រូបថត៖ baochinhphu.vn

ស្ដីពីនឹងការដែលរដ្ឋាភិបាលបានចេញយុទ្ធសាស្ត្រនាំចេញ-នាំចូលដំណាក់កាល ២០២១-២០៣០ លោកស្រី Nguyen Cam Trang អនុប្រធាននាយកដ្ឋាននាំចេញ-នាំចូល នៃក្រសួងឧស្សាហពាណិជ្ជកម្មវៀតណាមបានឲ្យដឹងថា៖  វៀតណាមកំពុងឈានចូលដំណាក់កាលអភិវឌ្ឍន៍ថ្មីជាមួយនឹងតម្រូវការអភិវឌ្ឍន៍ សេដ្ឋកិច្ចយ៉ាងឆាប់រហ័ស និងប្រកបដោយចីរភាព ដោយផ្អែកលើការផ្លាស់ប្ដូថ្នី ច្នៃប្រឌិត កំណើនបៃតង ការអភិវឌ្ឍសេដ្ឋកិច្ចឌីជីថល និងសេដ្ឋកិច្ចវិលជុំ។

សេដ្ឋកិច្ចពិភពលោកនាពេលប៉ុន្មានឆ្នាំខាងមុខ ត្រូវបានគេព្យាករណ៍ថានឹងបន្តមានការវិវឌ្ឍដ៏ស្មុគស្មាញពីជម្លោះភូមិសាស្ត្រនយោបាយ សង្គ្រាមពាណិជ្ជកម្ម ជំងឺរាតត្បាត វដ្តវិបត្តិសេដ្ឋកិច្ច បណ្តាលឱ្យមានផលវិបាកអំពីការផ្ដាច់ខ្សែសង្វាក់ផ្គត់ផ្គង់ វិបត្តិថាមពល សម្ពាធអតិផរណា។ ក្នុងបរិបទនោះ ការនាំចេញ គឺជាសសរស្តម្ភមួយក្នុងចំណោមសសរស្តម្ភទាំងបីនៃខឿនសេដ្ឋកិច្ចដែលត្រូវការធានា កំណើនប្រកបដោយនិរន្តរភាពក្នុងរយៈពេលវែង ដោយតម្រូវឱ្យមានការធ្វើបច្ចុប្បន្នភាព និងការតាក់តែងទិសដៅគោលគោលនយោបាយថ្មី និងដំណោះស្រាយយុទ្ធសាស្ត្រជាមូលដ្ឋានសម្រាប់សកម្មភាពនាំចេញ និងនាំចូល៖ “ក្រឡេកមើលឡើងវិញរយៈពេល ១០ ឆ្នាំនៃការអនុវត្តយុទ្ធសាស្ត្រនាំចេញ-នាំចូលទំនិញ ដំណាក់កាល ២០១១-២០២០ សកម្មភាពនាំចេញ និងនាំចូលទំនិញរបស់វៀតណាមទទួលបានសមិទ្ធិផលគួរឲ្យចាប់អារម្មណ៍ រួមចំណែកយ៉ាងសំខាន់ក្នុងបុព្វហេតុផ្លាស់ប្ដូរថ្មី និងការអភិវឌ្ឍសេដ្ឋកិច្ចរបស់ប្រទេសជាតិ។ ទោះជាយ៉ាងណាក៏ដោយ ក្រៅពីលទ្ធផលដែលសម្រេចបានដូចដែលពោលខាងលើនោះ សកម្មភាពនាំចេញ នាំចូលទំនិញដំណាក់កាល ២០១១ - ២០២០ នៅតែមិនទាន់ទាញយកអស់ពីគុណសម្បត្តិប្រកួតប្រជែងក្នុងការនាំចេញដោយផ្អែកលើបច្ចេកវិទ្យា ជំនាញពលករ និងការគ្រប់គ្រងឡើយ ដើម្បីបង្កើតក្រុមទំនិញនាំចេញ ដែលមានសមត្ថភាពប្រកួតប្រជែងខ្ពស់ មានកម្រិតវិទ្យាសាស្ត្រ និងបច្ចេកវិទ្យាខ្ពស់ ហើយមាន សមត្ថភាពចូលរួមក្នុងការបង្កើតតម្លៃបំពេញបន្ថែមខ្ពស់ក្នុងខ្សែសង្វាក់ផ្គត់ផ្គង់ និងខ្សែសង្វាក់តម្លៃសកល។ ដូច្នេះហើយ យុទ្ធសាស្ត្រនាំចេញ-នាំចូល សម្រាប់រយៈពេលថ្មីនេះ បានយកចិត្តទុកដាក់លើគុណភាពកំណើន និងលក្ខណៈនិរន្តរភាពនៃការអភិវឌ្ឍ ការនាំចូល-នាំចេញ”។

យុទ្ធសាស្ត្រនាំចេញ-នាំចូល ដំណាក់កាល ២០១១-២០៣០ ក៏គិតគូរពីនិន្នាការថ្មីនៅក្នុងពាណិជ្ជកម្មអន្តរជាតិ ទាញយកប្រកបដោយប្រសិទ្ធភាពនូវកម្លាំងពលំផ្ទៃក្នុង ក៏ដូចជាកាលានុវត្តភាពនៃដំណើរការសមាហរណកម្ម ក្រោយពីវៀតណាមបានចូលរួមកិច្ចព្រមព្រៀងពាណិជ្ជកម្មសេរីជំនាន់ថ្មីជាច្រើន ហើយតាមនោះកំណត់អាទិភាពយុទ្ធសាស្ត្រនៃសកម្មភាពនាំចេញ និងនាំចូល ជ្រើសរើសប្រភពធនធានដើម្បីវិនិយោគអភិវឌ្ឍន៍ការនាំចេញ នាំចូលតាមទិសដៅប្រកបដោយនិរន្តរភាព។

លោកស្រី Nguyen Cam Trang អនុប្រធាននាយកដ្ឋាននាំចេញ-នាំចូល នៃក្រសួងឧស្សាហពាណិជ្ជកម្មវៀតណាម

ការដែលរដ្ឋាភិបាលបានកំណត់គោលដៅ៖ ល្បឿនកំណើននាំចេញទំនិញជាមធ្យមគឺចាប់ពី ៦% ទៅ ៧% ក្នុងដំណាក់កាល២០២១ - ២០៣០ គឺមិនខ្ពស់ឡើយបើប្រៀបធៀបទៅនឹងកំណើនជាក់ស្ដែងជាមធ្យមក្នុងរយៈពេលជាច្រើនឆ្នាំកន្លងមក ទាំងក្នុងពេលវេលាលំបាកក៏ដោយ ហើយក្រោមផលប៉ះពាល់នៃជំងឺកូវីដ-១៩ កំណើន នាំចេញតែងតែកើនឡើងជាពីរខ្ទង់។ ក្នុងនាមជាស្ថាប័នគ្រប់គ្រងរដ្ឋលើវិស័យនេះ លោកស្រី Nguyen Cam Trang បានឲ្យដឹងថា៖ "គោលដៅ "ល្បឿនកំណើននៃការនាំចេញទំនិញជាមធ្យមចាប់ពី ៦% ទៅ ៧% ក្នុងមួយឆ្នាំ" គឺជាគោលដៅជាមធ្យមសម្រាប់ដំណាក់កាល ២០២១-២០៣០ ទាំងមូល។ គោលដៅជាក់ស្ដែងក្នុងដំណាក់កាល ២០២១-២០២៥ គឺកំណើននាំចេញជាមធ្យមចាប់ពី ៨% ទៅ ៩% ក្នុងមួយឆ្នាំ និងដំណាក់កាល ២០២៦ - ២០៣០ គឺកំណើនជាមធ្យមពី ៥% ទៅ ៦% ក្នុងមួយឆ្នាំ។ យោងតាមលទ្ធផលកំណើននាពេលថ្មីៗនេះ នាបច្ចុប្បន្ន វៀតណាមបានស្ថិតក្នុងក្រុមប្រទេសដែលមានទំហំនាំចេញ និងនាំចូលដ៏ធំក្នុងពិភពលោក។ នាពេលខាងមុខ សកម្មភាពនាំចេញនិងនាំចូលនឹងនៅតែប្រឈម នឹងកត្តាមិនច្បាស់លាស់ជាច្រើន បណ្ដាលពីជម្លោះពាណិជ្ជកម្ម ភាពតានតឹងភូមិសាស្ត្រនយោបាយ និន្នាការកើនឡើងនៃរបាំងគាំពារពាណិជ្ជកម្មមិនមែនពន្ធនៅក្នុងតំបន់ជាច្រើន ទីផ្សារធំ គ្រោះអាសន្នអតិផរណាហិរញ្ញវត្ថុ និងរូបិយវត្ថុ។ ប្រសិនបើពិចារណាលើដំណាក់កាលទាំងមូលកំណើនពី ៦% ទៅ ៧% ក្នុងមួយឆ្នាំ គឺជាគោលដៅខ្ពស់។ ទស្សនៈយុទ្ធសាស្ត្រ រហូតដល់ឆ្នាំ ២០៣០ គឺជាការអភិវឌ្ឍការនាំចេញ នាំចូលប្រកបដោយចីរភាព ឆ្ពោះទៅរកគុណភាពកំណើនផងដែរ"។

យុទ្ធសាស្ត្រដំណាក់កាល ២០២១-២០៣០ បានកំណត់គោលដៅអភិវឌ្ឍន៍ការនាំចេញ និងនាំចូលប្រកបដោយនិរន្តរភាព និងជាកម្លាំង ចលករ នៃកំណើន សេដ្ឋកិច្ច យ៉ាង ឆាប់រហ័ស និងប្រកបដោយចីរភាព។ ក្រៅពីគោលដៅកំណើនការនាំចេញ និងនាំចូល អំពីទំហំ និងគោលដៅអំពីជញ្ជីញពាណិជ្ជកម្មនោះ យុទ្ធសាស្ត្របាន បំពេញបន្ថែន គោលដៅអំពីរចនាសម្ព័ន្ធទំនិញនាំចេញ នាំចូល និងរចនាសម្ព័ន្ធទីផ្សារនាំចេញ នាំចូលដើម្បីអនុវត្តន៍ទស្សនៈអភិវឌ្ឍន៍ការនាំចេញ នាំចូលប្រកបដោយចីរភាពដោយឈរលើមូលដ្ឋាននៃការសមស្របអំពី រចនាសម្ព័ន្ធទំនិញ រចនាសម្ព័ន្ធទីផ្សារ និងជញ្ជិញពាណិជ្ជកម្មជាមួយទីផ្សារ តំបន់ទីផ្សារនីមួយៗផងដែរ៕