កោះ Co To (កូតូ)

Co To គឺជាកោះដ៏ស្រស់ស្អាតមួយនៅក្នុងខេត្ត Quang Ninh។ នៅ Co To អ្នកនឹងឃើញឆ្នេរសមុទ្រដ៏ស្រស់ស្អាត ទឹកសមុទ្រពណ៌ខៀវថ្លា និងអាកាសធាតុត្រជាក់ស្រួល។

ខ្សែផ្លូវនៅកណ្តាលសមុទ្រពណ៌ខៀវថ្លានៅកោះ Co To ។ រូបថត៖ Tran Nam

មកកាន់ Co To ភ្ញៀវទេសចរអាចស្វែងយល់ពីទីតាំងសំខាន់ៗដូចជា បង្គោលសើន វត្ត Truc Lam និងកេរ្តិ៍ដំណែលរំលឹកវិញ្ញាណក្ខន្ធលោកប្រធានហូជីមិញ។

ដើម្បីគយគន់ទេសភាព Co To ទាំងមូល ភ្ញៀវទេសចរណ៍អាចឡើងកំពូលបង្គោលសើន Co To ដែលមានកម្ពស់ ១០២ ម៉ែត្រ។

បន្ទាប់ពីបណ្តាញអគ្គិសនីជាតិត្រូវបានដំឡើងក្នុងឆ្នាំ ២ឥ០១៣  កោះ Co To កំពុងអភិវឌ្ឍកាន់តែខ្លាំងឡើងជាមួយនឹងគម្រោងកែលម្អទីក្រុង វិថីដើរថ្មើរជើងវិសេសវិសាល និងសេវាកម្មភោជនាហារចម្រុះ ដើម្បីបម្រើភ្ញៀវទេសចរ។

កោះ Ly Son (លីសុន)

កោះ Ly Son គឺជាស្រុកកោះមួយក្នុងខេត្ត Quang Ngai ដែលល្បីល្បាញដោយធម្មជាតិស្រស់បំព្រង និងលក្ខណៈវប្បធម៌វិសេសវិសាលជាច្រើន។

រូបថត៖ ក្រសួងវប្បធម៌ កីឡា និងទេសចរណ៍។

ជាមួយនឹងឆ្នេរខ្សាច់ស្រស់ស្អាត និងទឹកពណ៌ខៀវ កោះ Ly Son គឺជារមណីយដ្ឋានដ៏ល្អសម្រាប់អ្នកស្រឡាញសមុទ្រ។

ជ្រុងមួយនៃកោះ Be ដែលនៅតែរក្សាបានលក្ខណៈធម្មជាតិ របស់ Ly Son។

រណ្ដៅភ្នំភ្លើងបុរាណនៅលើកោះ Ly Son គឺជាគោលដៅទាក់ទាញភ្ញៀវទេសចរណ៍។

Cu Lao Cham

Cu Lao Cham គឺជាប្រជុំកោះដ៏ល្បីល្បាញមួយ មានទីតាំងនៅទីក្រុង Hoi An ខេត្ត Quang Nam ។ នៅថ្ងៃទី ២៦ ខែឧសភា ឆ្នាំ ២០០៩ Cu Lao Cham ត្រូវបាន UNESCO ទទួលស្គាល់ជាមណ្ឌលទុកបំរុងជីវៈចម្រុះពិភពលោក។

ភ្ញៀវទេសចរណ៍មកកាន់ Cu Lao Cham អាចរីករាយជាមួយនឹងសកម្មភាពចម្រុះ ដូចជាហែលទឹក មុជទឹកមើលផ្កាថ្មនៅ Eo Gio, Bai Xep, Bai Ong ឬទស្សនាអណ្តូងទឹកអាយុ ២០០ ឆ្នាំរបស់ជនជាតិចាម ទស្សនាវត្ត Hai Tang។

ភ្ញៀវទេសចរណ៍អាចពិសោធន៍ការមុជទឹក និងមើលផ្កាថ្ម។

កោះ Nam Du (ណាមឌូ)

កោះ Nam Du មានទីតាំងស្ថិតនៅឃុំចំនួនពីរគឺ An Son និង Nam Du នៃស្រុក Kien Hai ខេត្ត Kien Giang។

រូបថត៖ ក្រសួងវប្បធម៌ កីឡា និងទេសចរណ៍។

ទឹកសមុទ្រនៅកោះ Nam Du គឺឆ្វង់ថ្លា អ្នកអាចមើលឃើញផ្កាថ្ម និងហ្វូងត្រីនៅខាងក្រោម។

រូបថត៖ TTXVN

ដូច្នេះហើយ ភ្ញៀវទេសចរណ៍ទៅកោះ Nam Du ចូលចិត្តការមុជទឹក ឬជួលទូកទៅលេងសមុទ្រ ដើម្បីទស្សនាទ្រុងជិញ្ជឹមត្រី។

កោះ Diep Son (ឌៀបសើន)

កោះ Diep Son គឺជាកោះមួយនៅឈូងសមុទ្រ Van Phong ខេត្ត Khanh Hoa។ នេះជាកន្លែងទេសចរណ៍ដ៏ពេញនិយម ព្រោះមានផ្លូវឆ្លងសមុទ្រដ៏ពិសេសដោយឡែក។

មកដល់កោះ Diep Son អ្នកទេសចរអាចដើរពីកោះមួយទៅកោះមួយ ឬដើរលេងស្វែងយល់ទេសភាពលើកោះ។   

រុបថត៖ laodong.vn

រុបថត៖ laodong.vn

កោះ Diep Son គឺជាកន្លែងថតរូប Check-in ដែលពេញនិយមបំផុតសម្រាប់យុវវ័យ ដោយមានទេសភាពប្លែកៗជាច្រើន៕