(VOVworld)-ឧបសករ ឧបាសិការចូលរួមក្នុងពិធីដង្ហែព្រះពុទ្ធក្នុងមហាវិសាខបូជា
នៅក្រុង Hue

នៅវេលាម៉ោង៥ល្ងាចថ្ងៃទី៣១ឧសភា (ពោលគឺថ្ងៃទី១៤ខែទី៤តាមច័ន្ទកតិ) គណៈចាត់ តាំងមហា ពិធីបុណ្យវិសាខៈបូជា នៅទីក្រុងHue បានចាប់ផ្តើមពិធីដង្ហែរព្រះពុទ្ធ ពីវត្ត Dieu Ke (វិថី Bach Dang ក្រុង Hue ខេត្ត Thua Thien -Hue) ទៅកាន់វត្ត Tu Dam។

ពិធីស្រោចជម្រះព្រះពុទ្ធបានប្រព្រឹត្តទៅក្នុងបរិយាការដ៏មហោឡារឹក។ ពិធីបុណ្យប្រពៃណីវប្បធម៌ព្រះពុទ្ធសាសនាបានចាប់ផ្តើមឡើងតាំងពីឆ្នាំ១៩៥៧មក។

នៅវេលាម៉ោង៥’៣០ល្ងាច ក្រុមដង្ហែចាប់ផ្តើមចេញដំណើរពីវត្ត Dieu De ព្រះតេជគុណ Thich Khe Chon អនុប្រធានគណៈអភិបាលនៃសមាគមពុទសាសនា វៀតណាមខេត្ត Thua Thien Hue ឲ្យដឹងថា ពិធីនេះមានអត្ថន័យសំដៅបួងសួងសូមឲ្យប្រទេស ជាតិមានសុខសាន្តត្រាន ពិភពលោកមានសុខសន្តិភាព។

ពិធីដង្ហែព្រះពុទ្ធឆ្នាំនេះ មានការចូលរួមរបស់ពុទ្ធសាសនិកសិក្សានុសិស្ស មកពីតំបន់ នានារបស់ខេត្ត Thua Thien –Hue។

នៅវេលាម៉ោង៦’៣០នាទី ពិធីដង្ហែរបានឆ្លងកាត់ស្ពាន Truong Tien ឆ្ពោះទៅវិថី Le Loi

ប្រជាជនរាប់ពាន់នាក់រួមជាមួយភ្ញៀវទេសចរណ៍ បានឈរត្រៀមត្រានៅសងខាងដងផ្លូវដើម្បី តាមដាន និងសម្តែងនូវការគោរព។

“នេះជាលើកដំបូងមកដល់ក្រុង Hue ក្នុងរដូវវិសាខៈបូជា ហើយក៏ជាលើកដំបូងបានទស្សនា ពិធីដង្ហែរព្រះពុទ្ធ គឺមានភាពអស្ចារ្យនិងអធិកអធមណាស់” បង Nguyen Thanh Son ភ្ញៀវទេសចរណ៍ មកពីទីក្រុងហាណូយបានចែករំលែកដូច្នេះ។

ចូលរួមពិធីនៅមាន ពុទ្ធសាសនិកជាកុមារដែលកាន់ជាប់លើដៃគោមផ្កា

នៅវេលាម៉ោង៨យប់ ពិធីដង្ហែរព្រះពុទ្ធបានបញ្ចប់នៅវត្ត Tu Dam ដើម្បីត្រៀមរៀបចំ បណ្តាពិធីជាបន្តទៀតសម្រាប់រដូវវិសាខៈបូជាឆ្នាំ២០១៥នេះនៅទីក្រុង Hue