នាពេលថ្មីៗនេះ គណៈចាត់តាំងការប្រកួត Drone Photo Awards ឆ្នាំ២០២១ បានប្រកាសស្នាដៃឈ្នះពានរង្វាន់ ចំណុះផ្នែកជាច្រើនដូចជា៖ ធម្មជាតិ ទីក្រុង មនុស្ស អរូបីយ៍ សត្វព្រៃ។ ល។

ក្នុងនោះ អ្នកថតរូប Pham Huy Trung របស់វៀតណាម ដណ្ដើមបានរង្វាន់លេខ១ ផ្នែករូបថតមនុស្ស ដោយស្នាដៃមានប្រធានបទថា “នេសាទនៅព្រៃលិចទឹកប្រៃ”។ ស្នាដៃនេះត្រូវបានថតនៅលើទន្លេ Tam Giang ខេត្ត Thua Thien Hue ក្នុងរដូវរងារ។

Drone Photo Awards ជាការប្រកួតសម្រាប់រូបថតដែលបានថតពីឧបករណ៍និងមធ្យោបាយនៅខាងលើ ស្ថិតនៅក្នុងក្របខ័ណ្ឌពានរង្វាន់រូបថតអន្តរជាតិ Siena Photo Awards ដែលបានធ្វើឡើងចាប់តាំងពីឆ្នាំ២០១៥ ទាក់ទាញអ្នកថតរូបទាំងវិជ្ជាជីវៈនិងមិនមែនវិជ្ជាជីវៈលើទូទាំងពិភពលោក។ ឆ្នាំនេះ ការប្រកួតមានការចូលរួមរបស់រូបថតប្រមាណ១៤ពាន់សន្លឹកមកពីប្រទេសចំនួនជាង១០០។

ខាងក្រោមនេះគឺជារូបថតគួរឲ្យចាប់អារម្មណ៍បំផុតនៃការប្រកួតឆ្នាំនេះ៖

រូបថតហ្វូងសត្វក្ងានព្រៃនៅភាគកណ្ដាលន័រវេស របស់អ្នកថតរូបជនជាតិន័រវេស Terje Kolaas ដណ្ដើមបានរង្វាន់លេខ១សរុប។

២. មនុស្ស

រូបថត “នេសាទនៅព្រៃលិចទឹកប្រៃ” ត្រូវបានអ្នកថតរូប Pham Huy Trung ថតនៅចុងឆ្នាំ ២០១៨ នៅទន្លេ Tam Giang ដណ្ដើមបានរង្វាន់លេខ១ផ្នែករូបថតមនុស្ស។

៣. ទីក្រុង

ដណ្ដើមបានរង្វាន់លេខ១ផ្នែករូបថតទីក្រុងគឺអ្នកថតរូបជនជាតិរុស្ស៊ី Sergei Poletaev ជាមួយនឹងរូបថតវិហារគ្រិស្តដោយមានអាយុកាល៥០០ឆ្នាំនៅតំបន់ម៉ូស្គូ នៅខាង ក្រោយគឺរោងចក្រអគ្គីសនីធំមួយ។

៤. សត្វព្រៃ

រូបថត សត្វអណ្ដើកខៀវមួយក្បាលកំពុងវិលត្រឡប់ចុះនៅសមុទ្រវិញ បន្ទាប់ពីពងរួចនៅលើគោក របស់អ្នកថតរូប Oman Qasim Al Farsi ដណ្ដើមបានរង្វាន់លេខ១ផ្នែករូបថតសត្វព្រៃ។

៥. កីឡា

រូបថត កីឡាការិនីជិះរលក របស់អ្នកថតរូបជនជាតិ Phil De Glanville ដណ្ដើមបាន រង្វាន់លេខ១ផ្នែករូបថតកីឡា។

៦. ធម្មជាតិ

រូបថតភ្នំភ្លើងកំពុងផ្ទុះកំអែភ្លើងនៅអ៊ីឡង់របស់អ្នកថតរូបជនជាតិអាមេរិក Martin Sanchez ដណ្ដើមបានរង្វាន់លេខ១ផ្នែកធម្មជាតិ។

៧. អរូបិយ៍

រូបថត “ទន្លេជ្រាបជាតិពុល” របស់អ្នកថតរូប Gheorghe Popa ជនជាតិរូម៉ានីដណ្ដើម បានរង្វាន់លេខ១ផ្នែកអរូបិយ៍។

៨. ពិធីរៀបអាពាហ៍ពិពាហ៍

រូបថតដែលឈ្នះរង្វាន់ផ្នែក “ពិធីរៀបអាពាហ៍ពិពាហ៍” ត្រូវបានអ្នកថតរូបជនជាតិ អ៊ីតាលី Matteo Originale ថតនៅ Marina di Pisa។