ខ្សែរថភ្លើងឡើងភ្នំ Muong Hoa (រូបថត៖ news.zing.vn)

ខ្សែរថភ្លើងឡើងភ្នំ Muong Hoa ខាងលើត្រូវបានវិនិយោគសាងសង់ដោយ សម្ព័ន្ធក្រុមហ៊ុន Sun Group ដោយប្រវែងសរុបជិត២គ.ម។ បន្ទាប់ពីធ្វើដំណើរពី សណ្ឋាគារ Mgallery នៅទីរួមស្រុក Sapa ហើយបញ្ចប់ដំណើរនៅស្ថានីយ៍ខ្សែ កាបកន្ត្រក់យោង Fansipan ខ្សែរថភ្លើងឡើងភ្នំ Muong Hoa បានកាត់បន្ថយ ពេលវេលាធ្វើដំណើររបស់ភ្ញៀវទេសចរចុះនៅត្រឹម៦នាទី ជំនួសឲ្យរយៈពេល ពី១៥ដល់២០នាទីបើជិះរថយន្ត។ ទន្ទឹមនឹងនោះ ខ្សែរថភ្លើងនេះក៏ធានាសុវត្ថិភាព យ៉ាងអតិបរមាចំពោះភ្ញៀវទេសចរផងដែរ។ លោក Nguyen Hong Phuc អ្នក ប្រតិបត្តិខ្សែរថភ្លើង បានសំណេះសំណាលថា៖

        “រថភ្លើងនេះត្រូវបានធ្វើឡើងដោយបច្ចេកវិទ្យាអឺរ៉ុប ដូច្នេះហើយអាចទុក ចិត្តអំពីសុវត្ថិភាព។ រថភ្លើងនេះក៏ត្រូវបានរចនាដោយខ្សែកាបដ៏ធំ ហើយ ប្រព័ន្ធបច្ចេកទេសទំនើបៗ ដូច្នេះបានជាមិនអាចកើតមានឡើងហានិភ័យណា មួយឡើយ។ ប្រសិនបើបាត់ភ្លើងគឺរថភ្លើងនឹងបញ្ឈប់ដំណើរ ហើយចាំពេលមាន ភ្លើងវិញ ទើបប្រតិបត្តិឡើងវិញដែរ។ នាពេលដែលករណីនេះកើតមានឡើង យើងខ្ញុំនឹងណែនាំឲ្យភ្ញៀវទេសចរមានអារម្មណ៍ស្រស់ស្រាយ ហើយគេត្រឹមតែរង់ចាំ ក្នុងរយៈពេលពី១ដល់៣នាទីប៉ុណ្ណោះ គឺមានភ្លើងឡើងវិញហើយ”។

ស្ថានីយ៍រថភ្លើងត្រូវបានកសាងតាមស្ថាបត្យកម្មអឹរ៉ុប (រូបថត៖ news.zing.vn)

        រថភ្លើងឡើងភ្នំមានទូរចំនួន២ ដែលត្រូវបានគូរប្លង់និងផលិតដោយក្រុមហ៊ុន Garaventa របស់ស្វីស។ ទូរនីមួយៗអាចដឹកជញ្ជូនអ្នកដំណើរចំនួន២០០នាក់។ ពេលដែលជិះរថភ្លើងឡើងភ្នំ Muong Hoa ភ្ញៀវទេសចរអាចគយគន់ទេសភាពដ៏ ស្រស់ស្អាតនៃព្រៃភ្នំនៃតំបន់ភាគពាយ័ព្យ សំណង់ស្ថាបត្យកម្មបារាំងនៅស្ថានីយ៍ចេញ ទៅ Sapa ភូមិស្រុករបស់បណ្ដាជនជាតិភាគតិច ជួរភ្នំ Hoang Lien Son កំពូលភ្នំ Fansipan ដែលមានប្រសិទ្ធនាមជា ដំបូលផ្ទះឥណ្ឌូចិន ក៏ដូចជាមណ្ឌលសំណង់ ស្ថាបត្យកម្មវប្បធម៌ជំនឿសាសនានៅលើកំពូលភ្នំ Fansipan ផងដែរ។ លោក Nguyen Tuan Hung ភ្ញៀវទេសចរមួយនាក់ដែលបានជិះរថភ្លើងឡើងភ្នំ បានចែករំលែកថា៖

        “ការជិះរថភ្លើងដូច្នេះមិនត្រឹមតែជួយសន្សំសម្ចៃពេលវេលាប៉ុណ្ណោះទេ ថែមទាំងជួយភ្ញៀវទេសចរអាចគយគន់សោភណភាព Sapa ឲ្យបានល្អជាងនេះទៅទៀត។ យើងខ្ញុំគយគន់សោភ័ណភាពជ្រលងភ្នំ Muong Hoa និងភូមិ Cat Cat ទាំងស្រុង។ នាពេលអាកាសធាតុអំណោយផល យើងអាចឃើញកំពូលភ្នំ Fansipan និងខ្សែកាបកន្ត្រក់យោងដ៏ទំនើបបំផុតនៅតំបន់អាស៊ីអាគ្នេយ៍ដែលបានដឹកជញ្ជូនភ្ញៀវទេសច រឡើងភ្នំ Fansipan ផងដែរ។

(រូបថត៖ news.zing.vn)

       ខ្សែរថភ្លើងឡើងភ្នំ Muong Hoa បានរួមចំណែកយ៉ាងល្អឥតខ្ចោះនិងធ្វើឲ្យសម្បូរបែប នូវសេវាសកម្មទេសចរដ៏វិសេសវិសាលចំពោះភ្ញៀវទេសចរនាពេលមកដល់តំបន់ពាយ័ព្យម្ដងៗ។

        ដោយការដាក់ឲ្យដំណើរការខ្សែរថភ្លើងឡើងភ្នំ Muong Hoa ផ្នែក ទេសចរណ៍ខេត្ត Lao Cai មានផលិតផលទេសចរណ៍ថ្នាក់អន្តរជាតិមួយទៀត រួមចំណែកបង្កើតការងារ លើកស្ទួយជីវភាពរស់នៅរបស់ប្រជាជន ព្រម ទាំងទាក់ទាញភ្ញៀវទេសចរមកទស្សនាតំបន់នេះកាន់តែច្រើនពីមួយថ្ងៃទៅមួយ ថ្ងៃផងដែរ៕