នារសៀលថ្ងៃទី២៣ ខែមិថុនានៅរដ្ឋធានីហាណូយ បានប្រព្រឹត្តទៅពិធីរៀប អាពាហ៍ពិពាហ៍ជាសមូហភាពដោយប្រធានបទ “ក្ដីសុបិន្តក្លាយជាការពិត” ដែល ត្រូវបានសម្ព័ន្ធសមាគមន៍នារីរដ្ឋធានីហាណូយរៀបចំឡើងសម្រាប់គូស្នេហ៍ជាជនពិការនិងជនក្រីក្រ។ ចូលរួមកម្មវិធីនេះគឺគូស្នេហ៍ជាជនពិការចំនួន៥៩ និងគូរ ស្នេហ៍ក្រីក្រនិងរងជំងឺចំនួន៦។

       មានមនុស្សដែលមានសុបិន្តបានពាក់រ៉ូបអាពាហ៍ពិពាហ៍ ហើយថតរូបមង្គលការតែ ម្ដងក្នុងមួយជីវិតប៉ុណ្ណោះ ...

      ប៉ុន្តែចំពោះពួកគេ ក្ដីសុបិន្តនោះត្រឹមតែជាសុបិន្តជារៀងរហូត។

        ក្នុងឱកាសរំលឹកខួបទិវាគ្រួសារវៀតណាម ថ្ងៃទី២៨ ខែមិថុនា សម្ព័ន្ធសមា គមន៍នារីទីក្រុងហាណូយបានរៀបចំកម្មវិធីរៀបអាពាហ៍ពិពាហ៍ជាសមូហភាព ដើម្បីប្រែក្លាយក្ដីសុបិន្តដ៏សាមញ្ញ របស់បណ្ដាគូស្នេហ៍ជាជនពិការនិងជនក្រីក្រ នោះ ទៅជាការពិត។
       ពិធីរៀបអាពាហ៍ពិពាហ៍នេះត្រូវបានរៀបចំឡើងដោយមានពិធីការយ៉ាងគ្រប់គ្រាន់នៃពិធីរៀបអាពាហ៍ពិពាហ៍ប្រពៃណីមួយ។
        គូស្នេហ៍លោក Nguyen Ngoc Khuyen និងលោកស្រី Nguyen Thi Hoa មក ពីខេត្ត Yen Bai បានរៀបការអស់រយៈពេល១៤ឆ្នាំមកហើយ។ លោកស្រី Hoa ជាមនុស្សមានសុខភាពល្អ ខណៈដែលលោក Khuyen ត្រូវពិការភ្នែក។ ប៉ុន្តែគេ បានជំនះពុះពារលើការប្រឆាំងជំទាស់របស់ក្រុមគ្រួសារ ហើយបានប្រសូត្រកូន៣នាក់។ 
        គូស្នេហ៍លោក Tran Van Triet និងលោកស្រី Nguyen Thi Nhien បានរៀប ការកាលពីឆ្នាំ១៩៩១ ហើយមានកូន២នាក់។ នាបច្ចុប្បន្ន គេមានចៅហើយ។ លោក Triet បានអោយដឹងថា កាលពីមុននេះ គ្រួសារលោកក្រីក្រណាស់អញ្ចឹង គេបានរៀបចំពិធីរៀបអាពាហ៍ពិពាហ៍ដ៏សាមញ្ញតែប៉ុណ្ណោះ។ ថ្ងៃនេះ លោកនិង ប្រពន្ធមានក្ដីសោមនស្សរីករាយយ៉ាងក្រៃលែងដោយបានចូលរួមពិធីរៀបអាពាហ៍ពិពាហ៍ដ៏ឱឡារឹកមួយ ហើយកូនចៅទាំងអស់ក៏មកចូលរួមផងដែរ។
        គ្រួសារលោក Luong Van Quy និងលោកស្រី Hoang Thi Luyen មកពីខេត្ត Ha Giang។ លោក Quy ត្រូវពិការភ្នែកតាំងពីកំណើត ខណៈដែលលោកស្រី Luyen ត្រូវរងផលប៉ះពាល់ដោយជាតិគីមីពុលពណ៌លឿងទុំ។ គេបានជួបគ្នានា ពេលចូលរួមកម្មវិធីចម្រៀងរបស់សមាគមន៍ជនពិការ។ លោក Quy បានអោយ ដឹងថា ទោះបីជាមិនអាចឃើញគ្នាក៏ដោយ ប៉ុន្តែលោកនិងប្រពន្ធនៅស្រឡាញ់គ្នា យ៉ាងស្មោះសរជារៀងរហូត។ 
        គ្រួសារលោក Quy មានកូនប្រុសពីរនាក់។ កូនច្បងមានអាយុ១៤ឆ្នាំ ចំណែកឯកូនពៅមានអាយុ១៣ខែ។
        គ្រួសារលោក Quy ប្រកបរបរច្រៀងតាមដងវិថី ហេតុដូច្នេះហើយជីវភាព ជួបការលំបាកយ៉ាងខ្លាំង។ លោកស្រី Luyen បានអោយដឹងថា ទោះបីជារស់នៅ ខេត្ត Ha Giang ឆ្ងាយៗក្ដី ប៉ុន្តែគ្រួសារគាត់បានប្ដេជ្ញាចិត្តទៅកាន់រដ្ឋធានីហា ណូយដើម្បីចូលរួមពិធីរៀបអាពាហ៍ពិពាហ៍ជាសមូហភាពនេះ។ សុបិន្តរបស់ គាត់គឺបានស្លៀកពាក់រ៉ូបអាពាហ៍ពិពាហ៍ម្ដងក្នុងមួយជីវិត។
        គណៈចាត់តាំងចែករំលែកក្ដីសោមនស្សរីករាយជាមួយបណ្ដាគូស្នេហ៍។
        លោក Tran Van Tuong និងប្រពន្ធលោកស្រី An Thi Kim Tien បានរៀប ការកាលពីឆ្នាំ២០០៧ ហើយរហូតដល់ពេលនេះមានកូនប្រុសម្នាក់និងកូនស្រី ម្នាក់។

        គ្រួសារលោក Tuong និងលោកស្រី Tien ចែករំលែកក្ដីសុភមង្គលជាមួយ ក្រុមគ្រួសារញាតិសណ្ដាន។

        បណ្ដាគូស្នេហ៍ចូលរួមកម្មវិធី “ក្ដីសុបិន្តក្លាយជាការពិត” នេះទទួលបាន ឧបត្ថម្ភសម្រាប់ការថតរូប តុបតែងមុខ និងការចំណាយរៀបចំពិធីរៀបអាពាហ៍ ពិពាហ៍តាមរបៀបរស់នៅថ្មីទាំងស្រុង។ គូស្នេហ៍នីមួយៗត្រូវបានអញ្ជើញក្រុម គ្រួសារញាតិសណ្ដានពី៥ដល់១០នាក់មកចូលរួមពិធីរៀបអាពាហ៍ពិពាហ៍ ព្រម ទាំងទទួលបានអំណោយផ្សេងៗជាច្រើនទៀតផង៕