ខ្លោងទ្វារចូលមជ្ឈមណ្ឌលថែទាំយុទ្ធជនពិការ Duy Tien (រូបថត៖ VOV5)

មជ្ឈមណ្ឌលមានមុខងារទទួល គ្រប់គ្រង ព្យាបាល ចិញ្ចឹមបីបាច់ ថែទាំនិងស្តារកាយសមប្បទា ក៏ដូចជាអនុវត្តរាល់របបគោលនយោបាយសម្រាប់យុទ្ធជនជំងឺនិងយុទ្ធជនពិការ មានអាការៈធ្ងន់ធ្ងរ ដែលមានអត្រានៃសមត្ថភាពបខាងពលកម្មថយចុះលើសពី ៨១% នៅទូទាំងប្រទេសវៀតណាម។ មានពេលខ្លះ មជ្ឈមណ្ឌលនេះបានទទួលការថែទាំយុទ្ធជន ជំងឺនិងយុទ្ធជនពិការជិត ៧០០ នាក់។ នាបច្ចុប្បន្ន មជ្ឈមណ្ឌលកំពុងមើលថែទាំយុទ្ធជន ជំងឺនិងយុទ្ធជនពិការជិត ៦០ នាក់មកពីខេត្ត/ក្រុងចំនួន ១៣ នៅទូទាំងប្រទេសផងដែរ។

ដើមឈើជាច្រើននៅជុំវិញកន្លែងស្នាក់នៅរបស់យុទ្ធជនពិការ ហើយបង្កើតបរិយាកាសស្រួលត្រជាក់នៅប៉ុន្មានថ្ងៃនៃរដូវក្តៅ។ (រូបថត៖  VOV5)

រូបថត៖ Le Chi/VOV5

សង្គ្រាមបានបញ្ចប់យ៉ាងយូរហើយ ប៉ុន្តែស្នាមរបួសនៃសង្រ្គាមនៅតែបន្សល់ទុកនៅលើរាង កាយរបស់យុទ្ធជនទាំងអស់។ មានអ្នកបានបាត់បង់ភ្នែកទាំងសងខាង និងមានអ្នកបាន បាត់ជើងទាំងសងខាងជាដើមក៏មានផងដែរ។

លោក Nguyen Tien Luc អាយុ ៦៤ ឆ្នាំ ត្រូវតស៊ូរស់ជាមួយជំងឺខ្វិតខួរឆ្អឹងខ្នងអស់រយៈ ពេលជាង ៤០ ឆ្នាំមក នៅពេលដែលអាកាសធាតុមិនសូវល្អ។ លោកបានឲ្យដឹងថាដោយ មានការយកចិត្តទុកដាក់ខ្ពស់យ៉ាងកក់ក្តៅរបស់ក្រុមគ្រូពេទ្យនៅមជ្ឈមណ្ឌលនេះ ការឈឺចាប់ ខាងរាងកាយរបស់លោកបានថយចុះយ៉ាងបន្តិចម្តងៗ។ (រូបថត៖ VOV5)

លោក Le Dinh An គឺជាយុទ្ធជនពិការប្រភេទ  ១/៤ ម្នាក់ដែលបានបាត់ជើងទាំង សង្ខាងនៅពេលដែលលោកចូលរួមការតស៊ូប្រយុទ្ធការពារពារព្រំដែនភាគខាងជើងវៀតណាមក្នុងចន្លោះឆ្នាំ ១៩៧៩-១៩៩១ ។ (រូបថត៖ VOV5)

ក្រុមគ្រូពេទ្យ តែងតែបំពេញភារកិច្ចរបស់ខ្លួនទាន់ពេលវេលា ក្នុងការព្យាបាលសម្រាប់ ស្នាមរបួសរបស់យុទ្ធជនពិការនិងយុទ្ធជនជំងឺ (រូបថត៖ VOV5)

ប៉ុន្មានថ្ងៃក្នុងខែកក្កដា គឺជាឱកាសមួយដែលយុទ្ធជនពិការស្លៀកពាក់ឯក សណ្ឋានកង ទ័ពនិងបំពាក់មេដាយយុទ្ធជ័យដ៏អស្ចារ្យរបស់ខ្លួន។ (រូបថត៖ VOV5)

ឯកសណ្ឋានកងទ័ពតែងតែត្រូវបានព្យួរយ៉ាងរបៀបរៀបរយ។ (រូបថត៖ VOV5)

ខែកក្កដា - ខែដែលថ្លែងអំណរគុណគឺជាឱកាសមួយដើម្បីរំលឹកដល់យុវជនជំនាន់សព្វ ថ្ងៃនេះនិងជំនាន់ក្រោយៗ ឲ្យចងចាំជានិច្ចអំពីគុណបំណាច់និងការលះបង់ដ៏ធំធេងរបស់ ជំនាន់ជីដូនជីតាមុនៗ ក្នុងបុព្វហេតុរំដោះប្រជាជាតិនិងឯកភាពប្រទេសជាតិផងដែរ។ ក្នុងឱកាសអបអរសាទរខួបលើកទី ៧៣ នៃទិវាយុទ្ធជនពិការ-យុទ្ធជនពលី (ថ្ងៃទី ២៧ ខែកក្កដា ឆ្នាំ១៩៤៧ - ថ្ងៃទី ២៧ ខែកក្កដា ឆ្នាំ ២០២០) ស្ថាប័ននិងអង្គការមហាជនទាំង មូលសុទ្ធសឹងតែឆ្ពោះទៅរំលឹកដល់គុណបំណាច់របស់យុទ្ធជនយុទ្ធជនពលី យុទ្ធជនពិការ និងគ្រួសារដែលមានគុណបំណាច់ចំពោះបដិវត្តផងដែរ។

ក្រុមការងារនៃបញ្ជាការដ្ឋានប៉ូលីសសមុទ្រនិងសមាគមអតីតយុទ្ធជនទីក្រុងហាណូយ បានចុះសួរសុខទុក្ខនិងប្រគល់អំណោយដល់យុទ្ធជនពិការនៅឯមជ្ឈមណ្ឌលនេះនាថ្ងៃទី ១៦ ខែកក្កដាឆ្នាំ ២០២០ ។ (រូបថត៖ VOV5)

អនុប្រធានសមាគមអតីតយុទ្ធជនទីក្រុងហាណូយ លោក ឧត្តមសេនីយ៍ត្រី Phung Dinh Thao បានប្រគល់ទឹកប្រាក់ ១០ លានដុង ដល់មជ្ឈមណ្ឌលថែទាំយុទ្ធជនពិការ Duy Tien នាថ្ងៃទី ១៦ ខែកក្កដាឆ្នាំ ២០២០ ។ (រូបថត៖ VOV5)

យុទ្ធជនពិការនៅឯជំនួបសំណេះសំណាលជាមួយស្ថាប័ននិងអង្គការមហាជននានា ថ្ងៃទី ១៦ ខែកក្កដាឆ្នាំ ២០២០ ។ (រូបថត៖ VOV5)

លោកស្រី Ma Thi Bich Nhan នាយិកាមជ្ឈមណ្ឌលថែទាំយុទ្ធជនពិការ Duy Tien  បានឲ្យដឹងថាការងារដែលកម្មាភិបាលធ្វើនៅក្នុងមជ្ឈមណ្ឌល មិនអាចប្រៀបធៀបទៅ នឹងការលះបង់ ដែលយុទ្ធជនពិការនិងយុទ្ធជនជំងឺបានធ្លាប់រងរបួសនោះឡើយ។ មជ្ឈមណ្ឌលនឹងខិតខំប្រឹងប្រែងបន្ថែមទៀត ដើម្បីបង្កលក្ខណៈងាយស្រួលដ៏ល្អបំផុត ក្នុងការថែទាំយុទ្ធជនពិការនិងយុទ្ធជនជំងឺនៅទីនេះ ហើយនេះគឺជាមនោសញ្ចេតនា ដ៏ស្មោះត្រង់ និងការយកចិត្តទុកដាក់តូចតាចបំផុតដែលប្រជាជនវៀតណាម គ្រប់ៗរូប នាសព្វថ្ងៃនេះ អាចសំដែងការថ្លែងអំណរគុណចំពោះជីដូនជីតាក្នុង ជំនាន់ មុនៗផង ដែរ៕