ពិធីបុណ្យនិទាឃរដូវ Yen Tu Vu Mien - VOV - 12 កុម្ភៈ 2023 | 16:00:00 (VOVWORLD) - នៅក្នុងប៉ុន្មានថ្ងៃដំបូងនៃឆ្នាំថ្មី តំបន់កេរ្តិ៍ដំណែលនិងរមណីយដ្ឋាន Yen Tu បានទទួលភ្ញៀវទេសចររាប់ម៉ឺននាក់មកទស្សនានិងបូជាព្រះពុទ្ធ។ តំបន់កេរ្តិ៍ដំណែលប្រវត្តិសាស្ត្រ និងរមណីយដ្ឋាន Yen Tu (ខេត្តQuang Ninh) មានភាពល្បីល្បាញ ដែលជាទឹកដីព្រះពុទ្ធដ៏ពិសិដ្ឋ ជាមួយនឹងប្រព័ន្ធវត្តអារាម ប្រាសាទ ដែលនៅតែរក្សាទុកសញ្ញាសម្គាល់ក្នុងដំណើរការបួសរៀន បង្រៀនព្រះគុម្ពី និងចូលព្រះនិព្វានរបស់ព្រះចៅអធិរាជ Tran Nhan Tong (១២៥៨- ១៣០៨)។ ក្រោយពីការផ្អាករយៈពេល ២ ឆ្នាំ ដោយសារតែផលប៉ះពាល់នៃជំងឺរាតត្បាត Covid-19 នៅថ្ងៃទី ១០ ខែមិគសិរ ឆ្នាំថោះ បញ្ចស័ក ពិធីបុណ្យនិទាឃរដូវ Yen Tu ឆ្នាំ ២០២៣ បានបើកឡើងវិញជាផ្លូវការ។ នេះជាពិធីបុណ្យដ៏ធំនិងវែងអន្លាយបំផុតនៅតំបន់ភាគខាងជើងវៀតណាម ដែលទាក់ទាញព្រះសង្ឃ ដូនជី ពុទ្ធបរិស័ទ ភ្ញៀវទេសចរទាំងជាតិនិងអន្តរជាតិរាប់ពាន់នាក់ ធ្វើធម្មយាត្រាមក Yen Tu ដើម្បីថ្វាយបង្គំព្រះពុទ្ធ ហើយសម្ដែងទឹកចិត្តគោរពបូជាចំពោះព្រះចៅអធិរាជ Tran Nhan Tong។ ថ្នាក់ដឹកនាំខេត្ត Quang Ninh អនុវត្តន៍ពិធីបួងសួងសុំឲ្យប្រទេសជាតិមានសន្តិភាព ប្រជាជនមានក្ដីសុខសានត្រាណ ហើយអុជធូប និងផ្កាជូនព្រះចៅអធិរាជ Tran Nhan Tong ដែលបានបង្កើតឡើងនិកាយ Truc Lam Yen Tu។ ផ្លូវឡើងកំពូលភ្នំពិសិដ្ឋ Yen Tu គឺជាការសាកល្បងមួយចំពោះការខិតខំព្យាយាមនិងភាពស្វិតស្វាញរបស់ពុទ្ធបរិស័ទ និងភ្ញៀវទេសចរ នៅពេលឆ្លងកាត់កាំជណ្ដើរថ្មរាប់ពាន់កាំដ៏រដិបរដុបនៅតាមដងភ្នំ។ ប៉មប្រាសាទ Hue Quang (វត្ត Hoa Yen) ជាកន្លែងដែលមានរូបបដិមារព្រះចៅអធិរាជ Tran Nhan Tong ដែលត្រូវបានទទួលស្គាល់ជាសម្បត្តិជាតិនៅចុងឆ្នាំ ២០២០។ ឆ្លងកាត់ការឡើងចុះនៃប្រវត្តិសាស្ត្រ Yen Tu នៅតែបង្កប់នូវព្រលឹងដ៏ពិសិដ្ឋនៃវប្បធម៍វៀតណាម ជាមួយនឹងវត្តអារាម ប៉មប្រាសាទរាប់សិប និងវត្ថុបុរាណរាប់ពាន់ដ៏ពោរពេញទៅដោយតម្លៃស្មារតី និងសតិអារម្មណ៍នៃនិកាយ Truc Lam Yen Tu និងវប្បធម៌ដ៏ត្រចះត្រចង់នៃរាជកាល Dai Viet។ ស្មារតីព្រះពុទ្ធសាសនានៃនិកាយ Truc Lam Yen Tu ស្ថិតស្ថេរជានិច្ចនិរន្តរ៍ ពោរពេញទៅដោយអត្តសញ្ញាណនៃវប្បធម៌ Dai Viet។ ទិដ្ឋភាពនៅវត្ត Hoa Yen។ វត្ត Mot Mai ជាទីកន្លែងដែលព្រះចៅអធិរាជ Tran Nhan Tong ចងក្រងព្រះគុម្ពី។ ក្នុងប៉ុន្មានថ្ងៃដំបូងនៃឆ្នាំថ្មី តំបន់កេរ្តិ៍ដំណែលនិងរមណីយដ្ឋាន Yen Tu បានទទួលភ្ញៀវទេសចររាប់ម៉ឺននាក់មកទស្សនានិងបូជាព្រះពុទ្ធ។ រូបព្រះបដិមារព្រះចៅអធិរាជ នៅតំបន់ An Ky Sinh មានទម្ងន់ ១៣៨ តោន ដែលត្រូវបានធ្វើឡើងតាមរបៀបចាក់ពុម្ភសំរិទ្ធដោយដៃជាប្រពៃណី។ ភ្ញៀវទេសចរអន្តរជាតិជាច្រើនចែករំលែកសេចក្តីរីករាយនៅលើដំណើរឡើងភ្នំពិសិដ្ឋ Yen Tu។ វត្ត Dong ស្ថិតនៅលើកម្ពស់ ១០៦៨ ម៉ែត្រ ជាកន្លែងដែលអ្នកណាក៏មានបំណងចង់មកម្តងក្នុងជីវិត ដើម្បីអុជធូប ថ្វាយបង្គំព្រះពុទ្ធ បង្ហាញពីទឹកចិត្តស្មោះត្រង់៕ Vu Mien - VOV Tag VOV VOVworld Yen Tu វត្ត វៀតណាម ពិធីបុណ្យ និទាឃរដូវ ពុទ្ធសាសនា ប្រតិកម្មទៅវិញ ផ្ញើទៅ ផ្សេងៗ ដំណើរតាមប្រមាញ់ពពកនៅកំពូលភ្នំ Ky Quan San - Bach Moc Luong Tu សម្រស់ដ៏ទន់ភ្លន់នៃសរទរដូវហាណូយ មីសួរសាច់អន្ទង់ Thuy Loi - ម្ហូបអាហារដ៏ពេញនិយមរបស់ជនហាណូយ ភូមិបុរាណ Cu Da - កន្លែងដែលថែរក្សានូវលក្ខណៈវប្បធម៌ដ៏វិសេសវិសាលនៃតំបន់ដីសណ្តភាគខាងជើង