពោលគឺ ឥឡូវនេះ ក្រុមហ៊ុន Samsung កំពុងមានរោងចក្រចំនួន
ពីរ​នៅខេត្ត Bac Ninh និងខេត្ត Thai Nguyen ភាគខាងជើងវៀតណាម​ដោយ ផលិត
ចេញទូរស័ព្ទជាង១៥០លានគ្រឿងក្នុងមួយឆ្នាំ។ លោក Lee Hyuk បានឲ្យដឹងថែម
ទៀតថា៖

        “សហគ្រាសជាច្រើនរបស់កូរ៉េខាងត្បូងបានវាយតម្លៃថា វៀតណាមជាទីផ្សារ
 មានបរិយាកាសវិនិយោគងាយស្រួលបំផុត ហើយការវិនិយោគរបស់កូរ៉េខាងត្បូង
នៅវៀតណាមនៅបន្តប្រព្រឹត្តទៅដែរ។ ខ្ញុំក៏បានស្នើឲ្យអង្គភាពអាជីវកម្មដែលធ្វើការ
 វិនិយោគនៅវៀតណាមនោះ មិនត្រឹមតែបង្កើតនូវចំណេញរបស់ខ្លូនប៉ុណ្ណោះទេ ថែម
ទាំងធ្វើអាជីវកម្មតាមទិសជួយវៀតណាមអភិវឌ្ឍន៍សេដ្ឋកិច្ចទៀតផង”។

        រយៈពេល២៥ឆ្នាំបង្កើតទំនាក់ទំនងការទូតជាសញ្ញាសំខាន់សម្រាប់ទាំងវៀត
ណាមនិងកូរ៉េខាងត្បូង។ ការដែលប្រទេសទាំងពីរលើកកំពស់ទំនាក់ទំនងឡើងដល់
ដៃគូសហប្រតិបត្តិការយុទ្ធសាស្ត្រ ហើយ កិច្ចព្រមព្រៀង FTA វៀតណាម​-កូរ៉េខាង
ត្បូងមានសុពលភាពនោះ កិច្ចសហប្រតិបត្តិការសេដ្ឋកិច្ច វៀតណាម-កូរ៉េខាងត្បូង
នាពេលខាងមុខនឹងទទួលបានផ្លែផ្កាគួរឲ្យកត់សម្គាល់​ រួមចំណែកពង្រឹងទំនាក់ទំនង
 ការទូតឡើងកំពស់ថ្មី៕