ភ្ញៀវទេសចរចូលរួមមហោស្រពចំណីអហារអន្តរជាតិទីក្រុងដាណាំងឆ្នាំ២០១៩ (រូបថត៖ TTXVN)

  ដោយប្រធានបទ “រសជាតិនៃស្រុកកំណើត” មហោស្រពចំណីអាហារអន្តរ ជាតិដាណាំងឆ្នាំ២០១៩ បាននាំមកជូនភ្ញៀវទេសចរនូវបទពិសោធន៍ប្លែក អារម្មណ៍ ជាមួយមេចុងភៅអន្តរជាតិចំនួន១៣ រូបដែលជាអ្នកជំនាញចំណីអាហារ សមាជិកកិត្តិយសនៃសមាគមន៍មេចុងភៅពិភពលោក ឬក៏មេចុងភៅនៃភោជនីយ ដ្ឋាននិងសណ្ឋាគារធំៗនៅប្រទេសអាល្លឺម៉ង់ មិចស៊ីកូ ឥណ្ឌា ចិន ស៊ុយអែត អាមេរិក ទួរគី ក្រិក សឹង្ហបុរីនិងម៉ាឡេស៊ី។ នៅមហោស្រពនេះ បណ្ដាមេចុងភៅ បានបង្ហាញនិងឧទ្ទេសនាមដល់ទស្សនិកជនអំពីមុខម្ហូបដ៏សម្បូរបែបដែលបានធ្វើ ឡើងដោយវត្ថុធាតុដើមនិងគ្រឿងទេសប្រពៃណីនៅតំបន់ភាគកណ្ដាលវៀត ណាមតែប៉ុណ្ណោះ។ ប្រការនេះបានធ្វើអោយមហាជនមានការប្លែកចិត្តយ៉ាងខ្លាំង ដោយបានពិសាររសជាតិចម្លែកផងប៉ុន្តែស្គាល់ផង។ លោកស្រី Tran Thi Thom មកពីខេត្ត Bac Giang ភាគខាងជើងវៀតណាម បានចែករំលែកថា៖

        “នេះជាលើកដំបូងដែលខ្ញុំទៅដល់ទីក្រុង Da Nang ហើយចំពេលដែល ប្រព្រឹត្តទៅមហោស្រពចំណីអាហារអន្តរជាតិលើកដំបូងនេះដែរ។ មហោស្រព មានទ្រង់ទ្រាយធំណាស់ ហើយមុខម្ហូបក៏ឈ្ងុយឆ្ងាញ់និងសម្បូរបែបទៀតផង ដែលធ្វើអោយខ្ញុំសប្បាយរីករាយយ៉ាងក្រៃលែង”។

មុខម្ហូបបាញ់ត្រាងរមូរសាច់ជ្រូកស្ងោរ (រូបថត៖ VOV)

        រួមជាមួយមហោស្រពចំណីអាហារអន្តរជាតិដាណាំងឆ្នាំ២០១៩ ក្នុងប៉ុន្មាន ឆ្នាំថ្មីៗនេះ ចំណីអាហារដាណាំងកំពុងបង្កើតឡើងសញ្ញាសម្គាល់ក្នុងដួងចិត្តភ្ញៀវ ទេសចរដោយមុខម្ហូបពិសេសដោយឡែកជាច្រើនដូចជា៖ មី Quang នំបញ្ចុក ប្រហិតត្រី នំបញ្ចុកសាច់ជ្រូកអាំង បាញ់ត្រាងរមូរសាច់ជ្រូកស្ងោរ បាញ់ xeo ណែមអាំង បាយសាច់មាន់ និងគ្រឿងសមុទ្រស្ងោរនិងអាំងដ៏សម្បូរបែប ជា ដើម។ មនុស្សជាច្រើនបានចាត់ទុកថា “ទីក្រុងដាណាំងជាឋានសួគ៍ចំណីអាហារ” ដោយមានមុខម្ហូបដ៏វិសេសវិសាលដែលមានរសជាតិមិនអាចបំភ្លេចបានឡើយ។ លោកស្រី Tran Thi Kim Chi មកពីទីក្រុងហូជីមិញ បានចែករំលែកថា៖

        “ខ្ញុំចូលចិត្តញ៉ាំនំបញ្ចុកប្រហិតត្រី មី Quang និងបាញ់ xeo។ មុខម្ហូបនៅ ទីក្រុងដាណាំងមានសម្បូរបែបហើយរសជាតិឆ្ងាញ់អស្ចារ្យណាស់។ ចំណីអាហារ គឺជាមូលហេតុដែលខ្ញុំចង់វិលត្រឡប់ទៅទីនេះវិញ”។

        ទីក្រុងដាណាំងជាតំបន់ដែលមានលក្ខណៈវប្បធម៌នៃតំបន់ទាំងបីទូទាំង ប្រទេស ហេតុនេះហើយចំណីអាហារដាណាំងក៏មានលក្ខណៈយ៉ាងដូច្នេះដែរ។ ភ្ញៀវទេសចរមកដល់ដាណាំងអាចពិសារមុខម្ហូបពិសេសដោយឡែកនៃតំបន់ទាំងបី ដែលត្រូវបានចម្អិនដោយមនុស្សមកពីតំបន់នោះ ប៉ុន្តែមានការកែតម្រូវបន្តិច អោយបានសមស្របនឹងការនិយមចូលចិត្តរបស់ជនដាណាំង។ ក្នុងប៉ុន្មានឆ្នាំថ្មីៗ នេះ នៅទីក្រុងដាណាំងបានបង្កើតឡើងវិថីចំណីអាហារជាច្រើនដូចជា៖ វិថី Huynh Thuc Khang វិថី Pham Hong Thai និងវិថី Le Thanh Nghi។ រួមជាមួយ គ្នានោះគឺប្រព័ន្ធហាងម្ហូបអាហារនិងភោជនីយដ្ឋានដោយមានការបម្រើយ៉ាងល្អ និងតម្លៃសមស្របនោះ បានបន្សល់ទុកមកនូវការចាប់អារម្មណ៍ចំពោះភ្ញៀវ ទេសចរ។ លោក Nguyen Xuan Binh នាយករងមន្ទីរទេសចរណ៍ទីក្រុងដាណាំង បានអោយដឹងថា ដាណាំងមានគោលបំណងចង់បង្កើតឡើងផលិតផលទេសចរ ជាច្រើន ថែមទៀតតាមរយៈមហោស្រពចំណីអាហារដោយមានទាំងលំដាប់តំបន់និង អន្តរជាតិ។ លោកបានថ្លែងថា៖

        “ប្រសិនបើយើងអញ្ជើញមេចុងភៅអន្តរជាតិជាច្រើនមកដល់ទីនេះ ហើយ តាមរយៈការជួបប្រាស្រ័យ ក៏ដូចជាការចែករំលែកបទពិសោធន៍ជាមួយមេចុងភៅ នៃទីក្រុង នឹងធ្វើអោយចំណីអាហារដាណាំងកាន់តែសម្បូរបែបនិងសមាហរណ កម្មពីមួយថ្ងៃទៅមួយថ្ងៃ។ នេះជាមូលដ្ឋានដើម្បីឧទ្ទេសនាមដល់មិត្តភក្តិទាំងក្នុង និងក្រៅប្រទេសអោយបានដឹងថា ទីក្រុងដាណាំងមានចំណីអាហារយ៉ាងសម្បូរ បែបណាស់ ដោយត្រៀមខ្លួនជាស្រេចបម្រើភ្ញៀវទេសចរមកពីគ្រប់ទិសទីទូទាំង ពិភពលោក”។

មុខម្ហូបមី Quang

        លោក Thomas Andeas Guler ប្រធានសមាគមន៍មេចុងភៅពិភពលោក បានចាត់ទុកថាចំណីអាហារនៃទីក្រុងដាណាំងគួរតែបានឧទ្ទេសនាមយ៉ាងទូលំ ទូលាយទៅ0ដល់ពិភពលោកព្រោះថាវាមានរសជាតិដោយឡែកនិងសម្បូរបែបយ៉ាង ពិតប្រាកដ។ លោកបានថ្លែងថា៖

        “ចាប់ពីព្រឹត្តិការណ៍ដែលបានរៀបចំឡើងនៅទីក្រុង Hoi An ៣ឆ្នាំមុននេះ យើងខ្ញុំបានស្វែង រកទីកន្លែងធំជាងទៀត ហើយបានជ្រើសរើសទីក្រុងដាណាំង។ ទីក្រុងនេះមានវត្តមានជាថ្មីម្ដងទៅនៅលើផែនទីចំណីអាហារពិភពលោកតាមរយៈសប្ដាហ៍ចំណីអាហារអន្តរជាតិលើកនេះ។ មហាជនក៏ដូចជាភ្ញៀវទេសចរគ្រប់ រូបអាចចូលរួមសកម្មភាពជាច្រើន ហើយទទួលទានរសជាតិនៃមុខម្ហូបមកពីគ្រប់ទិសទីទូទាំងពិភពលោក”។

        នាបច្ចុប្បន្ន ចំណីអាហារមិនត្រឹមតែដើរតួនាទីជាកត្តាបម្រើអោយតម្រូវការ ហូបចុករបស់ភ្ញៀវទេសចរប៉ុណ្ណោះទេ ថែមទាំងបានក្លាយទៅជាគោលដៅនៃ ដំណើរទេសចរទៀតផង។ ដោយហេតុនេះ ដើម្បីទាក់ទាញភ្ញៀវទេសចរអោយ បានច្រើនថែមទៀត ទីក្រុងដាណាំងបានកំណត់ថា នឹងប្រែក្លាយចំណីអាហារទៅ ជាផលិតផលទេសចរពិសេសមួយ៕