 |
| អស្ថិរភាពបានត្រឡប់មកវិញនៅប្រទេសថៃ (RT) |
Vovworld-មិនទាន់ដល់១ថ្ងៃក្រោយនឹងករណីផ្ទុះគ្រាប់បែកបង្ហូឈាមនៅវិហារ
Erawan ដែលធ្វើឲ្យមនុស្សយ៉ាងតិចបំផុត២២នាក់ត្រូវស្លាប់និង១២០នាក់ទៀតរង
របួស នាថ្ងៃទី១៨សីហារដ្ឋធានីបាងកក់ថៃបានរញ្ជួយឡើងវិញដោយករណីផ្ទុះ
គ្រាប់បែកមួយទៀតនៅកំពង់ផែ Sathorn។
នេះមិនមែនជាលើកដំបូងដែលប្រទេសថៃត្រូវផ្ទុះគ្រាប់បែកឡើយ។ ប៉ុន្តែ
អត្តចរិតនិងទ្រង់ទ្រាយនៃបណ្ដាករណីលើកនេះមានចំណុចខុសប្លែកទាំងស្រុង។
ជាច្បាស់ណាស់ថាការផ្ទុះគ្រាប់បែកនេះមានឧបាយកលនយោបាយបណ្ដាលការ
ភ័យខ្លាច់ក្នុងមហាជននិងជះឥទ្ធិពលអសកម្មទៅលើផ្នែកទេសចរណ៍ជាផ្នែកសេដ្ឋកិច្ច
មុខព្រួញរបស់ថៃ។
ជំលោះភាគីនានានៅតែបញ្ជាឆាកនយោបាយ
ជាង១ឆ្នាំកន្លងទៅគិតតាំងពីពេលរដ្ឋអំណាចយោធារបស់នាយករដ្ឋមន្ត្រី
Prayuth Chan-ocha ឡើងកាន់អំណាចនោះ ជារួមស្ថានភាពសន្តិសុខនយោបាយ
នៅថៃស្ថិរភាពជាបង្គួរ។ ប៉ុន្តែនាពេលកន្លងទៅបានលេចឡើងសញ្ញាអស្ថិរភាព
មួយចំនួន។
មុនបង្អស់គឺការបង្កើតនៃសេចក្តីព្រាងរដ្ឋធម្មនុញ្ញថ្មី ក្នុងនោះមានខ្លឹមសារខ្វែង
គំនិតជាច្រើន។ សេចក្តីព្រាងនេះទើបនឹងបានសំរេចនាពាក់កណ្ដាលខែមេសាឆ្នាំ
២០១៥និងកំពុងបានរដ្ឋអំណាចរបស់នាយករដ្ឋមន្ត្រី Chan-ocha ជំរុញដើម្បីបាន
អនុម័តយ៉ាងឆាប់រហ័ស។ នាសប្ដាហ៍កន្លងទៅអតីតនាយករដ្ឋមន្ត្រីថៃលោក
Thaksin Shinawatra ដែលកំពុងនិរទេសខ្លួននៅឯបរទេសបានផ្ញើរសេចក្តីអំពាវនាវ
ពហិការសេចក្តីព្រាងរដ្ឋធម្មនុញ្ញថ្មីជូនចំពោះអ្នកគាំទ្រលោកតាមរយៈបណ្ដាញ
សង្គម។ តាមផែនការនាខែកញ្ញាឆ្នាំ២០១៥ ក្រុមប្រឹក្សាកំណែទម្រង់ជាតិថៃនឹងបោះ
ឆ្នោតអនុម័តលើសេចក្តីព្រាងរដ្ឋធម្មនុញ្ញនេះនិងប្រសិនបើបានអនុម័តនោះ ឯកសារ
នេះនឹងបាននាំចេញស្ទង់មតិប្រជាជននាខែមករាឆ្នាំ២០១៦។
ជាក់ស្ដែងគឺនាយករដ្ឋមន្ត្រីលោកChan-ocha នាពេលកន្លងទៅបានអនុវត្តគោល
នយោបាយតឹងរឹងនានា។ បានមានមនុស្សរាប់រយនាក់នៃកំលាំងប្រឆាំងត្រូវចាប់ឃុំ
ខ្លួនក្នុងបណ្ដាការប្រមូលផ្ដុំមនុស្សជាច្រើនប្រឆាំងជំទាស់រដ្ឋាភិបាល។ ក្នុងប៉ុន្មានខែ
កន្លងទៅភាពតានតឹងបានកើនឡើងខណៈដែលរដ្ឋអំណាចយោធារបស់
នាយករដ្ឋមន្ត្រី Chan-ocha បានប្រកាសថា ការបោះឆ្នោតសកលនាឆ្នាំ២០១៧នឹងមិន
ប្រព្រឹត្តទៅទេ។ ទោះបីជាពេលឡើងកាន់អំណាច នាយករដ្ឋមន្ត្រី Prayuth Chan-ocha
សន្យានឹងបង្កើតរដ្ឋាភិបាលដោយប្រជាជនជ្រើសតាំងតាមរយៈការបោះឆ្នោតសកលក្តី។
មូលហេតុមួយទៀតក៏ត្រូវបានមជ្ឈដ្ឋានអ្នកវិភាគចាត់តុកអាចបណ្ដាលឡើងអស្ថិរភាព
យ៉ាងធ្ងន់ធ្ងរនៅថៃនាពេលខាងមុខគឺ ការចាត់តាំងកម្មភិបាលស្នូលក្នុងក្បាលម៉ាស៊ីន
គណៈរដ្ឋមន្ត្រីថ្មី។ នាបច្ចុប្បន្នក្នុងផ្ទៃក្នុងកងទ័ពនិងរដ្ឋាភិបាលកាន់អំណាចក៨មានការ
ខ្វែងគំនិតជាច្រើន។ ទន្ទឹមនឹងនោះខឿនសេដ្ឋកិច្ចថៃមានការបន្ថយល្បឿនយ៉ាងលឿន
ដែរ។តាមការស្ថិតិ នាឆ្នាំ២០១៤ខឿនសេដ្ឋកិច្ចថៃត្រឹមតែមានកំណើន០,៩%និង
សន្ទស្សន៍សេដ្ឋកិច្ចក្នុង៦ខែកន្លងទៅបានថយចុះកំរិតទាបបំផុតក្នុងអំឡុង៣ឆ្នាំជាបន្ត
បន្ទាប់។
កំបុកអំពើហឹង្សាថ្មី
ក្នុងប៉ុន្មានឆ្នាំកន្លងទៅរដ្ឋាភិបាលថៃបានមានការខំប្រឹងប្រែងកែលំអរស្ថានភាព
អស្ថិរភាពជាច្រើន។ ប៉ុន្តែការខំប្រឹងប្រែងនេះមិនទាន់នាំមកនូវប្រសិទ្ធិភាពដូចនឹង
បំណងឡើយនិងការផ្ទុះគ្រាប់បែកនេះជាឧទាហរណ៍មួយ។ តើមូលហេតុអ្វីដែលធ្វើ
ឲ្យថៃមិនទាន់ដោះស្រាយឲ្យចប់ស្ថានភាពអស្ថិរភាព។ តាមបណ្ដាអ្នកវិភាគថា
មូលហេតុគោលមួយនោះគឺជាខឿននយោបាយថៃត្រូវបានកសាងលើគ្រឹះស្ថានភាគី
ផលប្រយោជន៍ក្រុម។
នាបច្ចុប្បន្នអ្នកមានសមត្ថកិច្ចថៃកំពុងស្វែងរកមូលហេតុនៃការផ្ទុះគ្រាប់បែកពោលខាង
លើជនសង្ស័យត្រូវបានចាប់ឃុំខ្លួនដើម្បីស៊ើបអង្កេត។ រដ្ឋអំណាចរបស់នាយករដ្ឋមន្ត្រី
Prayuth Chan-ocha កំពុងមានការបង្វែទិសដៅស៊ើបអង្កេតដ៏បើកទូលាយជាង។ មិនលើក
លែងលទ្ធភាពក្នុងប៉ុន្មានថ្ងៃខាងមុខរដ្ឋអំណាចរបស់នាយករដ្ឋមន្ត្រី Prayuth Chan-ocha
នឹងមានវិធានការតឹងរឹងជាងទៀតនិងថៃអាចធ្លាក់ក្នុងកំបុកអំពើរហឹង្សាថ្មីក្នុងប៉ុន្មានថ្ងៃ
ខាងមុខ៕